Forsetinn miður sín vegna máls Roberts Downey Nadine Guðrún Yaghi og Stefán Ó. Jónsson skrifa 16. júní 2017 11:18 Forseti Íslands segist vera miður sín vegna máls Roberts Downey, áður Róbert Árni Hreiðarsson, sem í gær fékk lögmannsréttindi sín á ný. Forseti veitti honum uppreist æru samkvæmt tillögu frá Ólöfu Nordal, þáverandi innanríkisráðherra, í september síðastliðnum. Hann undirstrikar að ákvörðunin sé ekki tekin af honum sjálfum - heldur í ráðuneytinu. Hann biður ekki um vorkunn en óskar þess að fólk sýni sanngirni, þá að teknu tilliti til málsmeðferðarinnar. Robert Downey var dæmdur í þriggja ára fangelsi árið 2008 fyrir að brjóta gegn fjórum stúlkum, einni fjórtán ára og þremur fimmtán ára. Hann komst í samband við stúlkurnar með blekkingum og þóttist Robert til að mynda vera 17 ára gamall táningspiltur að nafni Rikki í samskiptum við eina þeirra í gegnum netið. Greiddi hann tveimur stúlknanna fyrir kynmök.Vísir greindi frá því í gær að ein stúlknanna sem Robert braut gegn þyki sem forsetinn hafi brugðist sér. Guðni Th. Jóhannesson segir að ákvörðun um uppreist sé ekki tekin hjá embætti forseta Íslands. „Það gilda ákveðin lög um uppreist æru, almenn hegningarlög og þeir sem sækja um uppreist æru gera það hjá innanríkisráðuneytinu, dómsmálaráðuneytinu eins og það heitir núna. Það er er ákvörðunin tekin, stjórnarathöfnin tekin. Þar vinnur fólk sérþekkingu á lögum og leiðir sig að niðurstöðu út frá því.“Vill loka þá inni og kasta lyklunumHonum finnst þetta mál vera ömurlegt. „Samúð mín er auðvitað öll hjá þeim sem þessi brotamaður braut á. Að þurfa að þola þessa upprifjun núna. Ég er bara eins og aðrir Íslendingar, held ég, að þegar kynferðisafbrot eru annars vegar þá vill maður helst að brotamaðurinn sé læstur inni og lykllinum hent. En við búum líka í réttarríki og leyfðu mér að ítreka þetta - ákvörðunin er ekki tekin hérna.“ Vilji fólk fá rökstuðning fyrir þessari ákvörðun þá verði það að beina þeirri beiðni til ráðuneytis. Hann segist ekki hafa vitað um hvaða mann ræddi þegar hann skrifaði undir beiðnina. „Þann 16. september í fyrra fékk ég fjórar svona beiðnir. Ég fæ engan rökstuðning, engin fylgigögn, einungis nafn og lengd dóms. Svo segir. „Nú þykja skilyrði vera fyrir hendi til þess að verða við framangreindri beiðni vil ég leyfa mér að leggja til að yður, forseti Íslands, mætti þóknast að veita nefndum manni uppreist æru sinnar að því er snertir framangreindan dóm,“ útskýrir Guðni.Fjallað var um mál Roberts Downey í Kompási árið 2007.Var erlendis daginn áður Hefði forsetaembættinu borist þessi beiðni degi fyrr, þann 15. september, þá hefðu handhafar forsetavalds skrifað undir beiðnina enda var Guðni erlendis á þeim tíma. „Svona er kerfið.“ Hann undirstrikar að hann sem forseti er ábyrgðarlaus af stjórnarathöfnum. „Ákvörðunin er tekin í ráðuneytinu. Þetta er allt formlegs eðlis - arfur frá liðinni tíð. „Yður þóknast,“ og svo framvegis. Þegar litið var svo á að forsetinn sjálfur hefði náðunarvald. Ég fæ til dæmis beiðnir hingað um náðanir vegna ölvunaraksturs, frá jafnvel harðduglegu fólki sem er búið að koma sér á beinu brautina. En ég get ekki tekið ákvörðun um slíkt, það er náðunarnefnd sem gerir það.