Lygileg keiluskot gera allt vitlaust

Á YouTube-rásinni Dude Perfect má sjá heldur mögnuð tilþrif með keilukúlu. Félagarnir leika sér með kúluna og gera allskonar trix sem hreinlega er erfitt að skilja hvernig þeir fara að.

Um er að ræða eitt allra vinsælasta myndband á YouTube um þessar mundir og skiljanlega, enda er myndbandið ótrúlegt.

Þegar þessi frétt er skrifuð hefur verið horft á myndbandið yfir þrettán milljón sinnum á þremur dögum og er allt lagt í sölurnar við gerð þess.

Mennirnir fara í allskonar aðstæður með keilukúluna og er hugmyndunarflugið með hreinum ólíkindum.

Hér að neðan má sjá hvernig til tókst.