Skagamönnum gefinn gálgafrestur Svavar Hávarðsson og Sveinn Arnarsson skrifa 30. mars 2017 06:00 Viljayfirlýsing Akranesbæjar til samstarfs um metnaðarfulla uppbyggingu hafnarmannvirkja til að greiða fyrir áframhaldandi fiskvinnslu HB Granda á Akranesi dugði til að sannfæra stjórnendur fyrirtækisins um að láta tímabundið af áformum sínum um að hætta bolfiskvinnslu í bænum. Gengið verður til viðræðna en skili þær ekki tilætluðum árangri verður vinnslu hætt 1. september næstkomandi. Verði vinnslan aflögð er beint tap bæjarsjóðs Akraness um 100 milljónir króna á ári, hið minnsta, þegar aðeins er tekið tillit til tapaðra útsvarstekna. Stjórn HB Granda hittist á fundi í gærmorgun. Strax að honum loknum var haldið upp á Akranes þar sem fundað var með bæjaryfirvöldum og starfsmönnum fyrirtækisins. Þar var niðurstaðan kynnt. Í tilkynningu segir: „Á fundi trúnaðarmanna HB Granda og forsvarsmanna HB Granda á Akranesi 29. mars 2017, um áform félagsins að loka botnfiskvinnslu félagsins á Akranesi kom fram fullur vilji hjá forsvarsmönnum HB Granda um að ganga til viðræðna við bæjarstjórn Akraness í samræmi við viljayfirlýsingu hennar frá 28. mars 2017. Reynt verður að ljúka þessum viðræðum sem fyrst. Náist ekki jákvæð niðurstaða þá verður að óbreyttu botnfiskvinnslu HB Granda hætt þann 1. september 2017. Viljayfirlýsing bæjarstjórnar gengur út á gerð landfyllingar og nauðsynlegar endurbætur á hafnaraðstöðu við Akraneshöfn til að unnt sé að koma til framkvæmda áformum HB Granda frá 2007 og 2014 um uppbyggingu á Akranesi.“Vilhjálmur BirgissonVilhjálmur Birgisson, formaður Verkalýðsfélags Akraness, segir um varnarsigur að ræða. „Núna er ekkert annað hjá okkur en að krossa fingur og vona að þær uppfylli þær óskir sem fyrirtækið er að leitast eftir. Ef það hins vegar ekki tekst þá liggur fyrir að það kemur til lokunar í haust. Ég fór yfir það með starfsmönnum að þetta væri á vissan hátt jákvætt, þetta væri varnarsigur. Ég vildi samt sem áður ekki vekja of miklar væntingar. En ég hef fulla trú á að Akranesbær fari í þetta verkefni af alefli, ásamt Faxaflóahöfnum, og farsæl niðurstaða náist,“ segir Vilhjálmur. Spurður um hug Faxaflóahafna til málsins segist Vilhjálmur minna á það að þegar Akraneshöfn sameinaðist Faxaflóahöfnum á sínum tíma, „þá var þar skuldbinding um að efla Akraneshöfn sem fiskihöfn. Sameiningin var á þeim forsendum og ég trúi því að Faxaflóahafnir vilji standa við þær skuldbindingar sem þær öxluðu á sínum tíma,“ segir Vilhjálmur. Gísli Gíslason hafnarstjóri segir hugmyndirnar hafa verið kynntar í stjórn Faxaflóahafna áður. „Mér var falið á sínum tíma að ræða við HB Granda um samkomulag þar sem fyrirtækið kæmi að málinu. Það hefur ekki orðið af því. Það hefur ekkert staðið á viðræðum við okkur í sjálfu sér ef vilji er til þess að fara í þessar aðgerðir,“ segir Gísli. Spurður um þann möguleika að uppbygging á Akranesi geti þýtt að vinnslu verði hætt í Reykjavík, í því ljósi að Faxaflóahafnir eru í eigu Reykvíkinga að stórum hluta, segir Gísli að Faxaflóahafnir hafi aldrei tekið afstöðu til þess hvar menn eigi að vera. „Hins vegar höfum við sagt að ef skynsemi er að baki framkvæmdum þá tökum við tillit til vilja fyrirtækjanna,“ segir Gísli.Vilhjálmur Vilhjálmsson, forstjóri