Þrjú mörk frá Óðni í tapi │Sjáðu frábæra takta

Óðinn Þór Ríkharðsson skoraði þrjú mörk í tapi GOG fyrir Skanderborg í dönsku úrvalsdeildinni í handbolta í dag.

Leikurinn var mjög jafn og skiptust liðin á að vera með forystuna í fyrri hálfleik. Þegar flautað var til leikhlés var staðan 17-15 fyrir heimamenn í Skanderborg.

Þegar seinni hálfleikur var hálfnaður náði GOG að jafna metin í 22-22. Heimamenn komust svo aftur yfir og á lokakaflanum náðu þeir að tryggja sér sigurinn, lokatölur 32-29.

Emil Jakobsen var markahæstur í liði gestanna með átta mörk. Hjá Skanderborg skoraði Cornelius Åstrup einnig átta mörk.

Eitt marka Óðins var einkar glæsilegt og má sjá myndband af því hér að neðan.