Vikið tvisvar úr dómarasæti en stefnir nú hraðbyr á þing Samúel Karl Ólason skrifar 27. september 2017 12:15 Roy Moore er einkar umdeildur maður. Vísir/AFP Repúblikanar urðu fyrir enn einu högginu í gær þegar Roy Moore hlaut tilnefningu flokksins til kosninga um sæti í öldungadeild Bandaríkjaþings. Flokksforystan og Donald Trump, forseti, höfðu lýst yfir stuðningi við mótframbjóðanda Moore í Alabama, Luther Strange og hafði flokkurinn lagt mikið fé í kosningasjóð hans. Moore hefur verið harðorður í garð forystu Repúblikanaflokksins og hafa greinendur gengið svo langt að tala um að útlit sé fyrir einhvers konar borgarastyrjöld innan flokksins. Auk þess að varpa ljósi á deilur innan flokksins hefur kosningin einnig varpað ljósi á deilur innan búða Trump, en Moore naut stuðnings Stephen Bannon og Ben Carson.Eftir að niðurstaðan varð ljós lýsti Trump þó yfir stuðningi við Moore og virðist sem að minnst þremur tístum forsetans, þar sem hann lýsir yfir stuðningi við Strange, hafi verið eytt.Mitch McConnell, leiðtogi repúblikana í öldungadeildinni, lýsti einnig yfir stuðningi við Moore, sem hefur þó gagnrýnt McConnell harðlega og sagt að hann eigi að stíga til hliðar.Líklegur á þing Moore sagði í sigurræðu sinni að hann myndi styðja við bakið á Trump, þó með nokkrum fyrirvörum. Þá sagði hann mótmæli vera að draga þjóðina niður og valda deilum. Moore sagði alla vera skapaða í ímynd guðs og að Bandaríkin hefðu snúist frá hinni kristnu trú. Hann vildi breyta því aftur. Kosið verður um öldungadeildarsætið í desember og þykir líklegt að Moore muni bera sigur úr býtum. Íbúar Alabama hafa ekki kosið demókrata á þing í meira en 25 ár.Moore, sem þykir einkar umdeildur hefur tvisvar sinnum setið í æðsta embætti dómara í Alabama og hefur tvisvar sinnum verið vikið úr því sæti. Í fyrra skiptið eftir að hann neitað að láta fjarlægja stóran minnisvarða um boðorðin tíu úr dómshúsinu. Hann hafði verið kosinn í embættið með því loforði að setja minnisvarðann upp og lýsti því yfir þegar hann sór embættiseið sinn árið 2001 að „lög Guðs“ yrðu metin í dómssal hans.Í seinna skiptið neitaði hann að framfylgja úrskurði Hæstaréttar Bandaríkjanna um lögleiðingu hjónabanda samkynja para eftir að hann var aftur kosinn í embætti árið 2012. Þá vitnaði hann einnig til biblíunnar. Hann hefur borið samkynhneigð saman við kynmök manns við dýr.Nauðsynlegt að vernda börn gegn samkynhneigð Árið 2002 skrifaði hann í dómsorðum sínum varðandi forræðismál að móðir barnsins væri óhæf til að annast það þar sem hún væri í sambandi með annarri konu. Hann sagði samkynhneigð vera illsku sem nauðsynlegt væri að verja börn gegn. Árið 2012 hélt hann því svo fram að samkynhneigð myndi leiða til endaloka Bandaríkjanna.Roy Moore ólst upp í töluverðri fátækt í Alabama og þjónaði í Víetnam stríðinu í herlögreglunni. Hann hefur einnig keppt í sparkboxi og jafnvel stundað ljóðaskrif. Eitt af ljóðum hans ber nafnið: „America the Beautiful“. Það ljóð fjallar um, eins og nafnið gefur til kynna, hina fallegu Ameríku. Hins vegar segir Moore að hún sé ekki lengur falleg og að gott sé að pílagrímarnir séu ekki lifandi til að sjá ástandið. Að börnum sé kastað í ruslagáma og að hver sem er geti fengið fóstureyðingu þegar honum sýnist. Þá segir hann hið bandaríska hús vera byggt á sandi. Hin fallega Ameríka.Spoke to Roy Moore of Alabama last night for the first time. Sounds like a really great guy who ran a fantastic race. He will help to #MAGA!— Donald J. Trump (@realDonaldTrump) September 27, 2017 Kosning Moore mun líklega ekki eingöngu skapa vandræði fyrir forsvarsmenn Repúblikanaflokksins, heldur sjá demókratar tækifæri í að stela þingsætum sem þeir hafa áður ekki talið sig eiga séns í, með auknum klofningi meðal repúblikana. Þegar Stephen Bannon kynnti Moore á svið í gærkvöldi, eftir sigur hans, sagði Bannon að hann liti á sigurinn sem upphaf „byltingar“ innan floksins. „Þið munið sjá í ríki, eftir ríki, eftir ríki, að fólk sem fylgir dæmi Moore þurfa ekki að safna peningum frá elítunni, frá pilsfaldakapítalistum, frá feitum köttum Washington DC,“ sagði Bannon. Hann sagði sigur Moore snúast um hvort Bandaríkjunum væri í raun stjórnað af fólkinu eða peningum. „Alabama svaraði fólkinu í dag.“ Bandaríkin Þingkosningar í Bandaríkjunum Donald Trump Mest lesið „Það er enginn sem verndar son okkar“ Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Mennirnir tóku annan starfsmannanna hálstaki Innlent Fylgi Höllu Hrundar ekki fast í hendi Innlent Eiríkur og Ástþór fá frest til að bæta við undirskriftum Innlent Fleiri fréttir Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Sjá meira
