Fannst geggjað að fá tilnefningu og verðlaunin voru bónus Guðný Hrönn skrifar 6. mars 2017 11:45 Blær gekk í gegnum langt undirbúningsferli fyrir Hjartastein og öll vinnan bar svo sannarlega árangur. Vísir/Anton Brink Blær Hinriksson hlaut Edduverðlaun sem besti leikari í aðalhlutverki fyrir hlutverk sitt í Hjartasteini. Verðlaunin hafa mikla þýðingu fyrir hann, einkum í ljósi þess að hann er rétt að byrja feril sinn í leiklist. „Þegar ég heyrði að ég hafði verið tilnefndur til Edduverðlauna þá hugsaði ég með mér að það væri alveg geggjað að fá tilnefningu. Svo var Baldur líka tilnefndur , sem gerir þetta enn þá betra,“ segir Blær sem hlaut Edduverðlaun fyrir hlutverk sitt í Hjartasteini, en mótleikari hans í myndinni, Baldur Einarsson, var líka tilnefndur. „Áður en hátíðin hófst þá var mér nánast sama hver myndi vinna, ég vonaði auðvitað að það yrði ég eða Baldur, en mér fannst það samt ekki skipta máli,“ segir Blær, sem var himinlifandi með tilnefninguna. Hann segir verðlaunin sjálf hafa verið algjöran bónus. „Þessi verðlaun komu mér svolítið á óvart vegna þess að ég er svo ungur, ég er bara 15 ára.“ En þrátt fyrir ungan aldur hefur Blær lent í ýmsu, hann var til að mynda nærri drukknaður í sundlaug sem barn og svo lenti hann fyrir bíl þegar hann var nýstiginn úr strætisvagni. Þetta er reynsla sem hjálpaði honum að kalla fram tilfinningar í hlutverki sínu í Hjartasteini. „Þegar maður var að fara í erfiðar senur þá gat maður hugsað til baka til þess sem maður hefur í reynslubankanum. Ég hugsaði líka mikið til baka til afa míns sem er dáinn. Ég sakna hans, hann var svo skemmtilegur og góður maður. Ég og bróðir minn vorum bestu vinir hans. Þannig að þegar ég var að fara í erfiðar senur þá hugsaði ég um hann og skoðaði myndir af honum,“ útskýrir Blær sem kallaði fram tár með því að minnast afa síns.Baldur og Blær voru valdir bestu leikararnir á kvikmyndahátíðinni í Marrakech í Marokkó í desember fyrir hlutverk sín í Hjartasteini.NORDICPHOTOS/AFPSpurður út í hvernig áhuginn á leiklist hafi kviknað kveðst Blær vera alinn upp í leiklistarfjölskyldu og snemma var hann byrjaður að gera eftirhermur og fara á leiklistarnámskeið. Spurður nánar út í eftirhermuna segist hann taka Guðna Ágústsson vel. „Fyrst var pabbi minn alltaf að grínast í Guðna, þeir þekkjast eitthvað smá. Mér fannst þetta svo skemmtilegt og fór líka að grínast með að herma eftir honum. Og einhvern tímann, þegar ég var lítill krakki, þá vorum við á hestamannamóti og sáum Guðna. Þá sagði pabbi við mig: „Ef þú ferð upp að honum og hermir eftir honum þá gef ég þér ís á eftir,“ og ég gerði það. Ég labbaði upp að honum, heilsaði og byrjaði að herma eftir honum,“ rifjar Blær upp hlæjandi og segir Guðna hafa skellihlegið og tekið vel í þetta. „En aðallega kemur áhuginn frá fjölskyldunni. Pabbi er leikari, bróðir hans er söngvari og leikari, bróðir minn er leikari og svo framvegis. Þetta er allt í kringum mig.“Ekkert mál að fá frí frá skólaÞegar Blær er svo spurður út í framtíðarplön segir hann tímann verða að leiða það í ljós. „Mig langar auðvitað mikið í leiklist en svo er ég líka á fullu í handbolta,“ segir Blær sem tók sér tveggja mánaða frí frá handboltanum og skólanum á meðan á tökunum stóð. Eins hefur hann þurft að taka sér frí frá námi og tómstundum til að ferðast til útlanda á kvikmyndahátíðir til að kynna myndina. En var ekkert vandamál að taka frí frá skóla? „Nei, kennararnir eru svo góðir og skilja að þetta er ævintýri fyrir mig. Þeir skilja að það er lærdómsríkt að ferðast og kynnast nýjum menningarheimum. En ég vinn auðvitað öll skólaverkefni og læri það sem samnemendur mínir eru að gera. Ég þarf bara stundum að vinna það upp eftir á en ég fæ hjálp frá kennurum,“ segir Blær. Blær er ekkert að stressa sig á framtíðinni. „Vonandi fær maður svo bara einhver fleiri tilboð í leiklistinni. Þetta kemur allt í ljós, ég er bara í 10. bekk þannig að ég hef nægan tíma eins og er til að taka ákvörðun um hvort ég vilji einbeita mér sérstaklega að handboltanum, leiklistinni eða einhverju öðru.“ Mest lesið Ósérhlífinn starfsmaður bjargaði ómvölum frá endurvinnslu Lífið Á spítala eftir samfarir við 583 menn Lífið „Hæ allir saman, kjósið New Day Will Rise“ Lífið Níu ára toppaði Hvannadalshnjúk og renndi sér niður Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Nadía og Arnar selja fallegt hús í Hafnarfirði Lífið „Erum við að reyna fá fólk til þess að vera svikara“ Lífið Iðnaðarmaður ársins 2025 - Elsa er komin í úrslit Lífið samstarf Var hent í ljónagryfjuna þegar hann fór inn á Vog Lífið Hjálmar með upplyftandi morgunkveðju Lífið Fleiri fréttir Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu Sjá meira
Blær Hinriksson hlaut Edduverðlaun sem besti leikari í aðalhlutverki fyrir hlutverk sitt í Hjartasteini. Verðlaunin hafa mikla þýðingu fyrir hann, einkum í ljósi þess að hann er rétt að byrja feril sinn í leiklist. „Þegar ég heyrði að ég hafði verið tilnefndur til Edduverðlauna þá hugsaði ég með mér að það væri alveg geggjað að fá tilnefningu. Svo var Baldur líka tilnefndur , sem gerir þetta enn þá betra,“ segir Blær sem hlaut Edduverðlaun fyrir hlutverk sitt í Hjartasteini, en mótleikari hans í myndinni, Baldur Einarsson, var líka tilnefndur. „Áður en hátíðin hófst þá var mér nánast sama hver myndi vinna, ég vonaði auðvitað að það yrði ég eða Baldur, en mér fannst það samt ekki skipta máli,“ segir Blær, sem var himinlifandi með tilnefninguna. Hann segir verðlaunin sjálf hafa verið algjöran bónus. „Þessi verðlaun komu mér svolítið á óvart vegna þess að ég er svo ungur, ég er bara 15 ára.“ En þrátt fyrir ungan aldur hefur Blær lent í ýmsu, hann var til að mynda nærri drukknaður í sundlaug sem barn og svo lenti hann fyrir bíl þegar hann var nýstiginn úr strætisvagni. Þetta er reynsla sem hjálpaði honum að kalla fram tilfinningar í hlutverki sínu í Hjartasteini. „Þegar maður var að fara í erfiðar senur þá gat maður hugsað til baka til þess sem maður hefur í reynslubankanum. Ég hugsaði líka mikið til baka til afa míns sem er dáinn. Ég sakna hans, hann var svo skemmtilegur og góður maður. Ég og bróðir minn vorum bestu vinir hans. Þannig að þegar ég var að fara í erfiðar senur þá hugsaði ég um hann og skoðaði myndir af honum,“ útskýrir Blær sem kallaði fram tár með því að minnast afa síns.Baldur og Blær