Opnað fyrir aðra akrein við Klambratún

Tvær akreinar eru nú opnar á Miklubraut við Klambratún í dag. Akreinum hafði verið fækkað tímabundið frá Lönguhlíð og að Rauðarárstíg á meðan vegaframkvæmdum stendur en bæta á við forgansrein fyrir strætó ásamt endurnýjun ganstétta og hjólaleiða.

Verktakinn Bjössi ehf. hefur séð um framkvæmdina, sem hlotið hefur mikla athygli enda framkvæmdir haft nokkra töf í för með sér fyrir akandi vegfarendur.

Í samtali við Vísi segir Björn Sigurðsson, eigandi og forstjóri Bjössa ehf. að verkinu hafi lokið fyrir áætlun en ekki átti að opna fyrir aðra akrein þar til í lok sumars.

„Verkið fór nokkuð langt fram úr áætlun og við erum bara sáttir með það. Akreinin opnaði á föstudagsmorguninn.“

Spurður hvers vegna svo hafi verið vildi Björn ekki tjá sig efnislega um það heldur vísaði hann á Reykjavíkurborg. Áður hefur komið fram að verktakinn hafi verið bundinn af opnunartíma jarðvegstippsins í Bolöldu og hafi því ekki getað unnið verkið hraðar.

En nú er ljóst að akandi vegfarendur sem þreyttir voru á töfum við Miklubraut geta tekið gleði sína á ný.