Tvíburar George og Amal Clooney komnir í heiminn

Tvíburar hollywoodleikarans George Clooney og eiginkonu hans, mannréttindalögfræðingsins Amal Clooney, komu í heiminn í Lundúnum í morgun.

Tvíburarnir, strákur og stelpa, hafa fengið nöfnin Alexander og Ella og heilsast þeim og móðurinni vel.

Í tilkynningu frá fjölskyldunni segir einnig að George „hafa fengið deyfilyf og ætti að ná sér eftir nokkra daga.“ Aldrei langt í húmorinn hjá þeim hjónum.

Greint var frá komu tvíburanna í febrúar síðastliðnum, skömmu eftir að greint var frá því að Beyonce og Jay Z ættu von á tvíburum líka. 

George Clooney og Amal Alamuddin giftust árið 2014 en fimmtán ára aldursmunur er á þeim hjónum. George er 56 ára en Amal 39. Um er að ræða fyrstu börn beggja.