“ Guðna rekur ekki minni til að forseti hafi nokkurn tímann neitað að verða við beiðni um uppreist æru. „Ég spurði lögfrótt fólk um þetta í gær og í morgun og það tjáði mér að það væri líklega, eins og staðan er núna, brot á lögum og stjórnarskrá. Ég er ábyrgðarlaus af stjórnarathöfnum og læt ráðherra framkvæma vald mitt.“Sjá einnig: Ein stúlknanna fjögurra segir forseta Íslands hafa brugðist sérGuðni talaði um það í kosningabaráttunni, sem og eftir embættistökuna, að endurskoða þyrfti stjórnarskrána og ekki síst ákvæði um völd forseta Íslands. „Það er svo margt í stjórnarskránni sem lítur að því að forseti geri hitt og þetta sem hann gerir í raun ekki. Nú höfum við fengið enn eitt dæmið um það. Forseti Íslands er ekki alvaldur. Við viljum ekki búa í þannig ríki að forseti ákveði upp á sitt einsdæmi hverjir fái náðun, hverjir ekki. Hverjiir fái uppreist æru, hverjir ekki. Við viljum frekar hafa þannig að það sé byggt á lögum og að það sé þá málefnalegur rökstuðningur að baki,“ segir Guðni og bætir við að það sé fullrar athugunar virði að endurskoða ferlið þar sem tekið er á því hvernig menn hljóta uppreist æru.Nína Rún Bergsdóttir steig fram í gær og lýsti ofbeldi Roberts.„Ef við viljum að forseti taki þessa ákvörðun, og standi og falli með henni, þá verður apparatið að vera hér, á skrifstofu forseta Íslands. Þá verður beiðnin að koma hingað, ekki í ráðuneytið eins og lögin gera ráð fyrir núna og ákvörðun tekin af forseta, ekki nefnd sérfróðra manna eins og núna. Þá skulum við taka afstöðu til þess hvernig forseti skuli bregðast við í málum eins og þessum.“Umræðan ekki komið honum á óvartGuðni segir að hin mikla umræða - jafnvel reiði - sem skapast hefur í samfélaginu síðastliðinn sólarhring ekki koma sér á óvart og ítrekar hvað hann hafi mikla samúð með þeim sem urðu fyrir barðinu á Roberti. Hann segist ekki geta sagt „já eða nei núna“ um hvort hann hefði brugðist öðruvísi við hefði hann þekkt sögu Roberts Downey. „Það væri ekki heiðarlegt af mér því að rökstuðningur minn í þessu máli er sá að ákvörðunin er ekki mín. Allt ferlið er unnið annars staðar og svo er það með minni, formlegu undirskrift, að málinu er lokið. Það er mín eina aðkoma að þessu. Formlega staðfesting á ákvörðun sem er tekin í stjórnkerfinu, annars staðar - samkvæmt þeim lögum og reglum sem við búum við. Ef við viljum breyta lögum og stjórnarskrá þá skulum við gera það - en það gerum við ekki afturvirkt.“ Þó svo að honum þyki leiðinlegt að forseti beri formlega ábyrgð í málinu, þrátt fyrir að ákvörðunin sé tekin annars staðar í stjórnkerfinu, kveinkar forseti sér ekki. „Mínum óþægindum út af þessu verður aldrei jafnað saman við það sem aðrir hafa þurft að þola í þessu máli. Ég bið fólk að sýna því skilning hvernig málsmeðferðin er þegar menn sem hlotið hafa dóm og afplánað hann og sækja um uppreist æru. Ég bið bara um sanngirni í því en ég bið fólk ekki um að vorkenna mér.“ Tengdar fréttir Dæmdur kynferðisbrotamaður fær lögmannsréttindi á ný Maður sem dæmdur var fyrir kynferðisbrot gegn fjórum stúlkum hefur fengið lögmannsréttindi sín á ný samkvæmt úrskurði Hæstaréttar. 15. júní 2017 17:33 Ein stúlknanna fjögurra segir forseta Íslands hafa brugðist henni Nína Rún Bergsdóttir er ein af fjórum stúlkum sem Robert Downey, áður Róbert Árni Hreiðarsson, braut kynferðislega gegn og hlaut dóm fyrir í Hæstarétti árið 2008. 