„Það er ekkert hræðilegt ef ég næ þessu ekki “ Ingvi Þór Sæmundsson skrifar 5. febrúar 2018 06:00 Arna Stefanía Guðmundsdóttir. Vísir/Hanna FH-ingurinn Arna Stefanía Guðmundsdóttir kom fyrst í mark í úrslitum í 400 metra hlaupi kvenna á Reykjavíkurleikunum á laugardaginn. Arna hljóp á 54,39 sekúndum. Eva Hovenkamp frá Hollandi varð önnur á 54,97 sekúndum og samherji Örnu úr FH, Þórdís Eva Steinsdóttir, þriðja á 56,13 sekúndum. Arna vann einnig sigur í 400 metra hlaupi á Reykjavíkurleikunum í fyrra, þá á mótsmeti; 53,92 sekúndum. Í samtali við Fréttablaðið kvaðst Arna ánægð með sigurinn um helgina, jafnvel þótt hún hefði ekki náð lágmarki fyrir EM innanhúss sem fer fram í Birmingham 1.-4. mars næstkomandi. „Mig grunaði að ég næði ekki lágmarki í fyrsta hlaupi. Eftir á að hyggja skipti meira máli að hafa unnið þetta. En auðvitað hefði ég viljað hafa tímann betri. Þetta er smá frá mínu besta. Það var gaman að vinna en ég hef engar brjálaðar áhyggjur af þessu lágmarki,“ sagði Arna sem hefur þrjár helgar í viðbót til að ná lágmarkinu fyrir EM.Fór of hægt af stað Ég veit að ég á meira inni. Ég hef hlaupið 400 metrana á 53 sekúndum. Ég á að geta þetta og verð kannski að fara hraðar af stað,“ sagði Arna. En vantaði hana meira samkeppni í hlaupinu á laugardaginn? „Það er auðvelt að segja það eftir á. Þetta var verðug samkeppni en stundum spilast hlaupin svona. Ég var á fjórðu braut og hún [Hovenkamp] á þriðju. Við fórum báðar alltof hægt af stað. Hún sagði það við mig eftir hlaupið,“ sagði Arna.EM bónus EM-lágmarkið í 400 metra hlaupi er 53,15 sekúndur. Arna segir að það verði bara bónus fyrir sig ef hún nær því. Það sem er mikilvægara er að hún er búin að ná lágmarki í 400 metra grindahlaupi, sinni aðalgrein, fyrir EM utanhúss sem fer fram í Berlín í ágúst. „Það er ekkert hræðilegt ef ég næ þessu ekki en mér finnst allt í lagi að setja mér þetta sem markmið,“ sagði Arna. En hversu mikla áherslu leggur hún á innanhússtímabilið?Meiri möguleikar í grindahlaupinu „Það skiptir máli að vera í góðu formi og líka fyrir hausinn, að vera tilbúin í utanhússtímabilið. Ég æfi vel fyrir innanhússtímabil og langar að hlaupa hratt inni. En ég veit að möguleikar mínir í 400 metra grindahlaupi eru mun meiri heldur en í 400 metra hlaupi,“ sagði Arna. Hún segir allar æfingar miðast að því að toppa á EM í Berlín í ágúst. „Í mars/apríl byrja ég í þungum sprettum og þyngri lyftingum. Ég fer örugglega í æfingabúðir í apríl eða maí. Í maí byrjar maður að fara út og hlaupa grindahlaup. Ég get það eiginlega ekki innanhúss,“ sagði Arna sem hefur síðustu ár farið í æfingabúðir til sólríkari landa, þar sem auðveldara er að æfa utanhúss en hér heima. „Það hentar mjög vel að fara í æfingabúðir í lok apríl eða byrjun maí og vera tilbúin þegar heim er komið.