Breskt götublað gert afturreka með ásakanir gegn loftslagsvísindamönnum Kjartan Kjartansson skrifar 19. september 2017 14:47 Svona var grein David Rose slegið upp í Mail on Sunday 5. febrúar. Skjáskot Eftirlitsnefnd með breskum fjölmiðlum hefur komist að þeirri niðurstöðu að götublaðið Mail on Sunday hafi birt verulega misvísandi fullyrðingar um meint svik loftlagsvísindamanna fyrr á þessu ári. Blaðið neyddist til að birta úrskurð þess efnis. Greinin sem um ræðir birtist meðal annars undir fyrirsögninni „Afhjúpun: Hvernig þjóðarleiðtogar voru gabbaðir til að fjárfesta milljarða með hagræddum gögnum um hlýnun jarðar“ í febrúar. Í henni var því haldið ranglega fram að vísindamenn Haf- og loftslagsstofnunar Bandaríkjanna (NOAA) hefðu hagrætt gögnum til að ýkja hnattræna hlýnun í rannsókn sem þeir birtu sama ár og skrifað var undir Parísarsamkomulagið.Gættu ekki að sannleiksgildi og leiðréttu ekki rangar fullyrðingar Sjálfstæða stofnunin um viðmið í fjölmiðlun (IPSO), sem nokkur bresk blöð eiga aðild að og starfar sem nokkurs konar siðanefnd, komst að þeirri niðurstöðu að Mail on Sunday hefði „brugðist í að gæta að nákvæmni greinarinnar og svo brugðist í að leiðrétta þessar verulega misvísandi yfirlýsingar“. Greinin fór einnig á svig við siðareglur ritstjóra sem IPSO starfar eftir. Þá voru athugasemdir gerðar við graf sem blaðið birti og átti að sýna mikinn mun á tölum NOAA og annarra um hnattræna hlýnun en gaf villandi mynd af gögnunum. Mail on Sunday þurfti að birta dóm IPSO með þessum niðurstöðum í blaðinu. Útgáfa greinarinnar sem birtist á vef systurblaðsins Daily Mail hefst nú á dómi IPSO.Mail on Sunday og Daily Mail hafa áður birt óáreiðalegar greinar um loftslagsmál. Nú hafa blöðin neyðst til að birta úrskurð um rangfærslur í einni slíkri grein.Vísir/AFPRannsóknin hrakti kenningu um „hlé“ á hnattrænni hlýnunForsaga málsins er sú að hópur vísindamanna NOAA birti rannsókn í júní árið 2015 sem benti til þess að svonefnt „hlé“ sem átti að hafa orðið á hnattrænni hlýnun eftir árið 1998 hafi í raun ekki átt sér stað. Afneitarar loftlagsvísinda höfðu ítrekað vísað til þessa meinta hlés til að fullyrða að hnattræn hlýnun ætti sér í raun ekki stað. Niðurstöður vísindamanna NOAA vöktu því litla gleði hjá þeim hópi. Þannig reyndi Lamar Smith, formaður vísindanefndar fulltrúadeildar Bandaríkjaþings, að stefna NOAA til að fá afhenta persónulega tölvupósta vísindamannanna sem stóðu að rannsókninni. Hann deildi grein Mail on Sunday meðal annars á opinberum Twitter-reikningi nefndarinnar í febrúar.Gagnrýni á gagnageymslu varð að sönnun um hagræðingu gagna Í grein Mail on Sunday, sem blaðamaðurinn David Rose skrifaði, var fullyrt að vísindamenn NOAA hefðu notast við gögn sem hefðu ekki verið staðfest til að ýkja hlýnun jarðar. Vísindamennirnir hefðu „átt við“ gögnin til að fá þá niðurstöðu og reglur NOAA um áreiðanleika gagna hefðu verið brotnar. Þeir hefðu jafnframt flýtt birtingu greinar þess efnis til þess að hafa sem mest áhrif á loftslagsfund Sameinuðu þjóðanna í París þar sem tímamótasamkomulag var undirritað í desember árið 2015. Skrif blaðsins byggðust á bloggfærslu og viðtali við John Bates, fyrrverandi