16. júní 2017 00:04 „Við viljum vera siðmenntað ríki sem þýðir að við gefum mönnum annað tækifæri“ Jón Steinar Gunnlaugsson, lögmaður Roberts Downey sem í dag hlaut lögmannsréttindi á ný, gagnrýnir fjölmiðla fyrir að rifja upp þau brot sem skjólstæðingur hans var dæmdur fyrir í Hæstarétti árið 2008. Ekki er laust við að nokkurrar reiði gæti á samfélagsmiðlum vegna málsins en Jón Steinar minnir á að í íslenskum rétti sé það svo að menn fái annað tækifæri. 15. júní 2017 22:00 Mest lesið Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent Bréf Eggerts kom flatt upp á bæjarstjórnarmenn Innlent Forsætisráðherra Slóvakíu í lífshættu eftir skotárás Erlent Halla þótti standa sig best Innlent Forsetavaktin 2024: Hver verður sjöundi forseti lýðveldisins? Innlent „Köld vatnsgusa“ framan í skólasamfélagið í Laugardal Innlent „Nú verður þú bara að spyrja Bjarna“ Innlent Vann fimmtíu milljónir króna Innlent Gjörbreytt bílpróf en segja hvergi slegið af kröfum Innlent Fleiri fréttir Umferðarslys vegna símanotkunar, banatilræði að forsætisráðherra og mýflugnafaraldur Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Munu lappa upp á vatnspóstinn í Aðalstræti 300 kröfur um húsleit og 294 um símahlustun síðustu fimm ár Tvö innbrot á heimili og líkamsárás með kylfu og piparúða Vann fimmtíu milljónir króna „Köld vatnsgusa“ framan í skólasamfélagið í Laugardal Sjá meira
Forseti Íslands segist vera miður sín vegna máls Roberts Downey, áður Róbert Árni Hreiðarsson, sem í gær fékk lögmannsréttindi sín á ný. Forseti veitti honum uppreist æru samkvæmt tillögu frá Ólöfu Nordal, þáverandi innanríkisráðherra, í september síðastliðnum. Hann undirstrikar að ákvörðunin sé ekki tekin af honum sjálfum - heldur í ráðuneytinu. Hann biður ekki um vorkunn en óskar þess að fólk sýni sanngirni, þá að teknu tilliti til málsmeðferðarinnar. Robert Downey var dæmdur í þriggja ára fangelsi árið 2008 fyrir að brjóta gegn fjórum stúlkum, einni fjórtán ára og þremur fimmtán ára. Hann komst í samband við stúlkurnar með blekkingum og þóttist Robert til að mynda vera 17 ára gamall táningspiltur að nafni Rikki í samskiptum við eina þeirra í gegnum netið. Greiddi hann tveimur stúlknanna fyrir kynmök.Vísir greindi frá því í gær að ein stúlknanna sem Robert braut gegn þyki sem forsetinn hafi brugðist sér. Guðni Th. Jóhannesson segir að ákvörðun um uppreist sé ekki tekin hjá embætti forseta Íslands. „Það gilda ákveðin lög um uppreist æru, almenn hegningarlög og þeir sem sækja um uppreist æru gera það hjá innanríkisráðuneytinu, dómsmálaráðuneytinu eins og það heitir núna. Það er er ákvörðunin tekin, stjórnarathöfnin tekin. Þar vinnur fólk sérþekkingu á lögum og leiðir sig að niðurstöðu út frá því.“Vill loka þá inni og kasta lyklunumHonum finnst þetta mál vera ömurlegt. „Samúð mín er auðvitað öll hjá þeim sem þessi brotamaður braut á. Að þurfa að þola þessa upprifjun núna. Ég er bara eins og aðrir Íslendingar, held ég, að þegar kynferðisafbrot eru annars vegar þá vill maður helst að brotamaðurinn sé læstur inni og lykllinum hent. En við búum líka í réttarríki og leyfðu mér að ítreka þetta - ákvörðunin er ekki tekin hérna.