Kennarar skrifa undir samning

Félag grunnskólakennara skrifaði undir kjarasamning við Samband íslenskra sveitarfélaga í gær. Samningurinn gildir frá 1. apríl til 31. mars á næsta ári.

Á vef Kennarasambandsins kemur fram að helstu atriði samningsins séu launabreytingar, horft sé frá vinnumati, undirbúningur hverrar kennslustundar er aukinn, tími til annarra faglegra starfa er minnkaður, nýr menntunarkafli og greitt er fyrir sértæk verkefni.

Áformað er að rafræn atkvæðagreiðsla um samninginn hefjist klukkan tvö á föstudaginn og standi til tvö miðvikudaginn 21. mars.