vísindamann hjá NOAA, þar sem hann gagnrýndi vinnubrögð vísindamannana sem stóðu að rannsókninni. Bates var lýst sem „háttsettum uppljóstrara“ í greininni. Lýsti það gagnrýni Bates sem „óhrekjanlegum sönnunum“ um að rannsókn NOAA hefði byggst á misvísandi gögnum.Rannsókn vísindamanna NOAA átti að hafa verið flýtt til að hafa sem mest áhrif á loftslagsfund SÞ í París. Hún birtist hins vegar í júní, hálfu ári fyrir fundinn sögulega.Vísir/AFPGagnrýni Bates laut hins vegar raunverulega að því hvernig gögnin sem rannsóknin byggði á voru skráð og geymd hjá NOAA. Taldi hann að það gæti torveldað að endurtaka og staðfesta niðurstöður hennar. Eftir að grein Mail on Sunday birtist tók Bates sjálfur af öll tvímæli um að fyrrverandi vinnufélagar hans hefðu átt við gögnin. „Þetta eru ekki gögn sem er búið að búa til á nokkurn hátt,“ sagði Bates við AP-fréttastofuna.Rangtúlkuðu gagnrýni Bates Niðurstaða IPSO var að Mail on Sunday hefði greint rangt frá ummælum Bates í greininni. Stofnunin taldi sér aftur á móti ekki stætt á að úrskurða um vísindaleg álitaefni sem komu fram í kvörtun vegna greinarinnar. Vísindamenn gagnrýndu Rose harðlega á sínum tíma og bentu meðal annars á að niðurstöður NOAA hefðu verið staðfestar af öðrum hópum.This article is so wrong its hard to know where to start https://t.co/i015AysbUe. Satellites, buoys, and Argo all agree with new NOAA record pic.twitter.com/yz4nlkvFah— Zeke Hausfather (@hausfath) February 4, 2017 Bob Ward, forstöðumaður stefnumótunar og samskiptamála hjá rannsóknastofnun London School of Economics um loftslagsbreytingar, var sá sem kvartaði til IPSO yfir grein Mail on Sunday. „Gervifréttir um loftslagsbreytingar eru veruleg ógn við almannahag í Bretland, Bandaríkjunum og öðrum löndum. Samfélag sérfræðinga verður að halda áfram að veita áróðursflóði loftslagsvísindaafneitara mótspyrnu,“ segir Ward við The Guardian og fagnar niðurstöðu IPSO.Þekktur fyrir villandi fréttir um loftslagsmálTalsmaður Mail on Sunday segir að blaðið hafi orðið fyrir vonbrigðum með niðurstöður IPSO en að það samþykki þær. David Rose, blaðamaðurinn sem skrifaði greinina, er þekktur fyrir að skrifa misvísandi fréttir um loftslagsmál, að því er kemur fram í umfjöllun The Guardian og New York Times. „Við erum vongóð um að í kjölfar þessa verði ritsjórinn gagnrýnari á greinar sem herra Rose stingur að þeim,“ segir Ward. Hvorki Rose né Smith, formaður vísindanefndar Bandaríkjaþings, svöruðu beiðnum New York Times um viðbrögð við úrskurðinum. Fréttaskýringar Loftslagsmál Mest lesið Lögregla leitar manns Innlent Fær þyngri dóm fyrir að nauðga konu, taka það upp og senda henni Innlent NEL tekur fyrir mál fjölskyldu Sigurðar Kristófers í júní Innlent Fólki sé vel treystandi til að fá sér bjór á íþróttaviðburðum Innlent Íslendingur í Bandaríkjunum: „Þetta er mjög óþægileg staða“ Erlent Lítil hreyfing á fylgi stjórnmálaflokkanna Innlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Netanjahú segir Starmer, Macron og Carney draga taum Hamas Erlent Fleiri fréttir Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Sjá meira
