Baldursnefndin verður án Baldurs Kolbeinn Tumi Daðason skrifar 2. mars 2016 15:55 Baldur Guðlaugsson lýsti sig vanhæfan til að fjalla um hæfi eins þeirra 38 sem sóttu um. Helga Hlín Hákonardóttir taldi sömuleiðis ekki rétt að hún tæki afstöðu til tveggja umsækjenda. Lögfræðingarnir Baldur Guðlaugsson og Helga Hlín Hákonardóttir sem skipuðu tvö sæti af þremur í nefnd sem átti að meta hæfni umsækjenda um starf skrifstofustjóra á skrifstofu viðskipta-, nýsköpunar- og ferðamála munu ekki koma að því að meta hæfni umsækjenda. Þetta var ljóst eftir að atvinnu- og nýsköpunarráðuneytið tilkynnti að að ný nefnd yrði skipuð til að meta hæfni umsækjenda. Skipun Baldurs sem formanns nefndarinnar vakti athygli þar sem hann hlaut tveggja ára fangelsisdóm árið 2011 fyrir innherjaviðskipti í aðdraganda bankahrunsins. Ragnheiður Elín Árnadóttir, iðnaðar- og viðskiptaráðherra, sagði við RÚV fyrr í mánuðinum að hún bæri fullt traust til Baldurs.Steinunn Valdís Óskarsdóttir er á meðal umsækjenda.Nafntogaðir á meðal umsækjenda Alls sóttu 38 um stöðuna og voru þeirra á meðal nafntogaðir einstaklingar á borð við Steinunni Valdísi Óskarsdóttur, fyrrverandi borgarstjóra, og Kristinn H. Gunnarsson, fyrrverandi þingmaður Framsóknarflokks og fleiri flokka. Þegar nefndarmenn fóru að skoða lista yfir umsækjendur kom í ljós að Baldur og Helga töldu ekki rétt að þau tækju þátt í hæfnismati við ákveðna umsækjendur. Í tilfelli Helgu var um tvo umsækjendur að ráða en einn í tilfelli Baldurs. Starfsmaður nefndarinnar steig inn fyrir þau í viðtölum við viðkomandi umsækjendur. „Rétt er að taka fram að í engu tilfellanna var um að ræða skýlausar vanhæfnisástæður í skilningi stjórnsýslulaga heldur mótaðist afstaða nefndarmanna af ítrustu varfærnissjónarmiðum. Umræddir nefndarmenn tóku því ekki þátt í viðtölum við þá umsækjendur sem um ræðir. Var öllum umsækjendum sem komu í viðtal gerð grein fyrir þessu verklagi,“ segir í tilkynningu frá ráðuneytinu. Starfsmaður nefndarinnar fyllti í skarð þeirra Baldurs og Helgu í fyrrnefndum tilvikum.Ekki liggur fyrir hvort Gylfi Dalmann Aðalsteinsson verði áfram í nefndinni.Óvíst hvort Gylfi verði áfram „Var ekki talin ástæða til að ætla annað en að þetta verklag stæðist allar kröfur um góða stjórnsýslu,“ segir í tilkynningunni. Einn umsækjandi kvartaði að loknum viðtölum yfir því að þar sem um heilstætt ferli væri að ráða, þar sem einn umsækjandi sé ráðinn, þurfi allir nefndarmenn að fjalla um alla umsækjendur,“ segir í tilkynningunni. „Ráðuneytið fór yfir ábendinguna með hæfnisnefndinni og „ er það sameiginleg niðurstaða að það séu hagsmunir allra aðila að ekki skapist óvissa eða ágreiningur um ráðningarferlið sem slíkt, eins og orðið gæti ef hæfnisnefndin í núverandi mynd héldi lengra í störfum sínum.“ Því hefur verið ákveðið að endurskipa nefndina og er reiknað með því að tilkynnt verði um skipun nýju nefndarinnar á næstunni. Þriðji í nefndinni var Gylfi Dalmann Aðalsteinsson, dósent við viðskiptafræðideild Háskóla Íslands. Ekki liggur fyrir hvort hann verði áfram í nefndinni.Að neðan má sjá tilkynninguna frá ráðuneytinu í heild ásamt lista yfir umsækjendurna 38.Umsækjendurnir 1. Anna Margrét Sigurðardóttir 2. Anna María Einarsdóttir 3. Ari Sigurðsson 4. Arnar Guðmundsson 5. Arnór Snæbjörnsson 6. Björn S. Lárusson 7. Bryndís Haraldsdóttir 8. Brynhildur Bergþórsdóttir 9. Drífa Sigfúsdóttir 10. Elvar Knútur Valsson 11. Eva Margrét Ævarsdóttir 12. Geir Þórarinn Þórarinsson 13. Gerður Ríkharðsdóttir 14. Guðbjörg Helga Jóhannesdóttir 15. Guðlaugur Stefánsson 16. Guðríður Kristjánsdóttir 17. Guðrún Erlingsdóttir 18. Gödze Sigurðsson 19. Harpa Theodórsdóttir 20. Ingibjörg A Gestsdóttir 21. Jóhanna Heiðdal Sigurðardóttir 22. Jóhannes Karlsson 23. Jón Gunnar Borgþórsson 24. Jónas Ingvi Ásgrímsson 25. Jónas Páll Jakobsson 26. Kristinn H. Gunnarsson 27. Kristinn Már Reynisson 28. Kristín Helga Markúsdóttir 29. Margrét Sæmundsdóttir 30. Ólafur Egill Jónsson 31. Ólafur Kjartansson 32. Sigrún Brynja Einarsdóttir 33. Sólveig Lilja Einarsdóttir 34. Steinunn Halldórsdóttir 35. Steinunn Valdís Óskarsdóttir 36. Svava Liv Edgarsdóttir 37. Þorgeir Pálsson 38. Þórður ReynissonEndurskipun hæfnisnefndar Í janúar síðastliðnum auglýsti ráðuneytið embætti skrifstofustjóra á skrifstofu viðskipta-, nýsköpunar- og ferðamála laust til umsóknar. Í framhaldinu var skipuð þriggja manna ráðgefandi nefnd til að meta hæfni umsækjenda og setti hún sér starfs- og matsreglur áður en kunnugt varð hverjir sæktu um starfið. Alls bárust 38 umsóknir og ljóst má vera að þegar umsóknir eru jafn margar og raunin varð á er erfitt að komast hjá því að upp komi tilvik þar sem einhver nefndarmaður telur rétt að segja sig frá þátttöku í mati á umsókn einhvers umsækjenda. Þegar umsóknir lágu fyrir og nefndarmenn tóku að kynna sér þær kom í ljós að einn nefndarmanna taldi að vegna persónulegra tengsla við tvo umsækjendur væri ekki rétt að hann tæki þátt í hæfnismati viðkomandi einstaklinga. Annar nefndarmaður komst að sömu niðurstöðu vegna óbeinna persónulegra tengsla við einn umsækjanda. Rétt er að taka fram að í engu tilfellanna var um að ræða skýlausar vanhæfnisástæður í skilningi stjórnsýslulaga heldur mótaðist afstaða nefndarmanna af ítrustu varfærnissjónarmiðum. Umræddir nefndarmenn tóku því ekki þátt í viðtölum við þá umsækjendur sem um ræðir. Var öllum umsækjendum sem komu í viðtal gerð grein fyrir þessu verklagi. Í þeim tilvikum sem að nefndarmaður vék sæti þá fyllti starfsmaður nefndarinnar, sem hefur áratuga reynslu við mannaráðningar, skarð hans sem nefndarmaður ad hoc. Var ekki talin ástæða til að ætla annað en að þetta verklag stæðist allar kröfur um góða stjórnsýslu. Eftir að viðtölum var lokið kom fram kvörtun frá einum umsækjanda þess efnis að þar sem um væri að ræða heildstætt ferli, sem lýkur með því að einn einstaklingur er ráðinn, þá þurfi allir nefndarmenn að fjalla um alla umsækjendur. Ráðuneytið hefur farið yfir ábendinguna með hæfnisnefndinni og er það sameiginleg niðurstaða að það séu hagsmunir allra aðila að ekki skapist óvissa eða ágreiningur um ráðningarferlið sem slíkt, eins og orðið gæti ef hæfnisnefndin í núverandi mynd héldi lengra í störfum sínum. Þá mun ráðuneytið beina því til forsætisráðuneytisins að settar verði leiðbeinandi verklagsreglur um störf hæfnisnefnda til að skýra ýmiss álitamál sem geta komið upp í störfum þeirra. Með hliðsjón af framansögðu hefur verið ákveðið að endurskipa nefndina og hefja matsferlið að nýju. Tengdar fréttir Ráðherra skipar Baldur Guðlaugsson formann hæfisnefndar Hlaut dóm fyrir innherjasvik og brot í starfi. 11. febrúar 2016 15:07 Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira
Lögfræðingarnir Baldur Guðlaugsson og Helga Hlín Hákonardóttir sem skipuðu tvö sæti af þremur í nefnd sem átti að meta hæfni umsækjenda um starf skrifstofustjóra á skrifstofu viðskipta-, nýsköpunar- og ferðamála munu ekki koma að því að meta hæfni umsækjenda. Þetta var ljóst eftir að atvinnu- og nýsköpunarráðuneytið tilkynnti að að ný nefnd yrði skipuð til að meta hæfni umsækjenda. Skipun Baldurs sem formanns nefndarinnar vakti athygli þar sem hann hlaut tveggja ára fangelsisdóm árið 2011 fyrir innherjaviðskipti í aðdraganda bankahrunsins. Ragnheiður Elín Árnadóttir, iðnaðar- og viðskiptaráðherra, sagði við RÚV fyrr í mánuðinum að hún bæri fullt traust til Baldurs.Steinunn Valdís Óskarsdóttir er á meðal umsækjenda.Nafntogaðir á meðal umsækjenda Alls sóttu 38 um stöðuna og voru þeirra á meðal nafntogaðir einstaklingar á borð við Steinunni Valdísi Óskarsdóttur, fyrrverandi borgarstjóra, og Kristinn H. Gunnarsson, fyrrverandi þingmaður Framsóknarflokks og fleiri flokka. Þegar nefndarmenn fóru að skoða lista yfir umsækjendur kom í ljós að Baldur og Helga töldu ekki rétt að þau tækju þátt í hæfnismati við ákveðna umsækjendur. Í tilfelli Helgu var um tvo umsækjendur að ráða en einn í tilfelli Baldurs. Starfsmaður nefndarinnar steig inn fyrir þau í viðtölum við viðkomandi umsækjendur. „Rétt er að taka fram að í engu tilfellanna var um að ræða skýlausar vanhæfnisástæður í skilningi stjórnsýslulaga heldur mótaðist afstaða nefndarmanna af ítrustu varfærnissjónarmiðum. Umræddir nefndarmenn tóku því ekki þátt í viðtölum við þá umsækjendur sem um ræðir. Var öllum umsækjendum sem komu í viðtal gerð grein fyrir þessu verklagi,“ segir í tilkynningu frá ráðuneytinu. Starfsmaður nefndarinnar fyllti í skarð þeirra Baldurs og Helgu í fyrrnefndum tilvikum.Ekki liggur fyrir hvort Gylfi Dalmann Aðalsteinsson verði áfram í nefndinni.Óvíst hvort Gylfi verði áfram „Var ekki talin ástæða til að ætla annað en að þetta verklag stæðist allar kröfur um góða stjórnsýslu,“ segir í tilkynningunni. Einn umsækjandi kvartaði að loknum viðtölum yfir því að þar sem um heilstætt ferli væri að ráða, þar sem einn umsækjandi sé ráðinn, þurfi allir nefndarmenn að fjalla um alla umsækjendur,“ segir í tilkynningunni. „Ráðuneytið fór yfir ábendinguna með hæfnisnefndinni og „ er það sameiginleg niðurstaða að það séu hagsmunir allra aðila að ekki skapist óvissa eða ágreiningur um ráðningarferlið sem slíkt, eins og orðið gæti ef hæfnisnefndin í núverandi mynd héldi lengra í störfum sínum.“ Því hefur verið ákveðið að endurskipa nefndina og er reiknað með því að tilkynnt verði um skipun nýju nefndarinnar á næstunni. Þriðji í nefndinni var Gylfi Dalmann Aðalsteinsson, dósent við viðskiptafræðideild Háskóla Íslands. Ekki liggur fyrir hvort hann verði áfram í nefndinni.Að neðan má sjá tilkynninguna frá ráðuneytinu í heild ásamt lista yfir umsækjendurna 38.Umsækjendurnir 1. Anna Margrét Sigurðardóttir 2. Anna María Einarsdóttir 3. Ari Sigurðsson 4. Arnar Guðmundsson 5. Arnór Snæbjörnsson 6. Björn S. Lárusson 7. Bryndís Haraldsdóttir 8. Brynhildur Bergþórsdóttir 9. Drífa Sigfúsdóttir 10. Elvar Knútur Valsson 11. Eva Margrét Ævarsdóttir 12. Geir Þórarinn Þórarinsson 13. Gerður Ríkharðsdóttir 14. Guðbjörg Helga Jóhannesdóttir 15. Guðlaugur Stefánsson 16. Guðríður Kristjánsdóttir 17. Guðrún Erlingsdóttir 18. Gödze Sigurðsson 19. Harpa Theodórsdóttir 20. Ingibjörg A Gestsdóttir 21. Jóhanna Heiðdal Sigurðardóttir 22. Jóhannes Karlsson 23. Jón Gunnar Borgþórsson 24. Jónas Ingvi Ásgrímsson 25. Jónas Páll Jakobsson 26. Kristinn H. Gunnarsson 27. Kristinn Már Reynisson 