“Verðlaunum hlaðin í fyrra Síðasta ár var gjöfult hjá Örnu. Hún vann til bronsverðlauna í 400 metra grindahlaupi á EM U-23 ára, varð Norðurlandameistari í 400 metra hlaupi innanhúss og hlaut gullverðlaun í 400 metra grindahlaupi á Smáþjóðaleikunum. Þá varð hún Íslandsmeistari í fjölda greina og bikarmeistari með kvennaliði FH. „Ég hljóp reyndar hraðar árið 2016 en 2017 var best hvað árangurinn varðar,“ sagði Arna sem er nú komin í fullorðinna manna tölu, ef svo má segja. EM í Póllandi, þar sem hún vann bronsið, var hennar síðasta mót í U-23 ára flokki. Arna keppti í fullorðinsflokki á EM utanhúss í Amsterdam sumarið 2016 og náði lágmarki fyrir EM innanhúss í Belgrad síðasta vetur. Meiðsli komu í veg fyrir þátttöku hennar þar.Dreymir um úrslit á EM Arna komst í undanúrslit í 400 metra grindahlaupi á EM í Amsterdam og stefnir á að gera betur í Berlín í ágúst. „Ég fór í undanúrslit síðast og það væri gaman að fara í úrslit núna,“ sagði Arna. Birtist í Fréttablaðinu Frjálsar íþróttir Mest lesið Þórir ráðinn til HSÍ Handbolti „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Segir sína menn þurfa að vera í „meistara ásigkomulagi“ Körfubolti Leggur til bíl ef félagið ákveður að ræna Antony Fótbolti „Þetta var ákvörðun sem ég þurfti að taka“ Íslenski boltinn Uppgjörið: Grindavík - Stjarnan 95-92 | Rosalegasta endurkoma síðari ára Körfubolti „Kóngurinn á Íslandi, DeAndre Kane, bjargaði okkur“ Körfubolti „Þeir vilja náttúrulega fleiri leiki líka“ Körfubolti Mætir bróður sínum í úrslitum: „Staðfestur titill á okkar heimili“ Handbolti Fleiri fréttir Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Í beinni: Breiðablik - Víkingur | Meistararnir komnir á flug Í beinni: Fram - FHL | Uppgjör nýliðanna Fyrsti deildarsigur Brøndby á árinu Uppselt í fyrsta sinn á Álftanesinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Þórir ráðinn til HSÍ „Kóngurinn á Íslandi, DeAndre Kane, bjargaði okkur“ Tímabilinu líklega lokið hjá Orra „Þetta var ákvörðun sem ég þurfti að taka“ Houston knúði fram oddaleik „Gætum ekki verið spenntari að koma aftur til Íslands“ Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Sjá meira
FH-ingurinn Arna Stefanía Guðmundsdóttir kom fyrst í mark í úrslitum í 400 metra hlaupi kvenna á Reykjavíkurleikunum á laugardaginn. Arna hljóp á 54,39 sekúndum. Eva Hovenkamp frá Hollandi varð önnur á 54,97 sekúndum og samherji Örnu úr FH, Þórdís Eva Steinsdóttir, þriðja á 56,13 sekúndum. Arna vann einnig sigur í 400 metra hlaupi á Reykjavíkurleikunum í fyrra, þá á mótsmeti; 53,92 sekúndum. Í samtali við Fréttablaðið kvaðst Arna ánægð með sigurinn um helgina, jafnvel þótt hún hefði ekki náð lágmarki fyrir EM innanhúss sem fer fram í Birmingham 1.-4. mars næstkomandi. „Mig grunaði að ég næði ekki lágmarki í fyrsta hlaupi. Eftir á að hyggja skipti meira máli að hafa unnið þetta. En auðvitað hefði ég viljað hafa tímann betri. Þetta er smá frá mínu besta. Það var gaman að vinna en ég hef engar brjálaðar áhyggjur af þessu lágmarki,“ sagði Arna sem hefur þrjár helgar í viðbót til að ná lágmarkinu fyrir EM.Fór of hægt af stað Ég veit að ég á meira inni. Ég hef hlaupið 400 metrana á 53 sekúndum. Ég á að geta þetta og verð kannski að fara hraðar af stað,“ sagði Arna. En vantaði hana meira samkeppni í hlaupinu á laugardaginn? „Það er auðvelt að segja það eftir á. Þetta var verðug samkeppni en stundum spilast hlaupin svona. Ég var á fjórðu braut og hún [Hovenkamp] á þriðju. Við fórum báðar alltof hægt af stað. Hún sagði það við mig eftir hlaupið,“ sagði Arna.EM bónus EM-lágmarkið í 400 metra hlaupi er 53,15 sekúndur. Arna segir að það verði bara bónus fyrir sig ef hún nær því. Það sem er mikilvægara er að hún er búin að ná lágmarki í 400 metra grindahlaupi, sinni