Eftirlitsnefnd með breskum fjölmiðlum hefur komist að þeirri niðurstöðu að götublaðið Mail on Sunday hafi birt verulega misvísandi fullyrðingar um meint svik loftlagsvísindamanna fyrr á þessu ári. Blaðið neyddist til að birta úrskurð þess efnis. Greinin sem um ræðir birtist meðal annars undir fyrirsögninni „Afhjúpun: Hvernig þjóðarleiðtogar voru gabbaðir til að fjárfesta milljarða með hagræddum gögnum um hlýnun jarðar“ í febrúar. Í henni var því haldið ranglega fram að vísindamenn Haf- og loftslagsstofnunar Bandaríkjanna (NOAA) hefðu hagrætt gögnum til að ýkja hnattræna hlýnun í rannsókn sem þeir birtu sama ár og skrifað var undir Parísarsamkomulagið.Gættu ekki að sannleiksgildi og leiðréttu ekki rangar fullyrðingar Sjálfstæða stofnunin um viðmið í fjölmiðlun (IPSO), sem nokkur bresk blöð eiga aðild að og starfar sem nokkurs konar siðanefnd, komst að þeirri niðurstöðu að Mail on Sunday hefði „brugðist í að gæta að nákvæmni greinarinnar og svo brugðist í að leiðrétta þessar verulega misvísandi yfirlýsingar“. Greinin fór einnig á svig við siðareglur ritstjóra sem IPSO starfar eftir. Þá voru athugasemdir gerðar við graf sem blaðið birti og átti að sýna mikinn mun á tölum NOAA og annarra um hnattræna hlýnun en gaf villandi mynd af gögnunum. Mail on Sunday þurfti að birta dóm IPSO með þessum niðurstöðum í blaðinu. Útgáfa greinarinnar sem birtist á vef systurblaðsins Daily Mail hefst nú á dómi IPSO.Mail on Sunday og Daily Mail hafa áður birt óáreiðalegar greinar um loftslagsmál. Nú hafa blöðin neyðst til að birta úrskurð um rangfærslur í einni slíkri grein.Vísir/AFPRannsóknin hrakti kenningu um „hlé“ á hnattrænni hlýnunForsaga málsins er sú að hópur vísindamanna NOAA birti rannsókn í júní árið 2015 sem benti til þess að svonefnt „hlé“ sem átti að hafa orðið á hnattrænni hlýnun eftir árið 1998 hafi í raun ekki átt sér stað. Afneitarar loftlagsvísinda höfðu ítrekað vísað til þessa meinta hlés til að fullyrða að hnattræn hlýnun ætti sér í raun ekki stað. Niðurstöður vísindamanna NOAA vöktu því litla gleði hjá þeim hópi. Þannig reyndi Lamar Smith, formaður vísindanefndar fulltrúadeildar Bandaríkjaþings, að stefna NOAA til að fá afhenta persónulega tölvupósta vísindamannanna sem stóðu að rannsókninni. Hann deildi grein Mail on Sunday meðal annars á opinberum Twitter-reikningi nefndarinnar í febrúar.Gagnrýni á gagnageymslu varð að sönnun um hagræðingu gagna Í grein Mail on Sunday, sem blaðamaðurinn David Rose skrifaði, var fullyrt að vísindamenn NOAA hefðu notast við gögn sem hefðu ekki verið staðfest til að ýkja hlýnun jarðar. Vísindamennirnir hefðu „átt við“ gögnin til að fá þá niðurstöðu og reglur NOAA um áreiðanleika gagna hefðu verið brotnar. Þeir hefðu jafnframt flýtt birtingu greinar þess efnis til þess að hafa sem mest áhrif á loftslagsfund Sameinuðu þjóðanna í París þar sem tímamótasamkomulag var undirritað í desember árið 2015. Skrif blaðsins byggðust á bloggfærslu og viðtali við John Bates, fyrrverandi vísindamann hjá NOAA, þar sem hann gagnrýndi vinnubrögð vísindamannana sem stóðu að rannsókninni. Bates var lýst sem „háttsettum uppljóstrara“ í greininni. Lýsti það gagnrýni Bates sem „óhrekjanlegum sönnunum“ um að rannsókn NOAA hefði byggst á misvísandi gögnum.Rannsókn