28. Kristín Helga Markúsdóttir 29. Margrét Sæmundsdóttir 30. Ólafur Egill Jónsson 31. Ólafur Kjartansson 32. Sigrún Brynja Einarsdóttir 33. Sólveig Lilja Einarsdóttir 34. Steinunn Halldórsdóttir 35. Steinunn Valdís Óskarsdóttir 36. Svava Liv Edgarsdóttir 37. Þorgeir Pálsson 38. Þórður ReynissonEndurskipun hæfnisnefndar Í janúar síðastliðnum auglýsti ráðuneytið embætti skrifstofustjóra á skrifstofu viðskipta-, nýsköpunar- og ferðamála laust til umsóknar. Í framhaldinu var skipuð þriggja manna ráðgefandi nefnd til að meta hæfni umsækjenda og setti hún sér starfs- og matsreglur áður en kunnugt varð hverjir sæktu um starfið. Alls bárust 38 umsóknir og ljóst má vera að þegar umsóknir eru jafn margar og raunin varð á er erfitt að komast hjá því að upp komi tilvik þar sem einhver nefndarmaður telur rétt að segja sig frá þátttöku í mati á umsókn einhvers umsækjenda. Þegar umsóknir lágu fyrir og nefndarmenn tóku að kynna sér þær kom í ljós að einn nefndarmanna taldi að vegna persónulegra tengsla við tvo umsækjendur væri ekki rétt að hann tæki þátt í hæfnismati viðkomandi einstaklinga. Annar nefndarmaður komst að sömu niðurstöðu vegna óbeinna persónulegra tengsla við einn umsækjanda. Rétt er að taka fram að í engu tilfellanna var um að ræða skýlausar vanhæfnisástæður í skilningi stjórnsýslulaga heldur mótaðist afstaða nefndarmanna af ítrustu varfærnissjónarmiðum. Umræddir nefndarmenn tóku því ekki þátt í viðtölum við þá umsækjendur sem um ræðir. Var öllum umsækjendum sem komu í viðtal gerð grein fyrir þessu verklagi. Í þeim tilvikum sem að nefndarmaður vék sæti þá fyllti starfsmaður nefndarinnar, sem hefur áratuga reynslu við mannaráðningar, skarð hans sem nefndarmaður ad hoc. Var ekki talin ástæða til að ætla annað en að þetta verklag stæðist allar kröfur um góða stjórnsýslu. Eftir að viðtölum var lokið kom fram kvörtun frá einum umsækjanda þess efnis að þar sem um væri að ræða heildstætt ferli, sem lýkur með því að einn einstaklingur er ráðinn, þá þurfi allir nefndarmenn að fjalla um alla umsækjendur. Ráðuneytið hefur farið yfir ábendinguna með hæfnisnefndinni og er það sameiginleg niðurstaða að það séu hagsmunir allra aðila að ekki skapist óvissa eða ágreiningur um ráðningarferlið sem slíkt, eins og orðið gæti ef hæfnisnefndin í núverandi mynd héldi lengra í störfum sínum. Þá mun ráðuneytið beina því til forsætisráðuneytisins að settar verði leiðbeinandi verklagsreglur um störf hæfnisnefnda til að skýra ýmiss álitamál sem geta komið upp í störfum þeirra. Með hliðsjón af framansögðu hefur verið ákveðið að endurskipa nefndina og hefja matsferlið að nýju.
Tengdar fréttir Ráðherra skipar Baldur Guðlaugsson formann hæfisnefndar Hlaut dóm fyrir innherjasvik og brot í starfi. 11. febrúar 2016 15:07 Mest lesið Einhver í herberginu segi ekki satt Innlent Staldraði við þegar talað var um fóstur sem frumuklasa Innlent Katrín tekur forystuna á ný og Halla T í sókn Innlent Svona voru kappræður sex efstu í baráttunni um Bessastaði Innlent Skipstjórinn gistir fangageymslur ásamt stýrimanni Innlent „Við erum ekki hlutlaus þjóð“ Innlent Kviknaði í bensínbíl í akstri á Dalbraut Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Telur ekki óeðlilegt að sýna mótmælendum samstöðu Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Sjá meira
Ráðherra skipar Baldur Guðlaugsson formann hæfisnefndar Hlaut dóm fyrir innherjasvik og brot í starfi. 11. febrúar 2016 15:07