Hálka og hálkublettir víða um land

Hálkublettir eru á höfuðborgarsvæðinu og Reykjanesbraut og eins eru hálkublettir eða hálka nokkuð víða á Suðurlandi.

Í tilkynningu frá Vegagerðinni segir að það sé hálka, hálkublettir eða snjóþekja á Vesturlandi og Vestfjörðum.

„Á Norðurlandi er hálka, hálkublettir eða snjóþekja á vegum en þæfingsfærð á Hólasandi og Dettifossvegi. Éljagangur er á Norðausturhorni landsins.

Hálka eða snjóþekja er á vegum á Austurlandi en að mestu greiðfært með Suðausturströndinni,“ segir á vef Vegagerðarinnar.