vísindamanna NOAA átti að hafa verið flýtt til að hafa sem mest áhrif á loftslagsfund SÞ í París. Hún birtist hins vegar í júní, hálfu ári fyrir fundinn sögulega.Vísir/AFPGagnrýni Bates laut hins vegar raunverulega að því hvernig gögnin sem rannsóknin byggði á voru skráð og geymd hjá NOAA. Taldi hann að það gæti torveldað að endurtaka og staðfesta niðurstöður hennar. Eftir að grein Mail on Sunday birtist tók Bates sjálfur af öll tvímæli um að fyrrverandi vinnufélagar hans hefðu átt við gögnin. „Þetta eru ekki gögn sem er búið að búa til á nokkurn hátt,“ sagði Bates við AP-fréttastofuna.Rangtúlkuðu gagnrýni Bates Niðurstaða IPSO var að Mail on Sunday hefði greint rangt frá ummælum Bates í greininni. Stofnunin taldi sér aftur á móti ekki stætt á að úrskurða um vísindaleg álitaefni sem komu fram í kvörtun vegna greinarinnar. Vísindamenn gagnrýndu Rose harðlega á sínum tíma og bentu meðal annars á að niðurstöður NOAA hefðu verið staðfestar af öðrum hópum.This article is so wrong its hard to know where to start https://t.co/i015AysbUe. Satellites, buoys, and Argo all agree with new NOAA record pic.twitter.com/yz4nlkvFah— Zeke Hausfather (@hausfath) February 4, 2017 Bob Ward, forstöðumaður stefnumótunar og samskiptamála hjá rannsóknastofnun London School of Economics um loftslagsbreytingar, var sá sem kvartaði til IPSO yfir grein Mail on Sunday. „Gervifréttir um loftslagsbreytingar eru veruleg ógn við almannahag í Bretland, Bandaríkjunum og öðrum löndum. Samfélag sérfræðinga verður að halda áfram að veita áróðursflóði loftslagsvísindaafneitara mótspyrnu,“ segir Ward við The Guardian og fagnar niðurstöðu IPSO.Þekktur fyrir villandi fréttir um loftslagsmálTalsmaður Mail on Sunday segir að blaðið hafi orðið fyrir vonbrigðum með niðurstöður IPSO en að það samþykki þær. David Rose, blaðamaðurinn sem skrifaði greinina, er þekktur fyrir að skrifa misvísandi fréttir um loftslagsmál, að því er kemur fram í umfjöllun The Guardian og New York Times. „Við erum vongóð um að í kjölfar þessa verði ritsjórinn gagnrýnari á greinar sem herra Rose stingur að þeim,“ segir Ward. Hvorki Rose né Smith, formaður vísindanefndar Bandaríkjaþings, svöruðu beiðnum New York Times um viðbrögð við úrskurðinum.
Fréttaskýringar Loftslagsmál Mest lesið Lögregla leitar manns Innlent Fær þyngri dóm fyrir að nauðga konu, taka það upp og senda henni Innlent NEL tekur fyrir mál fjölskyldu Sigurðar Kristófers í júní Innlent Fólki sé vel treystandi til að fá sér bjór á íþróttaviðburðum Innlent Íslendingur í Bandaríkjunum: „Þetta er mjög óþægileg staða“ Erlent Lítil hreyfing á fylgi stjórnmálaflokkanna Innlent Rússar notuðu Brasilíu sem njósnaraverksmiðju Erlent Ákærður fyrir að ráðast á leigubílstjóra Innlent Svona verður Sæbraut í stokki Innlent Netanjahú segir Starmer, Macron og Carney draga taum Hamas Erlent Fleiri fréttir Ákærður fyrir að myrða sendiráðsstarfsfólk Ísraels Netanjahú segir Starmer, Macron og Carney draga taum Hamas Rússar notuðu Brasilíu sem njósnaraverksmiðju Íslendingur í Bandaríkjunum: „Þetta er mjög óþægileg staða“ Banna erlendum nemendum að sækja Harvard Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Sjá meira