aðalgrein, fyrir EM utanhúss sem fer fram í Berlín í ágúst. „Það er ekkert hræðilegt ef ég næ þessu ekki en mér finnst allt í lagi að setja mér þetta sem markmið,“ sagði Arna. En hversu mikla áherslu leggur hún á innanhússtímabilið?Meiri möguleikar í grindahlaupinu „Það skiptir máli að vera í góðu formi og líka fyrir hausinn, að vera tilbúin í utanhússtímabilið. Ég æfi vel fyrir innanhússtímabil og langar að hlaupa hratt inni. En ég veit að möguleikar mínir í 400 metra grindahlaupi eru mun meiri heldur en í 400 metra hlaupi,“ sagði Arna. Hún segir allar æfingar miðast að því að toppa á EM í Berlín í ágúst. „Í mars/apríl byrja ég í þungum sprettum og þyngri lyftingum. Ég fer örugglega í æfingabúðir í apríl eða maí. Í maí byrjar maður að fara út og hlaupa grindahlaup. Ég get það eiginlega ekki innanhúss,“ sagði Arna sem hefur síðustu ár farið í æfingabúðir til sólríkari landa, þar sem auðveldara er að æfa utanhúss en hér heima. „Það hentar mjög vel að fara í æfingabúðir í lok apríl eða byrjun maí og vera tilbúin þegar heim er komið.“Verðlaunum hlaðin í fyrra Síðasta ár var gjöfult hjá Örnu. Hún vann til bronsverðlauna í 400 metra grindahlaupi á EM U-23 ára, varð Norðurlandameistari í 400 metra hlaupi innanhúss og hlaut gullverðlaun í 400 metra grindahlaupi á Smáþjóðaleikunum. Þá varð hún Íslandsmeistari í fjölda greina og bikarmeistari með kvennaliði FH. „Ég hljóp reyndar hraðar árið 2016 en 2017 var best hvað árangurinn varðar,“ sagði Arna sem er nú komin í fullorðinna manna tölu, ef svo má segja. EM í Póllandi, þar sem hún vann bronsið, var hennar síðasta mót í U-23 ára flokki. Arna keppti í fullorðinsflokki á EM utanhúss í Amsterdam sumarið 2016 og náði lágmarki fyrir EM innanhúss í Belgrad síðasta vetur. Meiðsli komu í veg fyrir þátttöku hennar þar.Dreymir um úrslit á EM Arna komst í undanúrslit í 400 metra grindahlaupi á EM í Amsterdam og stefnir á að gera betur í Berlín í ágúst. „Ég fór í undanúrslit síðast og það væri gaman að fara í úrslit núna,“ sagði Arna.
Birtist í Fréttablaðinu Frjálsar íþróttir Mest lesið Þórir ráðinn til HSÍ Handbolti „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Segir sína menn þurfa að vera í „meistara ásigkomulagi“ Körfubolti Leggur til bíl ef félagið ákveður að ræna Antony Fótbolti „Þetta var ákvörðun sem ég þurfti að taka“ Íslenski boltinn Uppgjörið: Grindavík - Stjarnan 95-92 | Rosalegasta endurkoma síðari ára Körfubolti „Kóngurinn á Íslandi, DeAndre Kane, bjargaði okkur“ Körfubolti „Þeir vilja náttúrulega fleiri leiki líka“ Körfubolti Mætir bróður sínum í úrslitum: „Staðfestur titill á okkar heimili“ Handbolti Fleiri fréttir Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Í beinni: Breiðablik - Víkingur | Meistararnir komnir á flug Í beinni: Fram - FHL | Uppgjör nýliðanna Fyrsti deildarsigur Brøndby á árinu Uppselt í fyrsta sinn á Álftanesinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Þórir ráðinn til HSÍ „Kóngurinn á Íslandi, DeAndre Kane, bjargaði okkur“ Tímabilinu líklega lokið hjá Orra „Þetta var ákvörðun sem ég þurfti að taka“ Houston knúði fram oddaleik „Gætum ekki verið spenntari að koma aftur til Íslands“ Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Sjá meira
Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita