Múnari fjarlægður af sviðinu í Kænugarði

Áhorfandi í tónleikahöllinni í Kænugarði í Úkraínu, þar sem Söngvakeppni evrópskra sjónvarpsstöðva fer nú fram, stökk upp á svið og „múnaði“ framan í alla Evrópu nú rétt í þessu.

Maðurinn, sem hafði vafið ástralska fánanum utan um sig, fór upp á sviðið þegar Jamala, hinn úkraínski sigurvegari söngvakeppninnar í fyrra, flutti lag sitt. Hann gyrti að því búnu niður um sig og sýndi myndavélunum berar rasskinar sínar.

„Rasskinnarnar eru jafnvel betri en hinir kynnarnir,“ sagði Gísli Marteinn Baldursson, sem lýsir keppninni fyrir íslenskum áhorfendum, um atvikið.

Hér má sjá múnarann athafna sig á sviðinu í Kænugarði:

This just happened on #Eurovision pic.twitter.com/liniTBzCBG

— Chris (@ChrisPalacefc) May 13, 2017