Beyoncé birtir fleiri bumbumyndir

Bandaríska poppdrottningin Beyoncé tilkynnti í gær á Instagram-síðu að hún ætti von á tvíburum ásamt eiginmanni sínum, rapparanum Jay-Z. Fréttirnar fóru eins og eldur í sinu um netheima enda eru hjónin einhverjar stærstu stjörnur heims.

Myndin sem Beyoncé deildi varð til að mynda á nokkrum klukkutímum mest „lækaða“ myndin í sögu Instagram til þessa en þegar þetta er skrifað hefur myndin fengið yfir 7,5 milljónir „læka.“

Hjónin eiga fyrir dótturina Blue Ivy Carter sem er fimm ára.

Beyoncé hefur nú sett fleiri myndir af bumbunni inn á vefsíðu sína og eru þær hver annarri glæsilegri.