Lífið

Ariana Grande ósátt við Pete Davidson

Sylvía Hall skrifar
Ariana Grande og Pete Davidson trúlofuðu sig eftir stutt samband en hafa nú slitið trúlofun sinni.
Ariana Grande og Pete Davidson trúlofuðu sig eftir stutt samband en hafa nú slitið trúlofun sinni. Vísir/Getty
Ariana Grande er ekki parsátt við sinn fyrrum unnusta eftir grínatriði í þættinum SNL. Í þættinum þar sem Maggie Rogers og Jonah Hill voru gestastjórnendur biður Davidson Rogers um að giftast sér og gerir grín að því hve fljótlega hann og Grande trúlofuðu sig.

Sjá einnig: Grande og Davidson slíta trúlofun sinni

Samband Grande og Davidson þróaðist hratt og var parið trúlofað eftir rúmlega mánuð saman. Þau slitu trúlofun sinni fyrir skömmu og er aðeins farið að skvettast upp á vinskapinn ef marka má tíst sem Grande birti á Twitter-reikningi sínum en tístunum hefur nú verið eytt.

Í tístunum ýjaði Grande að því að Davidson væri að nýta sér sambandsslitin til þess að þoka ferli sínum áfram.

„Fyrir einhvern sem segist hata að vera í sviðsljósinu heldur þú ansi fast í það,“ sagði Grande í einu tístinu. „Takk fyrir, næsti,“ stóð svo í næsta tísti.

Þá endurbirti hún grínatriðið ásamt tísti frá aðdáanda hennar sem skrifaði við myndbandið: „SNL er að fara mjólka þessi sambandsslit alveg eins og þau mjólkuðu trúlofunina.“


Tengdar fréttir

Davidson tjáir sig í fyrsta sinn um sambandsslit hans og Grande

Bandaríski grínistinn Pete Davidson rauf í gær þögnina um sambandsslit hans við stórsöngkonuna Ariönu Grande í þættinum Judd & Pete for America, en í síðustu viku var tilkynnt um að parið fyrrverandi hafi slitið samvistum og bundið enda á trúlofun sína.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.