Innlent

Halldór Viðar Sanne neitaði sök

Sunna Kristín Hilmarsdóttir og Stefán Ó. Jónsson skrifa
Halldór Viðar Sanne er gefið að sök að hafa nýtt sér erfiðan leigumarkað til að svindla á fólki.
Halldór Viðar Sanne er gefið að sök að hafa nýtt sér erfiðan leigumarkað til að svindla á fólki.
Halldór Viðar Sanne, sem nú kallar sig Aldo Viðar Bae, neitaði sök þegar mál hans var þingfest í Héraðsdómi Reykjaness í gær. Ríkisútvarpið greinir frá þessu. Hann er ákærður fyrir fjársvik, tilraun til fjársvika og fjárdrátts en hann hefur verið í gæsluvarðhaldi samfleytt frá 28. mars síðastliðnum og verður í áframhaldandi varðhaldi til 21. júlí hið minnsta.

Gert er ráð fyrir því að aðalmeðferð yfir Aldo fari fram í ágúst.

Fréttablaðið greindi fyrst frá meintum svikum Halldórs nú þann 18. mars síðastliðinn en þá sagði Bergljót Snorradóttir farir sínar ekki sléttar eftir viðskipti við hann.

Halldór hefur lengi svindlað.
Kvaðst hún hafa greitt honum leigu fyrirfram fyrir einbýlishús í Njarðvík sem Halldór átti ekki heldur var sjálfur með í leigu.

Í kjölfarið ræddi Fréttablaðið við fleira fólk sem taldi sig hlunnfarið í viðskiptum við Halldór.

Sjá einnig: Alræmdur svikari kominn á stjá: Reyndi að leigja hús sem hann á ekki

Í greinargerð lögreglu eru talin upp níu mál sem hún hefur haft til rannsóknar um meint brot Halldórs. Snúa þau að fjársvikum og fjárdrætti meðal annars en upphæðirnar sem Halldór er talinn hafa svikið út úr fólki nema allt að 1,3 milljónum króna.

Að sögn lögreglu beinist hin meintu brot Halldórs oft að fólki sem sé í erfiðri aðstöðu vegna erfiðs leigumarkaðar og um sé að ræða brotahrinu sem verði að stöðva.


Tengdar fréttir




Fleiri fréttir

Sjá meira


×