Tómas Lemarquis og Brett Favre að auglýsa kjúklingavængi

Leikarinn Tómas Lemarquis og NFL goðsögnin Brett Favre koma fram í sjónvarpsauglýsingu frá kjúklingastaðnum Buffalo Wild Wings.

Favre er einhver allra sigursælasti leikstjórnandinn í sögu NFL og lék hann í 18 ár í deildinni. Hann sló eftirminnilega í gegn þegar hann fór með lítið hlutverk í kvikmyndinni Something about Mary á sínum tíma.

Favre var þrisvar kjörinn verðmætasti leikmaður ársins á ferlinum og vann Super Bowl einu sinni - árið 1997 með Green Bay Packers.

Tómas Lemarquis sló í gegn á sínum tíma þegar hann lék aðalhlutverkið í kvikmyndinni Nói Albínói en hann hefur einnig komið fram í X-Men: Apocalypse, Köld slóð 3 Days to Kill og margt fleira.

Buffalo Wild Wings boðar framhald á auglýsingunni eftir þrjár vikur en þá fer einmitt úrslitaleikur NFL-deildarinnar, Ofurskálin, fram. Það er einn þekktasti auglýsingavettvangur vestanhafs og ætlar fyrirtækið sér greinilega ekki að vera eftirbátur annarra.

We didn't get to #HitTheButton tonight, but in two weeks... pic.twitter.com/v2dcyeyL1I

— Buffalo Wild Wings (@BWWings) January 23, 2017