Lögreglan hefur upplýst skartgriparán

Lögreglan á höfuðborgarsvæðinu hefur upplýst rán sem hún hafði til rannsóknar. Þetta kemur fram í tilkynningu frá lögreglunni en fyrr í mánuðinum var lögregla kölluð til á heimili í Reykjavík en þar hafði maður rænt skartgripum af eldri konu. Málið telst að fullu upplýst en tveir karlmenn á fertugsaldri voru handteknir vegna málsins. Einn karlmaður og tvær konur voru einnig handteknar vegna gruns um að hafa veitt þýfi móttöku. Eitthvað af skartgripunum var endurheimt.