Fyrsti tími eftir klukkan hálf níu

Ríkisþing Kalíforníuríkis samþykkti á föstudaginn frumvarp um að skólum yrði bannað að byrja kennslu fyrr en eftir klukkan 8:30 að morgni.

Lögin taka til tveggja af bandarísku skólastigunum (Middle School og High School). Fox greinir frá.

Lög þessi voru naumlega samþykkt í báðum deildum þingsins. Samþykki ríkisstjóri Kalíforníu, Jerry Brown, lögin með undirskrift sinni hafa skólar þrjú ár til að stilla sig af.

Stuðningsmenn tillögunnar segja að með því að seinka fyrsta tíma fái börn meiri svefn og mun það skila sér í fleiri útskriftarnemum