Verktakinn við Miklubraut bundinn af opnunartíma tippsins Sunna Kristín Hilmarsdóttir skrifar 16. maí 2017 12:24 Frá framkvæmdunum við Miklubraut. Vísir/anton brink Björn Sigurðsson, eigandi og forstjóri Bjössa ehf., verktakafyrirtækisins sem vinnur að framkvæmdum við Miklubraut segir að hann sé bundinn af opnunartíma jarðvegstippsins í Bolöldu og geti því ekki unnið verkið hraðar. Rætt var við Björn í Bítinu í morgun og fjallað um málið í fréttum RÚV í gærkvöldi. Verkið felst í að bæta forgang strætó og almennt umferðaröryggi. Framkvæmdir hefjast að norðanverðu þar sem einni akbraut til vesturs hefur verið lokað með tilheyrandi umferðartöfum á álagstímum. Verið er að leggja göngu-og hjólastíga, endurgera biðstöðvar strætó og gera umhverfið við akbrautina vistlegra. Tippurinn er losunarstaður jarðvegs fyrir Reykjavíkurborg og Kópavog að sögn Björns en hann er hvorki opinn á kvöldin né um helgar.Greiða þarf aukalega fyrir lengri opnunartíma „Það er náttúrulega bara þannig að losunarstaðir fyrir jarðveg eru bara opnir virka daga frá 8 til 17:30 nema á föstudögum en þá er opið til 16. Svo er lokað á laugardögum og sunnudögum og á meðan við erum í þessari grófu vinnu, það er jarðvegsskiptum, þá erum við bara bundnir af þessum vinnutíma,“ segir Björn. Verktakarnir sem sjá um tippinn eru tilbúnir til að hafa hann opinn lengur að sögn Björns en það þarf þá að greiða aukalega fyrir það. Annars vegar gæti verktakinn sem sér um verkið greitt fyrir lengri opnunartíma eða verkkaupinn sem eru Reykjavíkurborg, Vegagerðin og Veitur. „En við gerum ekki ráð fyrir því í okkar einingaverðum að við ætlum að fara að borga eitthvað aukalega fyrir að þeir hafi opið lengur. [...] Við viljum vinna mikið og það er ekki spurning um það og við erum til í að taka næturvinnuna á okkur það er ekki spurning en við erum ekki til í að fara að borga á hverjum einasta degi,“ segir Björn og bætir við að það sé ekki endilega þannig að Reykjavíkurborg vilji bara að verkið sé unnið í dagvinnu. „Þeir eru með mikla pressu á mér en þetta er kannski mál sem hefur ekki verið hugsað alveg til enda.“Ekki hægt að vinna til miðnættis Áætluð verklok eru í október en Björn segir að umferðin ætti að vera komin í eðlilegt horf um miðjan ágúst. Hann vill þó ekki segja nákvæmlega hversu löngu fyrir áætlaðan tíma hann gæti lokið verkinu ef hann gæti unnið það hraðar. „Það munar náttúrulega um allt en ég þori ekki að segja neina daga. En það er alltaf möguleiki að klára hlutina fyrr þegar við getum fengið að vinna lengur. Svo erum við náttúrulega bundnir af íbúðum þarna í kring þannig að við megum ekki vera að vinna þarna til miðnættis með vélar og tæki með tilheyrandi hávaða út af íbúunum sem búa þarna,“ segir Björn. Sverrir Bollason, fulltrúi Samfylkingar í umhverfis-og skipulagsráði, segir opnunar-og lokunartíma tippsins ekki pólitíska ákvörðun sem komi inn á borð ráðsins. „Við erum með mjög fært fólk sem sér um að útbúa okkar útboð en við erum í skipulagningunni,“ segir Sverrir en bendir á að framkvæmdir séu vanalega boðnar út á forsendum verðs. Þá kveðst hann ekki hafa forsendur til að meta það hvort hægt væri að flýta framkvæmdunum á einhvern hátt. Framkvæmdin við Miklubraut sé þó ekki að neinu leyti frábrugðin öðrum framkvæmdum sem borgin hefur ráðist í. Hvorki náðist í formann umverfis-og skiplagsráðs borgarinnar við vinnslu fréttarinnar nésamgöngustjóra Reykjavíkurborgar. Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Látin móðir ekki dæmd í tugmilljóna lyfjasölumáli sonarins Innlent Viðtal á Stöð 2 kveikir upp í færeyskum stjórnmálum Erlent Dregur saman með efstu frambjóðendum Innlent Skipið leggur úr höfn Innlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Björn Sigurðsson, eigandi og forstjóri Bjössa ehf., verktakafyrirtækisins sem vinnur að framkvæmdum við Miklubraut segir að hann sé bundinn af opnunartíma jarðvegstippsins í Bolöldu og geti því ekki unnið verkið hraðar. Rætt var við Björn í Bítinu í morgun og fjallað um málið í fréttum RÚV í gærkvöldi. Verkið felst í að bæta forgang strætó og almennt umferðaröryggi. Framkvæmdir hefjast að norðanverðu þar sem einni akbraut til vesturs hefur verið lokað með tilheyrandi umferðartöfum á álagstímum. Verið er að leggja göngu-og hjólastíga, endurgera biðstöðvar strætó og gera umhverfið við akbrautina vistlegra. Tippurinn er losunarstaður jarðvegs fyrir Reykjavíkurborg og Kópavog að sögn Björns en hann er hvorki opinn á kvöldin né um helgar.Greiða þarf aukalega fyrir lengri opnunartíma „Það er náttúrulega bara þannig að losunarstaðir fyrir jarðveg eru bara opnir virka daga frá 8 til 17:30 nema á föstudögum en þá er opið til 16. Svo er lokað á laugardögum og sunnudögum og á meðan við erum í þessari grófu vinnu, það er jarðvegsskiptum, þá erum við bara bundnir af þessum vinnutíma,“ segir Björn. Verktakarnir sem sjá um tippinn eru tilbúnir til að hafa hann opinn lengur að sögn Björns en það þarf þá að greiða aukalega fyrir það. Annars vegar gæti verktakinn sem sér um verkið greitt fyrir lengri opnunartíma eða verkkaupinn sem eru Reykjavíkurborg, Vegagerðin og Veitur. „En við gerum ekki ráð fyrir því í okkar einingaverðum að við ætlum að fara að borga eitthvað aukalega fyrir að þeir hafi opið lengur. [...] Við viljum vinna mikið og það er ekki spurning um það og við erum til í að taka næturvinnuna á okkur það er ekki spurning en við erum ekki til í að fara að borga á hverjum einasta degi,“ segir Björn og bætir við að það sé ekki endilega þannig að Reykjavíkurborg vilji bara að verkið sé unnið í dagvinnu. „Þeir eru með mikla pressu á mér en þetta er kannski mál sem hefur ekki verið hugsað alveg til enda.“Ekki hægt að vinna til miðnættis Áætluð verklok eru í október en Björn segir að umferðin ætti að vera komin í eðlilegt horf um miðjan ágúst. Hann vill þó ekki segja nákvæmlega hversu löngu fyrir áætlaðan tíma hann gæti lokið verkinu ef hann gæti unnið það hraðar. „Það munar náttúrulega um allt en ég þori ekki að segja neina daga. En það er alltaf möguleiki að klára hlutina fyrr þegar við getum fengið að vinna lengur. Svo erum við náttúrulega bundnir af íbúðum þarna í kring þannig að við megum ekki vera að vinna þarna til miðnættis með vélar og tæki með tilheyrandi hávaða út af íbúunum sem búa þarna,“ segir Björn. Sverrir Bollason, fulltrúi Samfylkingar í umhverfis-og skipulagsráði, segir opnunar-og lokunartíma tippsins ekki pólitíska ákvörðun sem komi inn á borð ráðsins. „Við erum með mjög fært fólk sem sér um að útbúa okkar útboð en við erum í skipulagningunni,“ segir Sverrir en bendir á að framkvæmdir séu vanalega boðnar út á forsendum verðs. Þá kveðst hann ekki hafa forsendur til að meta það hvort hægt væri að flýta framkvæmdunum á einhvern hátt. Framkvæmdin við Miklubraut sé þó ekki að neinu leyti frábrugðin öðrum framkvæmdum sem borgin hefur ráðist í. Hvorki náðist í formann umverfis-og skiplagsráðs borgarinnar við vinnslu fréttarinnar nésamgöngustjóra Reykjavíkurborgar.
Mest lesið „Nú á dögunum tók sonur minn líf sitt innan veggja fangelsisins“ Innlent Skólastjóradrama í Kóraskóla fær óvæntan endi Innlent Ætlar alla leið í baráttu fyrir nafninu sínu Innlent Látin móðir ekki dæmd í tugmilljóna lyfjasölumáli sonarins Innlent Viðtal á Stöð 2 kveikir upp í færeyskum stjórnmálum Erlent Dregur saman með efstu frambjóðendum Innlent Skipið leggur úr höfn Innlent Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira