Engin geislun frá húsnæði HÍ að Neshaga 16

Reiknistofnun Háskóla Íslands má setja upp varaaflstöð og kælibúnað á lóðinni á Neshaga 16 samkvæmt úrskurðarnefnd umhverfis- og auðlindamála sem neitar kröfu um að fella úr gildi leyfi sem byggingarfulltrúinn í Reykjavík veitti í 14. apríl 2015.

Nágrannar, sem kærðu framkvæmdina, töldu að bæði myndi stafa hljóð- og umhverfismengun af búnaðinum og vildu fá upplýst hvort geislun frá mannvirkjunum gæti snert heilsufar íbúa á svæðinu. Í umfjöllun úrskurðarnefndarinnar segir að varaaflstöðin sé í hljóðeinangraðri skel úr stáli.

Telja verði mannvirkin eðlilegan og nauðsynlegan búnað fyrir starfsemina sem fari fram á lóðinni og þau hafi verið færð til eftir athugasemdir.

„Jafnframt bendir ekkert til þess að frá umræddum búnaði muni stafa óæskileg geislun.“

Fréttin birtist fyrst í Fréttablaðinu.