Þessar götur eru í forgangi

Stefán Ó. Jónsson skrifar 20. janúar 2017 15:10

Fjárhágsáætlun Reykjavíkurborgar gerir ráð fyrir 1460 milljónum króna til viðgerða og endurnýjunar á malbiki á þessu ári. Er það ríflega tvöföldun frá því á liðnu ári.

Að sögn Dags B. Eggertssonar borgarstjóra verða rétt rúmlega 100 götur í forgangi í ár.

„Áhersla er lögð á endurnýjun bæði með fræsingu og malbikun, sem og malbikun yfirlaga og er það gert til að koma í veg fyrir miklar og kostnaðarsamar viðgerðir síðar. Áætlað er að slík endurnýjun verði í ár 243.000 fermetrar eða sem nemur um 32 km í lengd gatna,“ segir á vef borgarinnar.

Að auki og fyrir utan framantalinn kostnað kemur nýtt malbik á götur sem endurnýjaðar eru frá grunni svo sem endurgerð Hafnarstætis milli Pósthússtrætis og Tryggvagötu, sem og vegna endurgerðar gatnamóta Lækjargötu og Geirsgötu. Þá eru framkvæmdir Vegagerðarinnar á stofnbrautum ekki inn í þessum tölum.

Hér að neðan eru þær götur sem borgarstjóri segir vera í forgangi á þessu ári.