Lögreglan lýsir eftir karlmanni

Uppfært 10. mars klukkan 12:26: Í fyrri tilkynningu lögreglu var ranglega farið með hæð og augnlit Artur. Hið rétta er að hann er 186 sentimetrar á hæð og með blá augu. 

Lögreglan á höfuðborgarsvæðinu lýsir eftir Artur Jarmoszko, 26 ára karlmanni frá Austur-Evrópu. Síðast er vitað um ferðir hans í miðborg Reykjavíkur fyrir átta dögum síðan, eða rétt fyrir miðnætti þann 1. mars sl.

Talið er að Artur sé klæddur í svarta úlpu eða mittisjakka, í bláum gallabuxum og í hvítum strigaskóm. Hann er grannvaxinn, 176 sm  á hæð, með blá augu og stutt, dökkt hár, að því er segir í tilkynningu frá lögreglu.

Þeir sem geta gefið upplýsingar um ferðir Artur eru beðnir um að hafa samband við lögregluna í síma 444-1000.