Alvarleg líkamsárás í Sandgerði

Laust fyrir miðnætti var Lögreglan á Suðuresjum kölluð út vegna líkamsárásar sem á að hafa átt sér stað í heimahúsi í Sandgerði. Fréttastofa RÚV greindi fyrst frá þessu.

Samkvæmt upplýsingum frá Lögreglunni á Suðurnesjum var einn aðili fluttur á sjúkrahús í nótt. Maðurinn er ekki í lífshættu. Ansi margir voru handteknir í tengslum við málið og eru fangageymslur á Suðurnesjum fullar vegna málsins.

„Við lítum á þetta sem stórfellda líkamsárás og þess vegna eru allir handteknir í tengslum við þetta mál og úr þessu partíi.“

Rannsókn málsins er á frumstigi og því ekki hægt að veita frekari upplýsingar um líkamsárásina að svo stöddu. Lögreglan fékkst ekki til þess að segja til um hvort vopni hafi verið beitt.