HB Granda.Varar við því að Skagamenn fyllist bjartsýniVilhjálmur Vilhjálmsson, forstjóri HB Granda, segir ekkert í hendi að fyrirtækið haldi áfram landvinnslu á Akranesi þó samþykkt hafi verið að fresta lokun landvinnslu bolfisks til 1. september næstkomandi. Hann varar við því að menn fyllist bjartsýni. „Ég vara íbúa Akraness eindregið við því að byggja upp einhverja bjartsýni,“ segir Vilhjálmur. Hann telur líklegra en ekki á þessum tíma að fyrirtækið fari með bolfisksvinnsluna frá Akranesi næsta haust. „Þó við höfum samþykkt að fresta aðgerðum til 1. september þá eru hlutir þarna sem hvorki HB Grandi né Akraneskaupstaður hefur yfirráð yfir. Að málinu koma einnig Reykjavíkurborg og Faxaflóahafnir,“ segir Vilhjálmur.HB Grandi segir sterka krónu ástæðu þess að vinnsla á Akranesi sé óarðbær eining og hagræðing yrði af því að flytja alla vinnslu til Reykjavíkur. Ljóst er að gengi krónunnar mun ekki lagast við að hafnaraðstaða batni á Akranesi. Þegar Vilhjálmur var spurður að því hvort áframhaldandi vera HB Granda á Akranesi þýddi lokun í Reykjavík gat hann ekki svarað því á þessum tímapunkti. „Við erum bara að skoða það núna hvort hægt sé að nota höfnina á Akranesi meira og vinna stærri hluta af aflanum þar.“ Sævar Freyr Þráinsson, bæjarstjóri Akraness, segir tímann fram undan nýttan í samningaviðræður. „Við erum mjög þakklátir HB Granda fyrir að fresta aðgerðum til 1. september. Það er ánægjulegt að við getum nú sest niður og náð sameiginlegri niðurstöðu og tryggt áframhaldandi sterka útgerð á Akranesi,“ segir Sævar Freyr. Fréttin birtist fyrst í Fréttablaðinu Birtist í Fréttablaðinu Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Viljayfirlýsing Akranesbæjar til samstarfs um metnaðarfulla uppbyggingu hafnarmannvirkja til að greiða fyrir áframhaldandi fiskvinnslu HB Granda á Akranesi dugði til að sannfæra stjórnendur fyrirtækisins um að láta tímabundið af áformum sínum um að hætta bolfiskvinnslu í bænum. Gengið verður til viðræðna en skili þær ekki tilætluðum árangri verður vinnslu hætt 1. september næstkomandi. Verði vinnslan aflögð er beint tap bæjarsjóðs Akraness um 100 milljónir króna á ári, hið minnsta, þegar aðeins er tekið tillit til tapaðra útsvarstekna. Stjórn HB Granda hittist á fundi í gærmorgun. Strax að honum loknum var haldið upp á Akranes þar sem fundað var með bæjaryfirvöldum og starfsmönnum fyrirtækisins. Þar var niðurstaðan kynnt. Í tilkynningu segir: „Á fundi trúnaðarmanna HB Granda og forsvarsmanna HB Granda á Akranesi 29. mars 2017, um áform félagsins að loka botnfiskvinnslu félagsins á Akranesi kom fram fullur vilji hjá forsvarsmönnum HB Granda um að ganga til viðræðna við bæjarstjórn Akraness í samræmi við viljayfirlýsingu hennar frá 28. mars 2017. Reynt verður að ljúka þessum viðræðum sem fyrst. Náist ekki jákvæð niðurstaða þá verður að óbreyttu botnfiskvinnslu HB Granda hætt þann 1. september 2017. Viljayfirlýsing bæjarstjórnar gengur út á gerð landfyllingar og nauðsynlegar endurbætur á hafnaraðstöðu við Akraneshöfn til að unnt sé að koma til framkvæmda áformum HB Granda frá 2007 og 2014 um uppbyggingu á Akranesi.