Fjögurra bíla árekstur í Hafnarfirði

Fjögurra bíla árekstur varð á gatnamótum Strandgötu og Lækjargötu í Hafnarfirði um klukkan hálf níu í morgun. Um er að ræða árekstur tveggja vörubíla og tveggja fólksbíla, en tveir þeirra komu úr gagnstæðri átt.

Einhver slys urðu á fólki en ekki er vitað um alvarleika þeirra að svo stöddu.

Miklar umferðartafir eru við Vellina í Hafnarfirði en lögregla stýrir umferð þessa stundina. Fólki er bent á að fara um Áslandsveg eða í gegnum miðbæ Hafnarfjarðar.

Frekari upplýsingar liggja ekki fyrir á þessu augnabliki.

Uppfært:

Þrír hafa verið fluttir á slysadeild Landspítalans, en einn þeirra er talinn mikið slasaður. Nánar hér.