Bandaríski tónlistarmaðurinn Prince lést vegna of stórs skammts af verkjalyfinu fentanýli. Associated Press greinir frá þessu en fjölmiðillinn hefur skýrslu vegna krufningar á líki tónlistarmannsins undir höndum.
Samkvæmt því sem fram kemur í skýrslunni hefur fólk látist af völdum fentanýls þegar það hefur mælst frá þremur míkrógrömmum í hverjum lítra af blóði og allt upp í 58 míkrógrömm í hverjum lítra af blóði. Þegar Prince lést voru 67,8 míkrógrömm af fentanýli í hverjum lítra af blóði.
Í lifur söngvarans fannst mikið magn af fentanýli og þá fannst einnig mögulega banvænn skammtur af þessu öfluga verkjalyfi í maga hans.
Prince fannst látinn á heimili sínu í Paisley Park í Minnesota í Bandaríkjunum í apríl árið 2016.
ÍBV
Afturelding
