Tryllt klúbbakvöld á Palóma

Útvarpsþátturinn og viðburðarteymið Elements stendur fyrir trylltu klúbbakvöldi ásamt Geysir Records með tónlistarmanni og plötusnúð frá Bretlandi sem hefur skapað sér stóran sess í huga og hjörtum danstónlistarunnenda út um allan heim.

Omid Nourizadeh eða Omid 16b eins og hann er þekktur best sem mun koma fram á skemmtistaðnum Paloma laugardagskvöldið 28. maí næstkomandi. KGB spilar á neðri hæð.

Þeir sem muna eftir komu S.O.S. (Desyn Masiello, Demi og Omid 16b) hingað til lands á sínum tíma vita hvað er í vændum á Paloma. Omid 16b á eitt besta progressive lag samtímans að sögn Exos. Hér má kynna sér nánar um kvöldið.