Marsspá Siggu Kling – Meyjan: Getur stundum orðið spennt fyrir skyndikynnum

Elsku Meyjan mín, tilfinningaríka og ástþrungna, það er á hreinu að þú ert varfærin í flestu og átt erfitt með að taka áhættu sem verður þín mesta hindrun ef þú þorir ekki að skora á sjálfa þig til til forystu í verkefnum í framtíðinni.

Það er svo sterkt í þér að fara þínar eigin leiðir þó að útlit þitt og framkoma bendi til þess að þú sért ekki þessi sérvitra manneskja. Þú ert glúrin í margskonar viðskiptum og samskiptum og fólk í kringum þig lítur upp til þín eins og enginn sé morgundagurinn og alltaf verðurðu jafn hissa á hversu cool þú í raun og veru ert.

Þú ert með sterkt skap, en láttu það ekki koma þér í vandræði, lærðu að fyrirgefa annarra manna vesen því þú getur verið svo fljótfær á orð og setningar því þér er svo eðlislægt að vera hreinskilin, en var einhver að biðja um hreinskilni? Nei við viljum ekki hreinskilni!

Þú getur stundum orðið spennt fyrir skyndikynnum en þau munu skila þér núll orku, notaðu ástríður þínar í annað en innantóm skyndikynni sem gefa þér ekkert. Það sem þú elskar festu í lífinu þarftu pottþéttan maka og það er oft sú persóna sem þú ert montin að kynna fyrir mömmu og pabba þínum, sem þú berð virðingu fyrir og þá finnurðu rólegheitin og kraftinn til þess að vera sú sem þú vilt vera.

Það er mikil spenna í kringum þig og með fullt tungl í Meyjunni núna í mars er þú ekki viss hvort þú sért að koma eða fara, mjög sérkennileg skilaboð frá mér til þín: Farðu í ræktina, farðu út að hlaupa og settu tilfinningarnar í einhvers konar útrás sem hreyfing er þá finnurðu kjarnann þinn og eflist eins og kjarnorkuflaug.

Þú þarft að byggja það upp sem þú nú þegar hefur, blása krafti og púðri í það sem þú sérð næst þér, í því felst lausnin. Þú átt auðveldlega eftir að geta sagt: „Ég gerði vitleysu, en núna veit ég hvað er rétt“.

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona.

Setningin er þín er: Hnífur, skæri, steinn –  Paper (Svala Björgvins)