Stórundarlegt viðtal við Jim Carrey: Ég og þú erum ekki einu sinni til

Leikarinn Jim Carrey vakti mikla athygli um helgina þegar hann mætti í viðtal til Catt Sadler á rauðadreglinum á tískuvikunni í New York.

Carrey var greinilega ekkert sérstaklega hrifinn af tískuvikunni og lét hann spyrilinn heldur betur vita af því.

Carrey byrjaði viðtalið á því að ganga í kring um spyrilinn og brá henni augljóslega mjög. Í framhaldinu fannst honum spurningar hennar algjörlega fáránlegar og allt umstangið í kringum tískuvikuna til skammar.

„Ég hugsaði bara með mér hvað væri það allra fáránlegasta sem ég gæti mætt í og skellti mér. Þetta er allt svo ótrúlega tilgangslaust,“ sagði Carrey í þessu sérstaka viðtali sem hefur vakið mikla athygli.

Kærasta Carrey framdi sjálfmorð árið 2015 og hefur það haft mikil áhrif á leikarann.Cathriona White fannst látin á heimili sínu í Los Angeles þann 28. september árið 2015. Sadler hélt áfram að reyna fá Carrey til að tala.

„Þú ert ekki einu sinni til en ég finn aftur á móti góða lykt af ilmvatni. Ég er heldur ekki til og það eru bara hlutir að gerast í kringum okkur.“

Hér að neðan má sjá þetta stórundarlega viðtal við leikarann vinsæla.