Lokanir vegna veðurs: Fjöldi verkefna vegna ófærðar á Mosfellsheiði

Ágætlega hefur gengið að koma ökumönnum og farþegum þeirra bíla sem voru í vanda á Mosfellsheiði í dag og er röð bíla á leiðinni niður af heiðinni í fylgt með bílum björgunarsveita. Nokkrir bílar voru skildir eftir og verða Mosfellsheiði og Lyngdalsheiði enn lokaðar þangað til annað verður ákveðið.

Þá eru vegirnir um Hellisheiði og Þrengslin einnig lokaðir og er sömuleiðis vegurinn um Súðavíkurhlíð lokaður vegna snjóflóðahættu.

Hálka eða hálkublettir og skafrenningur eru á velflestum vegum á Suður- Suðvesturlandi.

Vesturland: Hálka, snjóþekja og skafrenningur mjög víða. Þæfingur er á Svínadal.

Vestfirðir: Víða þungfært eða ófært, strekkingsvindur, ofanhríð og blint. Búið er að opna í Súgandafjörð - og eins bæði Mikladal og Hálfdán en þar er þó þæfingur.

Norðurland: Hríðarveður og hálka og snjóþekja á flestum vegum.

Austurland: Greiðfært á láglendi en hálka eða hálkublettir á fjallvegum.  Breiðdalsheiði og Öxi eru opnar.

Suðausturland: Greiðfært suður í Öræfi en sums staðar nokkur hálka þaðan.