“ Vilji fólk fá rökstuðning fyrir þessari ákvörðun þá verði það að beina þeirri beiðni til ráðuneytis. Hann segist ekki hafa vitað um hvaða mann ræddi þegar hann skrifaði undir beiðnina. „Þann 16. september í fyrra fékk ég fjórar svona beiðnir. Ég fæ engan rökstuðning, engin fylgigögn, einungis nafn og lengd dóms. Svo segir. „Nú þykja skilyrði vera fyrir hendi til þess að verða við framangreindri beiðni vil ég leyfa mér að leggja til að yður, forseti Íslands, mætti þóknast að veita nefndum manni uppreist æru sinnar að því er snertir framangreindan dóm,“ útskýrir Guðni.Fjallað var um mál Roberts Downey í Kompási árið 2007.Var erlendis daginn áður Hefði forsetaembættinu borist þessi beiðni degi fyrr, þann 15. september, þá hefðu handhafar forsetavalds skrifað undir beiðnina enda var Guðni erlendis á þeim tíma. „Svona er kerfið.“ Hann undirstrikar að hann sem forseti er ábyrgðarlaus af stjórnarathöfnum. „Ákvörðunin er tekin í ráðuneytinu. Þetta er allt formlegs eðlis - arfur frá liðinni tíð. „Yður þóknast,“ og svo framvegis. Þegar litið var svo á að forsetinn sjálfur hefði náðunarvald. Ég fæ til dæmis beiðnir hingað um náðanir vegna ölvunaraksturs, frá jafnvel harðduglegu fólki sem er búið að koma sér á beinu brautina. En ég get ekki tekið ákvörðun um slíkt, það er náðunarnefnd sem gerir það.“ Guðna rekur ekki minni til að forseti hafi nokkurn tímann neitað að verða við beiðni um uppreist æru. „Ég spurði lögfrótt fólk um þetta í gær og í morgun og það tjáði mér að það væri líklega, eins og staðan er núna, brot á lögum og stjórnarskrá. Ég er ábyrgðarlaus af stjórnarathöfnum og læt ráðherra framkvæma vald mitt.“Sjá einnig: Ein stúlknanna fjögurra segir forseta Íslands hafa brugðist sérGuðni talaði um það í kosningabaráttunni, sem og eftir embættistökuna, að endurskoða þyrfti stjórnarskrána og ekki síst ákvæði um völd forseta Íslands. „Það er svo margt í stjórnarskránni sem lítur að því að forseti geri hitt og þetta sem hann gerir í raun ekki. Nú höfum við fengið enn eitt dæmið um það. Forseti Íslands er ekki alvaldur. Við viljum ekki búa í þannig ríki að forseti ákveði upp á sitt einsdæmi hverjir fái náðun, hverjir ekki. Hverjiir fái uppreist æru, hverjir ekki. Við viljum frekar hafa þannig að það sé byggt á lögum og að það sé þá málefnalegur rökstuðningur að baki,“ segir Guðni og bætir við að það sé fullrar athugunar virði að endurskoða ferlið þar sem tekið er á því hvernig menn hljóta uppreist æru.Nína Rún Bergsdóttir steig fram í gær og lýsti ofbeldi Roberts.„Ef við viljum að forseti taki þessa ákvörðun, og standi og falli með henni, þá verður apparatið að vera hér, á skrifstofu forseta Íslands. Þá verður beiðnin að koma hingað, ekki í ráðuneytið eins og lögin gera ráð fyrir núna og ákvörðun tekin af forseta, ekki nefnd sérfróðra manna eins og núna. Þá skulum við taka afstöðu til þess hvernig forseti skuli bregðast við í málum eins og þessum.“Umræðan ekki komið honum á óvartGuðni segir að hin mikla umræða - jafnvel reiði - sem skapast hefur í samfélaginu síðastliðinn sólarhring ekki koma sér á óvart og ítrekar hvað hann hafi mikla samúð með þeim sem urðu fyrir barðinu á Roberti. Hann segist ekki geta sagt „já eða nei núna“ um hvort hann hefði brugðist öðruvísi við hefði hann þekkt sögu Roberts Downey. „Það væri ekki heiðarlegt af mér því að rökstuðningur minn í þessu máli er sá að ákvörðunin er ekki mín. Allt ferlið er unnið annars staðar og svo er það með minni, formlegu undirskrift, að málinu er lokið. Það er mín eina aðkoma að þessu. Formlega staðfesting á ákvörðun sem er tekin í stjórnkerfinu, annars staðar - samkvæmt þeim lögum og reglum sem við búum við. Ef við viljum breyta lögum og stjórnarskrá þá skulum við gera það - en það gerum við ekki afturvirkt.