Menntamálin í forgangi Skúli Þór Helgason skrifar 7. desember 2017 07:00 Borgarstjórn samþykkti fjárhagsáætlun komandi árs á fundi sínum á þriðjudag og endurspeglar áætlunin áframhaldandi sókn á flestum sviðum. Skóla- og frístundastarfið hefur notið ákveðins forgangs frá því hagur borgarsjóðs tók að vænkast haustið 2016. Fjármagn til málaflokksins hækkar um rúmlega 1.000 milljónir króna á næsta ári og hefur þá hækkað um 3 milljarða króna frá árinu 2016. Þá eru ekki taldar með samningsbundnar launahækkanir sem á árunum 2017 og 2018 nema hálfum öðrum milljarði og alls rúmlega 6 milljörðum króna frá árinu 2014.Bætt starfsumhverfi Eitt mikilvægasta verkefni okkar á þessu ári hefur verið að móta tillögur um hvernig megi bæta vinnuumhverfi starfsfólks leikskóla, grunnskóla og frístundamiðstöðva og þar með minnka álag og auka nýliðun. Mannekla síðustu missera hefur undirstrikað hve brýnt það er að gera starfsumhverfið eftirsóknarverðara og þar þarf að gera allt í senn, bæta laun, vinnuaðstæður og fjölga þeim sem leggja stund á kennaranám og skyldar greinar. Í góðu samstarfi við fulltrúa kennara, stjórnenda, foreldra og fleiri er nú verið að leggja lokahönd á tillögur til úrbóta og munu þær verða kynntar á næstunni.Nýtt fjármagn Á þessu ári hafa framlög til skóla- og frístundamála í Reykjavík hækkað um 2 milljarða króna sem kemur fram í bættri þjónustu á ýmsum sviðum. Þar kennir margra grasa, en veigamestu liðirnir eru inntaka yngri barna á leikskóla, tvöföldun framlaga til íslenskukennslu barna af erlendum uppruna, aukin framlög til sérkennslu, framlög til að bæta gæði skólamáltíða og faglegs starfs í leikskólum og grunnskólum. Í frístundastarfinu má nefna sértækt klúbbastarf í félagsmiðstöðvum, gjaldfrjálsa frístund fyrir börn af erlendum uppruna og kórastarf yngri barna í frístundastarfinu svo dæmi séu tekin.Áframhaldandi sókn framundan Á næsta ári verður auknu fjármagni varið til leikskóla og mun það birtast með margvíslegum hætti. Leikskólar með hátt hlutfall erlendra barna fá viðbótarfjármagn, sömuleiðis leikskólar sem þurfa að samræma starfið á þremur starfsstöðvum með fjarlægð á milli. Starfsmannafundir verða tvöfalt fleiri og fjármagn aukið til starfsmanna í sértækri sérkennslu svo eitthvað sé nefnt. Í grunnskólum hækkar framlag til almennrar kennslu, faglegs starfs og næðisstundar. Þá verður svarað kalli kennara um aukinn stuðning og úrræði til að mæta börnum með fjölþættan vanda m.a. með ráðningu hegðunarráðgjafa og talmeinafræðinga í alla borgarhluta, átaki í að bæta tölvubúnað kennara og nemenda og efla kennsluráðgjöf til að skólar geti í ríkari mæli hagnýtt kosti upplýsingatækni í sínu starfi. Síðast en ekki síst verða námsgögn í grunnskólum gjaldfrjáls frá og með næsta skólaári. Í frístundastarfinu verður auknu fjármagni varið í félagsmiðstöðvastarf, styrki til verkefna ungmenna svo þeir geti hrint sínum hugmyndum í framkvæmd, námsleyfi starfsfólks frístundar og heilsársrekstur frístundaheimila. Þá verður áhersla lögð á að vinna að innleiðingu frístundastefnu borgarinnar sem samþykkt var í haust. Ástæða er til að vekja athygli á aukinni áherslu á listnám, verk- og tækninám sem birtist m.a. í fjölgun nemenda í skólahljómsveitum, dansverkefni í leikskólum og frístund, yngri barna kórum í frístund, Vísindasmiðjum í samvinnu við Háskóla Íslands og vinnu við mótun menningar- og útinámskráa Reykjavíkurborgar. Síðast en ekki síst verður þróunarsjóður skóla- og frístundasviðs tvöfaldaður á næsta ári sem er skýr vísbending um að áhersla á öfluga skólaþróun verður ríkur og vaxandi þáttur í menntastefnu borgarinnar á komandi árum. Höfundur er borgarfulltrúi Samfylkingarinnar og formaður skóla- og frístundaráðs. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Jarðakaup í nýjum tilgangi Halla Hrund Logadóttir Skoðun Eru orkumálin að fara úr böndunum? Jónas Guðmundsson Skoðun Forsetaframboð í Fellini stíl Stefán Ólafsson Skoðun Borgar þú 65 prósent skatt af þínum tekjum? Guðfinnur Sigurvinsson Skoðun Brúarsmið á Bessastaði Jóhanna Vigdís Guðmundsdóttir Skoðun Skipulagsmál og uppbygging í Árborg Bragi Bjarnason Skoðun Norska veiðistöðin Friðrik Erlingsson Skoðun Af auðvaldsmönnum og undirlægjuhætti Ester Hilmarsdóttir Skoðun Ég kýs… Gísli Ásgeirsson Skoðun Nú getum við brotið blað Ragnheiður Davíðsdóttir Skoðun Skoðun Skoðun Eru orkumálin að fara úr böndunum? Jónas Guðmundsson skrifar Skoðun Skipulagsmál og uppbygging í Árborg Bragi Bjarnason skrifar Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar Skoðun „Almennings“ samgöngur? Bragi Gunnlaugsson skrifar Skoðun Góður forseti G. Pétur Matthíasson skrifar Skoðun Hvers vegna Halla Tómasdóttir? Guðjón Sigurðsson skrifar Skoðun Heimildin sem hvarf úr frumvarpi matvælaráðherra Vala Árnadóttir skrifar Skoðun Sníða sér stakk eftir vexti Guðni Magnús Ingvason skrifar Sjá meira
