Obama rústaði Branson á flugdrekabretti

Barack Obama, fyrrverandi Bandaríkjaforseti, virðist nýta tímann til þess að slaka vel á nú þegar stjórn Bandaríkjanna er ekki lengur á hans herðum.

Hann og eiginkona hans, Michelle, virðast hafa tekið því afar rólega í fylgd breska auðjöfursins Richard Branson. Eyddu þau tíma saman á Necker-eyju, einkaeyju Branson í Kyrrahafi.

Branson hefur birt myndband, sem sjá má hér fyrir neðan, af þeim félögum keppa á flugdrekabrettum (e. kitesurfing). 

Í bloggfærslu á vef Branson segir að hann hafi skorað forsetann fyrrverandi í keppni um hver kæmist lengst á brettinu. Óhætt er að segja að Obama hafi farið létt með Branson.

Vel virðist hafa farið á með þeim félögum líkt og sjá má á meðfylgjandi mynd.

Challenged @barackobama to a kitesurf vs foilboard learning contest – here's what happened https://t.co/5hwjOvy2TK pic.twitter.com/wEGSjL2TAr

— Richard Branson (@richardbranson) February 7, 2017