“ Þó svo að honum þyki leiðinlegt að forseti beri formlega ábyrgð í málinu, þrátt fyrir að ákvörðunin sé tekin annars staðar í stjórnkerfinu, kveinkar forseti sér ekki. „Mínum óþægindum út af þessu verður aldrei jafnað saman við það sem aðrir hafa þurft að þola í þessu máli. Ég bið fólk að sýna því skilning hvernig málsmeðferðin er þegar menn sem hlotið hafa dóm og afplánað hann og sækja um uppreist æru. Ég bið bara um sanngirni í því en ég bið fólk ekki um að vorkenna mér.“
Tengdar fréttir Dæmdur kynferðisbrotamaður fær lögmannsréttindi á ný Maður sem dæmdur var fyrir kynferðisbrot gegn fjórum stúlkum hefur fengið lögmannsréttindi sín á ný samkvæmt úrskurði Hæstaréttar. 15. júní 2017 17:33 Ein stúlknanna fjögurra segir forseta Íslands hafa brugðist henni Nína Rún Bergsdóttir er ein af fjórum stúlkum sem Robert Downey, áður Róbert Árni Hreiðarsson, braut kynferðislega gegn og hlaut dóm fyrir í Hæstarétti árið 2008. 16. júní 2017 00:04 „Við viljum vera siðmenntað ríki sem þýðir að við gefum mönnum annað tækifæri“ Jón Steinar Gunnlaugsson, lögmaður Roberts Downey sem í dag hlaut lögmannsréttindi á ný, gagnrýnir fjölmiðla fyrir að rifja upp þau brot sem skjólstæðingur hans var dæmdur fyrir í Hæstarétti árið 2008. Ekki er laust við að nokkurrar reiði gæti á samfélagsmiðlum vegna málsins en Jón Steinar minnir á að í íslenskum rétti sé það svo að menn fái annað tækifæri. 15. júní 2017 22:00 Mest lesið Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent Bréf Eggerts kom flatt upp á bæjarstjórnarmenn Innlent Forsætisráðherra Slóvakíu í lífshættu eftir skotárás Erlent Halla þótti standa sig best Innlent Forsetavaktin 2024: Hver verður sjöundi forseti lýðveldisins? Innlent „Köld vatnsgusa“ framan í skólasamfélagið í Laugardal Innlent „Nú verður þú bara að spyrja Bjarna“ Innlent Vann fimmtíu milljónir króna Innlent Gjörbreytt bílpróf en segja hvergi slegið af kröfum Innlent Fleiri fréttir Umferðarslys vegna símanotkunar, banatilræði að forsætisráðherra og mýflugnafaraldur Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Munu lappa upp á vatnspóstinn í Aðalstræti 300 kröfur um húsleit og 294 um símahlustun síðustu fimm ár Tvö innbrot á heimili og líkamsárás með kylfu og piparúða Vann fimmtíu milljónir króna „Köld vatnsgusa“ framan í skólasamfélagið í Laugardal Sjá meira
Dæmdur kynferðisbrotamaður fær lögmannsréttindi á ný Maður sem dæmdur var fyrir kynferðisbrot gegn fjórum stúlkum hefur fengið lögmannsréttindi sín á ný samkvæmt úrskurði Hæstaréttar. 15. júní 2017 17:33
Ein stúlknanna fjögurra segir forseta Íslands hafa brugðist henni Nína Rún Bergsdóttir er ein af fjórum stúlkum sem Robert Downey, áður Róbert Árni Hreiðarsson, braut kynferðislega gegn og hlaut dóm fyrir í Hæstarétti árið 2008. 16. júní 2017 00:04
„Við viljum vera siðmenntað ríki sem þýðir að við gefum mönnum annað tækifæri“ Jón Steinar Gunnlaugsson, lögmaður Roberts Downey sem í dag hlaut lögmannsréttindi á ný, gagnrýnir fjölmiðla fyrir að rifja upp þau brot sem skjólstæðingur hans var dæmdur fyrir í Hæstarétti árið 2008. Ekki er laust við að nokkurrar reiði gæti á samfélagsmiðlum vegna málsins en Jón Steinar minnir á að í íslenskum rétti sé það svo að menn fái annað tækifæri. 15. júní 2017 22:00