Borgarstjórn samþykkti fjárhagsáætlun komandi árs á fundi sínum á þriðjudag og endurspeglar áætlunin áframhaldandi sókn á flestum sviðum. Skóla- og frístundastarfið hefur notið ákveðins forgangs frá því hagur borgarsjóðs tók að vænkast haustið 2016. Fjármagn til málaflokksins hækkar um rúmlega 1.000 milljónir króna á næsta ári og hefur þá hækkað um 3 milljarða króna frá árinu 2016. Þá eru ekki taldar með samningsbundnar launahækkanir sem á árunum 2017 og 2018 nema hálfum öðrum milljarði og alls rúmlega 6 milljörðum króna frá árinu 2014.Bætt starfsumhverfi Eitt mikilvægasta verkefni okkar á þessu ári hefur verið að móta tillögur um hvernig megi bæta vinnuumhverfi starfsfólks leikskóla, grunnskóla og frístundamiðstöðva og þar með minnka álag og auka nýliðun. Mannekla síðustu missera hefur undirstrikað hve brýnt það er að gera starfsumhverfið eftirsóknarverðara og þar þarf að gera allt í senn, bæta laun, vinnuaðstæður og fjölga þeim sem leggja stund á kennaranám og skyldar greinar. Í góðu samstarfi við fulltrúa kennara, stjórnenda, foreldra og fleiri er nú verið að leggja lokahönd á tillögur til úrbóta og munu þær verða kynntar á næstunni.Nýtt fjármagn Á þessu ári hafa framlög til skóla- og frístundamála í Reykjavík hækkað um 2 milljarða króna sem kemur fram í bættri þjónustu á ýmsum sviðum. Þar kennir margra grasa, en veigamestu liðirnir eru inntaka yngri barna á leikskóla, tvöföldun framlaga til íslenskukennslu barna af erlendum uppruna, aukin framlög til sérkennslu, framlög til að bæta gæði skólamáltíða og faglegs starfs í leikskólum og grunnskólum. Í frístundastarfinu má nefna sértækt klúbbastarf í félagsmiðstöðvum, gjaldfrjálsa frístund fyrir börn af erlendum uppruna og kórastarf yngri barna í frístundastarfinu svo dæmi séu tekin.Áframhaldandi sókn framundan Á næsta ári verður auknu fjármagni varið til leikskóla og mun það birtast með margvíslegum hætti. Leikskólar með hátt hlutfall erlendra barna fá viðbótarfjármagn, sömuleiðis leikskólar sem þurfa að samræma starfið á þremur starfsstöðvum með fjarlægð á milli. Starfsmannafundir verða tvöfalt fleiri og fjármagn aukið til starfsmanna í sértækri sérkennslu svo eitthvað sé nefnt. Í grunnskólum hækkar framlag til almennrar kennslu, faglegs starfs og næðisstundar. Þá verður svarað kalli kennara um aukinn stuðning og úrræði til að mæta börnum með fjölþættan vanda m.a. með ráðningu hegðunarráðgjafa og talmeinafræðinga í alla borgarhluta, átaki í að bæta tölvubúnað kennara og nemenda og efla kennsluráðgjöf til að skólar geti í ríkari mæli hagnýtt kosti upplýsingatækni í sínu starfi. Síðast en ekki síst verða námsgögn í grunnskólum gjaldfrjáls frá og með næsta skólaári. Í frístundastarfinu verður auknu fjármagni varið í félagsmiðstöðvastarf, styrki til verkefna ungmenna svo þeir geti hrint sínum hugmyndum í framkvæmd, námsleyfi starfsfólks frístundar og heilsársrekstur frístundaheimila. Þá verður áhersla lögð á að vinna að innleiðingu frístundastefnu borgarinnar sem samþykkt var í haust. Ástæða er til að vekja athygli á aukinni áherslu á listnám, verk- og tækninám sem birtist m.a. í fjölgun nemenda í skólahljómsveitum, dansverkefni í leikskólum og frístund, yngri barna kórum í frístund, Vísindasmiðjum í samvinnu við Háskóla Íslands og vinnu við mótun menningar- og útinámskráa Reykjavíkurborgar. Síðast en ekki síst verður þróunarsjóður skóla- og frístundasviðs tvöfaldaður á næsta ári sem er skýr vísbending um að áhersla á öfluga skólaþróun verður ríkur og vaxandi þáttur í menntastefnu borgarinnar á komandi árum. Höfundur er borgarfulltrúi Samfylkingarinnar og formaður skóla- og frístundaráðs.
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar
Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar