Óska eftir vitnum að umferðarslysi

Lögreglan á höfuðborgarsvæðinu óskar eftir vitnum að umferðarslysi sem varð á gatnamótum Reykjanesbrautar og Bústaðavegar í morgun. Sérstaklega er óskað eftir vitnum að stöðu umferðarljósanna þegar áreksturinn varð.

Lögreglunni barst tilkynning um slysið klukkan 9:17 og höfðu ljósgrár Mercedes Benz og blár Ssangyong Tivoli. Báðir ökumennirnir voru fluttir á slysadeild til aðhlynningar.

Mercedes Benzinum var ekið suður Reykjanesbraut og Ssangyong Tivoli norður Reykjanesbraut en ökumaður síðarnefnda bílsins beygði til vinstri á gatnamótunum og hugðist aka vestur Bústaðaveg þegar áreksturinn varð.

Þeir sem urðu vitni að árekstrinum eru beðnir um að hafa samband við lögregluna í síma 444 1000 en einnig má senda upplýsingar í tölvupósti á netfangið hlynurg@lrh.is eða í einkaskilaboðum á Facebooksíðu Lögreglunnar á höfuðborgarsvæðinu.