Repúblikanar urðu fyrir enn einu högginu í gær þegar Roy Moore hlaut tilnefningu flokksins til kosninga um sæti í öldungadeild Bandaríkjaþings. Flokksforystan og Donald Trump, forseti, höfðu lýst yfir stuðningi við mótframbjóðanda Moore í Alabama, Luther Strange og hafði flokkurinn lagt mikið fé í kosningasjóð hans. Moore hefur verið harðorður í garð forystu Repúblikanaflokksins og hafa greinendur gengið svo langt að tala um að útlit sé fyrir einhvers konar borgarastyrjöld innan flokksins. Auk þess að varpa ljósi á deilur innan flokksins hefur kosningin einnig varpað ljósi á deilur innan búða Trump, en Moore naut stuðnings Stephen Bannon og Ben Carson.Eftir að niðurstaðan varð ljós lýsti Trump þó yfir stuðningi við Moore og virðist sem að minnst þremur tístum forsetans, þar sem hann lýsir yfir stuðningi við Strange, hafi verið eytt.Mitch McConnell, leiðtogi repúblikana í öldungadeildinni, lýsti einnig yfir stuðningi við Moore, sem hefur þó gagnrýnt McConnell harðlega og sagt að hann eigi að stíga til hliðar.Líklegur á þing Moore sagði í sigurræðu sinni að hann myndi styðja við bakið á Trump, þó með nokkrum fyrirvörum. Þá sagði hann mótmæli vera að draga þjóðina niður og valda deilum. Moore sagði alla vera skapaða í ímynd guðs og að Bandaríkin hefðu snúist frá hinni kristnu trú. Hann vildi breyta því aftur. Kosið verður um öldungadeildarsætið í desember og þykir líklegt að Moore muni bera sigur úr býtum. Íbúar Alabama hafa ekki kosið demókrata á þing í meira en 25 ár.Moore, sem þykir einkar umdeildur hefur tvisvar sinnum setið í æðsta embætti dómara í Alabama og hefur tvisvar sinnum verið vikið úr því sæti. Í fyrra skiptið eftir að hann neitað að láta fjarlægja stóran minnisvarða um boðorðin tíu úr dómshúsinu. Hann hafði verið kosinn í embættið með því loforði að setja minnisvarðann upp og lýsti því yfir þegar hann sór embættiseið sinn árið 2001 að „lög Guðs“ yrðu metin í dómssal hans.Í seinna skiptið neitaði hann að framfylgja úrskurði Hæstaréttar Bandaríkjanna um lögleiðingu hjónabanda samkynja para eftir að hann var aftur kosinn í embætti árið 2012. Þá vitnaði hann einnig til biblíunnar. Hann hefur borið samkynhneigð saman við kynmök manns við dýr.Nauðsynlegt að vernda börn gegn samkynhneigð Árið 2002 skrifaði hann í dómsorðum sínum varðandi forræðismál að móðir barnsins væri óhæf til að annast það þar sem hún væri í sambandi með annarri konu. Hann sagði samkynhneigð vera illsku sem nauðsynlegt væri að verja börn gegn. Árið 2012 hélt hann því svo fram að samkynhneigð myndi leiða til endaloka Bandaríkjanna.Roy Moore ólst upp í töluverðri fátækt í Alabama og þjónaði í Víetnam stríðinu í herlögreglunni. Hann hefur einnig keppt í sparkboxi og jafnvel stundað ljóðaskrif. Eitt af ljóðum hans ber nafnið: „America the Beautiful“. Það ljóð fjallar um, eins og nafnið gefur til kynna, hina fallegu Ameríku. Hins vegar segir Moore að hún sé ekki lengur falleg og að gott sé að pílagrímarnir séu ekki lifandi til að sjá ástandið. Að börnum sé kastað í ruslagáma og að hver sem er geti fengið fóstureyðingu þegar honum sýnist. Þá segir hann hið bandaríska hús vera byggt á sandi. Hin fallega Ameríka.Spoke to Roy Moore of Alabama last night for the first time. Sounds like a really great guy who ran a fantastic race. He will help to #MAGA!— Donald J. Trump (@realDonaldTrump) September 27, 2017 Kosning Moore mun líklega ekki eingöngu skapa vandræði fyrir forsvarsmenn Repúblikanaflokksins, heldur sjá demókratar tækifæri í að stela þingsætum sem þeir hafa áður ekki talið sig eiga séns í, með auknum klofningi meðal repúblikana. Þegar Stephen Bannon kynnti Moore á svið í gærkvöldi, eftir sigur hans, sagði Bannon að hann liti á sigurinn sem upphaf „byltingar“ innan floksins. „Þið munið sjá í ríki, eftir ríki, eftir ríki, að fólk sem fylgir dæmi Moore þurfa ekki að safna peningum frá elítunni, frá pilsfaldakapítalistum, frá feitum köttum Washington DC,“ sagði Bannon. Hann sagði sigur Moore snúast um hvort Bandaríkjunum væri í raun stjórnað af fólkinu eða peningum. „Alabama svaraði fólkinu í dag.“
Bandaríkin Þingkosningar í Bandaríkjunum Donald Trump Mest lesið „Það er enginn sem verndar son okkar“ Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Mennirnir tóku annan starfsmannanna hálstaki Innlent Fylgi Höllu Hrundar ekki fast í hendi Innlent Eiríkur og Ástþór fá frest til að bæta við undirskriftum Innlent Fleiri fréttir Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Sjá meira