voru valdir bestu leikararnir á kvikmyndahátíðinni í Marrakech í Marokkó í desember fyrir hlutverk sín í Hjartasteini.NORDICPHOTOS/AFPSpurður út í hvernig áhuginn á leiklist hafi kviknað kveðst Blær vera alinn upp í leiklistarfjölskyldu og snemma var hann byrjaður að gera eftirhermur og fara á leiklistarnámskeið. Spurður nánar út í eftirhermuna segist hann taka Guðna Ágústsson vel. „Fyrst var pabbi minn alltaf að grínast í Guðna, þeir þekkjast eitthvað smá. Mér fannst þetta svo skemmtilegt og fór líka að grínast með að herma eftir honum. Og einhvern tímann, þegar ég var lítill krakki, þá vorum við á hestamannamóti og sáum Guðna. Þá sagði pabbi við mig: „Ef þú ferð upp að honum og hermir eftir honum þá gef ég þér ís á eftir,“ og ég gerði það. Ég labbaði upp að honum, heilsaði og byrjaði að herma eftir honum,“ rifjar Blær upp hlæjandi og segir Guðna hafa skellihlegið og tekið vel í þetta. „En aðallega kemur áhuginn frá fjölskyldunni. Pabbi er leikari, bróðir hans er söngvari og leikari, bróðir minn er leikari og svo framvegis. Þetta er allt í kringum mig.“Ekkert mál að fá frí frá skólaÞegar Blær er svo spurður út í framtíðarplön segir hann tímann verða að leiða það í ljós. „Mig langar auðvitað mikið í leiklist en svo er ég líka á fullu í handbolta,“ segir Blær sem tók sér tveggja mánaða frí frá handboltanum og skólanum á meðan á tökunum stóð. Eins hefur hann þurft að taka sér frí frá námi og tómstundum til að ferðast til útlanda á kvikmyndahátíðir til að kynna myndina. En var ekkert vandamál að taka frí frá skóla? „Nei, kennararnir eru svo góðir og skilja að þetta er ævintýri fyrir mig. Þeir skilja að það er lærdómsríkt að ferðast og kynnast nýjum menningarheimum. En ég vinn auðvitað öll skólaverkefni og læri það sem samnemendur mínir eru að gera. Ég þarf bara stundum að vinna það upp eftir á en ég fæ hjálp frá kennurum,“ segir Blær. Blær er ekkert að stressa sig á framtíðinni. „Vonandi fær maður svo bara einhver fleiri tilboð í leiklistinni. Þetta kemur allt í ljós, ég er bara í 10. bekk þannig að ég hef nægan tíma eins og er til að taka ákvörðun um hvort ég vilji einbeita mér sérstaklega að handboltanum, leiklistinni eða einhverju öðru.“
Mest lesið Ósérhlífinn starfsmaður bjargaði ómvölum frá endurvinnslu Lífið Á spítala eftir samfarir við 583 menn Lífið „Hæ allir saman, kjósið New Day Will Rise“ Lífið Níu ára toppaði Hvannadalshnjúk og renndi sér niður Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Nadía og Arnar selja fallegt hús í Hafnarfirði Lífið „Erum við að reyna fá fólk til þess að vera svikara“ Lífið Iðnaðarmaður ársins 2025 - Elsa er komin í úrslit Lífið samstarf Var hent í ljónagryfjuna þegar hann fór inn á Vog Lífið Hjálmar með upplyftandi morgunkveðju Lífið Fleiri fréttir Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Staðalímyndir í sjávarútvegi: „Hvar er maðurinn þinn?“ Landsliðshetjur elta drauminn til Ólafsvíkur Úr klikkaðri kynlífsþrá í alls enga Rikki G og Valdís eiga von á barni „Hélt að við værum að trufla verðandi bónorð hjá öðrum“ Vill Ísrael og Úkraínu úr Eurovision Stóra stundin hjá þeim Rebekku og Ásgeiri Hersir og Rósa greina frá kyninu Sjá meira