“Vilhjálmur BirgissonVilhjálmur Birgisson, formaður Verkalýðsfélags Akraness, segir um varnarsigur að ræða. „Núna er ekkert annað hjá okkur en að krossa fingur og vona að þær uppfylli þær óskir sem fyrirtækið er að leitast eftir. Ef það hins vegar ekki tekst þá liggur fyrir að það kemur til lokunar í haust. Ég fór yfir það með starfsmönnum að þetta væri á vissan hátt jákvætt, þetta væri varnarsigur. Ég vildi samt sem áður ekki vekja of miklar væntingar. En ég hef fulla trú á að Akranesbær fari í þetta verkefni af alefli, ásamt Faxaflóahöfnum, og farsæl niðurstaða náist,“ segir Vilhjálmur. Spurður um hug Faxaflóahafna til málsins segist Vilhjálmur minna á það að þegar Akraneshöfn sameinaðist Faxaflóahöfnum á sínum tíma, „þá var þar skuldbinding um að efla Akraneshöfn sem fiskihöfn. Sameiningin var á þeim forsendum og ég trúi því að Faxaflóahafnir vilji standa við þær skuldbindingar sem þær öxluðu á sínum tíma,“ segir Vilhjálmur. Gísli Gíslason hafnarstjóri segir hugmyndirnar hafa verið kynntar í stjórn Faxaflóahafna áður. „Mér var falið á sínum tíma að ræða við HB Granda um samkomulag þar sem fyrirtækið kæmi að málinu. Það hefur ekki orðið af því. Það hefur ekkert staðið á viðræðum við okkur í sjálfu sér ef vilji er til þess að fara í þessar aðgerðir,“ segir Gísli. Spurður um þann möguleika að uppbygging á Akranesi geti þýtt að vinnslu verði hætt í Reykjavík, í því ljósi að Faxaflóahafnir eru í eigu Reykvíkinga að stórum hluta, segir Gísli að Faxaflóahafnir hafi aldrei tekið afstöðu til þess hvar menn eigi að vera. „Hins vegar höfum við sagt að ef skynsemi er að baki framkvæmdum þá tökum við tillit til vilja fyrirtækjanna,“ segir Gísli.Vilhjálmur Vilhjálmsson, forstjóri HB Granda.Varar við því að Skagamenn fyllist bjartsýniVilhjálmur Vilhjálmsson, forstjóri HB Granda, segir ekkert í hendi að fyrirtækið haldi áfram landvinnslu á Akranesi þó samþykkt hafi verið að fresta lokun landvinnslu bolfisks til 1. september næstkomandi. Hann varar við því að menn fyllist bjartsýni. „Ég vara íbúa Akraness eindregið við því að byggja upp einhverja bjartsýni,“ segir Vilhjálmur. Hann telur líklegra en ekki á þessum tíma að fyrirtækið fari með bolfisksvinnsluna frá Akranesi næsta haust. „Þó við höfum samþykkt að fresta aðgerðum til 1. september þá eru hlutir þarna sem hvorki HB Grandi né Akraneskaupstaður hefur yfirráð yfir. Að málinu koma einnig Reykjavíkurborg og Faxaflóahafnir,“ segir Vilhjálmur.HB Grandi segir sterka krónu ástæðu þess að vinnsla á Akranesi sé óarðbær eining og hagræðing yrði af því að flytja alla vinnslu til Reykjavíkur. Ljóst er að gengi krónunnar mun ekki lagast við að hafnaraðstaða batni á Akranesi. Þegar Vilhjálmur var spurður að því hvort áframhaldandi vera HB Granda á Akranesi þýddi lokun í Reykjavík gat hann ekki svarað því á þessum tímapunkti. „Við erum bara að skoða það núna hvort hægt sé að nota höfnina á Akranesi meira og vinna stærri hluta af aflanum þar.“ Sævar Freyr Þráinsson, bæjarstjóri Akraness, segir tímann fram undan nýttan í samningaviðræður. „Við erum mjög þakklátir HB Granda fyrir að fresta aðgerðum til 1. september. Það er ánægjulegt að við getum nú sest niður og náð sameiginlegri niðurstöðu og tryggt áframhaldandi sterka útgerð á Akranesi,“ segir Sævar Freyr. Fréttin birtist fyrst í Fréttablaðinu
Birtist í Fréttablaðinu Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira