Ísland eignast annað EHF-dómarapar

Svavar Ólafur Pétursson og Sigurður Hjörtur Þrastarson eru nýjasta EHF-dómarapar Íslands en þetta varð ljóst eftir að þeir stóðust dómarapróf EHF um helgina.

Þeir félagar voru í Drammen í Noregi um helgina þar sem þeir tóku hins ýmsu próf, bæði verkleg og skrifleg, en í kjölfarið útskrifuðust þeir sem EHF-dómarapar.

Þetta er ekki í fyrsta skipti sem Svavar verður EHF-dómari því er hann dæmdi með Arnari Sigurjónssyni þar sem þeir dæmdu meðal annars í Meistaradeild Evrópu.

Það eru því tvö íslensk dómarapör sem geta dæmt á erlendri grundu en Anton Gylfi Pálsson og Jónas Elíasson eru hitt dómaraparið sem er með EHF réttindin.

Nýjasta EHF par okkar Íslendinga eru þeir Sigurður H. Þrastarson og Svavar Ólafur Pétursson en þeir luku EHF námskeiði í Drammen í Noregi nú um helgina. Til hamingju Siggi og Svavar! #handbolti #uppmeðsokkana

A post shared by Handknattleikssamband Íslands (@hsi_iceland) on Apr 23, 2018 at 11:21am PDT