Ekki vera fáviti Bergsteinn Jónsson skrifar 7. júní 2017 07:00 „Borg verður óbyggðir, barnið er stuck þar,“ syngur Kött Grá Pje í lagi dags rauða nefsins og vísar til milljóna barna sem eru fórnarlömb átaka og ofsókna um allan heim. Við berum öll ábyrgð á þessum börnum og alveg sérstaka ábyrgð berum við á börnunum sem dvelja hér á landi. Þau sem komast loksins í öryggi eftir langt og strangt ferðalag.Mannréttindi barna alls staðar UNICEF leggur ríka áherslu á að mannréttindi barna séu virt hvar sem þau eru stödd í heiminum. Barnasáttmálinn á alltaf við um öll börn. Um 50 milljónir barna búa nú utan fæðingarlands síns og þar af eru 28 milljónir á flótta undan átökum. Börnum sem eru ein á ferð fjölgar hratt. Þau leitast við að finna fjölskyldur sínar, eða flýja þær vegna ofbeldis, þvingaðra giftinga eða hermennsku. Flóttinn er hættulegur og sífellt fleiri verða smyglurum og mansali að bráð. Börn eru í sérstakri áhættu þegar kemur að ofbeldi og misnotkun. Ábyrgð okkar allra á að tryggja öryggi þeirra er mikil.Það sem barni er fyrir bestu Börn sem sækja um alþjóðlega vernd á Íslandi eiga sömu mannréttindi og önnur börn hér á landi. Þau mannréttindi hafa þó ítrekað verið brotin þegar börn á flótta hafa ekki fengið sömu umönnun og þjónustu og önnur börn. Þau eru einnig brotin þegar börn eru send úr landi gegn vilja þeirra og án þess að öryggi þeirra sé tryggt. Þriðja grein Barnasáttmálans kveður á um að það sem sé barninu fyrir bestu skuli ávallt hafa forgang þegar stjórnvöld gera ráðstafanir sem varða börn. Það þýðir að við lausn mála þarf kærunefnd útlendingamála að líta til laga um Barnasáttmálann og virða þriðju grein hans. Við mat á bestu hagsmunum barnsins þarf að líta til margvíslegra þátta. Ekki er nóg að styðjast einungis við lagabókstaf til að meta hvort réttindi barns séu tryggð í upprunalandi heldur einnig úttektir og rannsóknir á því hvort slíkum lögum sé í raun framfylgt og hvort viðkvæmum hópum barna séu tryggð réttindi sín að sönnu.Opnum dyrnar Kröfur um endursendingar byggja oft á Dyflinnarreglugerðinni sem íslensk stjórnvöld beita í mörgum málum. Reglugerðinni er ætlað að dreifa álagi við móttöku flóttafólks í Evrópu en hún hefur þess í stað aukið gríðarlega álag á þau ríki sem eiga landamæri að Miðjarðarhafinu. Ekkert í reglugerðinni skyldar eða hvetur til þess að Ísland sendi frá sér flóttafólk, en það virðist samt sem áður vera stefna stjórnvalda. Þegar kemur að viðkvæmum hópum eins og börnum er slík stefna óásættanleg. Ísland hefur lagt áherslu á að koma viðkvæmum og jaðarsettum hópum flóttafólks til aðstoðar, og það ætti einnig að eiga við um þá umsækjendur um alþjóðlega vernd sem koma hingað til lands af sjálfsdáðum. „Ekki vera fáviti. Nískuflipp. Opnum dyrnar,“ heldur Kött Grá Pje áfram í laginu fyrir dag rauða nefsins. Öll börn eiga rétt. Verndum börn á flótta, sérstaklega börn sem eru ein á ferð. Ráðstafanir okkar í málefnum þeirra geta skilið á milli lífs og dauða. Höfundur er framkvæmdastjóri UNICEF á Íslandi. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Halldór 01.06.2024 Halldór Hvort vilt þú Höllu Tómasdóttur eða Katrínu? Björn Björnsson Skoðun Land míns föður, land minnar móður, landið mitt Jón Gnarr Skoðun Hatur og fyrirlitning Einar Scheving Skoðun Svona velur þú þér forseta í dag Kolbeinn Karl Kristinsson Skoðun Gerum það! Stefán Hilmarsson Skoðun Yfirtaka orðræðunnar (e. hijacking) Sóley Tómasdóttir Skoðun Má Katrín Jakobsdóttir bjóða sig fram? Jón Ólafsson Skoðun Viddi, Bósi Ljósár og Baldur Þórhalls Heimir Hannesson Skoðun Gleðilegan kosningadag kæru landsmenn Skoðun Skoðun Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr. Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Skoðun Auðkenni þarf að passa upp á Eva Valdís Jóhönnudóttir skrifar Skoðun Auðlindir í almannaeigu – Halla Hrund Logadóttir 7. forseti Íslands Kristín Vala Ragnarsdóttir skrifar Sjá meira
„Borg verður óbyggðir, barnið er stuck þar,“ syngur Kött Grá Pje í lagi dags rauða nefsins og vísar til milljóna barna sem eru fórnarlömb átaka og ofsókna um allan heim. Við berum öll ábyrgð á þessum börnum og alveg sérstaka ábyrgð berum við á börnunum sem dvelja hér á landi. Þau sem komast loksins í öryggi eftir langt og strangt ferðalag.Mannréttindi barna alls staðar UNICEF leggur ríka áherslu á að mannréttindi barna séu virt hvar sem þau eru stödd í heiminum. Barnasáttmálinn á alltaf við um öll börn. Um 50 milljónir barna búa nú utan fæðingarlands síns og þar af eru 28 milljónir á flótta undan átökum. Börnum sem eru ein á ferð fjölgar hratt. Þau leitast við að finna fjölskyldur sínar, eða flýja þær vegna ofbeldis, þvingaðra giftinga eða hermennsku. Flóttinn er hættulegur og sífellt fleiri verða smyglurum og mansali að bráð. Börn eru í sérstakri áhættu þegar kemur að ofbeldi og misnotkun. Ábyrgð okkar allra á að tryggja öryggi þeirra er mikil.Það sem barni er fyrir bestu Börn sem sækja um alþjóðlega vernd á Íslandi eiga sömu mannréttindi og önnur börn hér á landi. Þau mannréttindi hafa þó ítrekað verið brotin þegar börn á flótta hafa ekki fengið sömu umönnun og þjónustu og önnur börn. Þau eru einnig brotin þegar börn eru send úr landi gegn vilja þeirra og án þess að öryggi þeirra sé tryggt. Þriðja grein Barnasáttmálans kveður á um að það sem sé barninu fyrir bestu skuli ávallt hafa forgang þegar stjórnvöld gera ráðstafanir sem varða börn. Það þýðir að við lausn mála þarf kærunefnd útlendingamála að líta til laga um Barnasáttmálann og virða þriðju grein hans. Við mat á bestu hagsmunum barnsins þarf að líta til margvíslegra þátta. Ekki er nóg að styðjast einungis við lagabókstaf til að meta hvort réttindi barns séu tryggð í upprunalandi heldur einnig úttektir og rannsóknir á því hvort slíkum lögum sé í raun framfylgt og hvort viðkvæmum hópum barna séu tryggð réttindi sín að sönnu.Opnum dyrnar Kröfur um endursendingar byggja oft á Dyflinnarreglugerðinni sem íslensk stjórnvöld beita í mörgum málum. Reglugerðinni er ætlað að dreifa álagi við móttöku flóttafólks í Evrópu en hún hefur þess í stað aukið gríðarlega álag á þau ríki sem eiga landamæri að Miðjarðarhafinu. Ekkert í reglugerðinni skyldar eða hvetur til þess að Ísland sendi frá sér flóttafólk, en það virðist samt sem áður vera stefna stjórnvalda. Þegar kemur að viðkvæmum hópum eins og börnum er slík stefna óásættanleg. Ísland hefur lagt áherslu á að koma viðkvæmum og jaðarsettum hópum flóttafólks til aðstoðar, og það ætti einnig að eiga við um þá umsækjendur um alþjóðlega vernd sem koma hingað til lands af sjálfsdáðum. „Ekki vera fáviti. Nískuflipp. Opnum dyrnar,“ heldur Kött Grá Pje áfram í laginu fyrir dag rauða nefsins. Öll börn eiga rétt. Verndum börn á flótta, sérstaklega börn sem eru ein á ferð. Ráðstafanir okkar í málefnum þeirra geta skilið á milli lífs og dauða. Höfundur er framkvæmdastjóri UNICEF á Íslandi.
Skoðun Auðlindir í almannaeigu – Halla Hrund Logadóttir 7. forseti Íslands Kristín Vala Ragnarsdóttir skrifar