Með opinn eld að vopni Garðar H. Guðjónsson og Bjarni Kjartansson skrifar 24. maí 2016 07:00 Í vorblíðunni að undanförnu hafa menn víða unnið við að leggja pappa á þök með opinn eld að vopni. Í ljósi reynslunnar eru líkur á að í mörgum tilvikum hafi varúðarráðstafanir verið af skornum skammti og eldvörnum áfátt. Slökkvilið og tryggingafélög þakka fyrir hvern dag sem líður án þess að eldur komi upp og verulegt tjón hljótist af slíkri vinnu. Nokkrir af stærri eldsvoðum sögunnar hafa hlotist af vinnu með opinn eld. Mörg dæmi eru um eldsvoða þar sem tjón nemur hundruðum milljóna og jafnvel milljörðum að núvirði. Auk þess mikla tjóns sem verður á eignum og rekstri þegar eldur kemst í pappa á þaki byggingar eru slíkir eldsvoðar slökkviliðum mjög erfiðir viðureignar.Árangur á Norðurlöndum Á Norðurlöndum öðrum en Íslandi hefur náðst mikill árangur í því að draga úr eldsvoðum vegna logavinnu með fræðslu fyrir þá sem vinna slíka vinnu. Raunar er það svo að í Noregi, Svíþjóð, Finnlandi og Danmörku er engum heimilt að vinna slíka vinnu nema að fengnu sérstöku leyfi að undangengnu námi sem meðal annars lýtur að öryggismálum og eldvörnum. Þessi árangur hefur náðst með samstilltu átaki ýmissa hagsmunaaðila, tryggingafélaga, samtaka í atvinnulífinu og fleiri. Hér á landi má segja að lagning þakpappa lúti fáum reglum, engrar iðnmenntunar er þörf og engin sérstök leyfi þarf fyrir slíkri starfsemi. Iðan fræðslusetur hefur í samvinnu við Eldvarnabandalagið á undanförnum misserum auglýst reglulega námskeið um eldvarnir við logavinnu eða heita vinnu. Auk logavinnu vegna lagningar þakpappa má í þessu sambandi nefna logsuðu, rafsuðu og skurð með slípirokki. Undirtektir hafa vægast sagt verið afar dræmar og því hafa aðeins fáeinir einstaklingar fengið staðgóða fræðslu um hvernig standa beri að eldvörnum við logavinnu. Þess ber að geta að nemendur í ýmsum iðngreinum fá grunnfræðslu um öryggismál og eldvarnir. Það á þó ekki við ófagmenntaða verktaka og starfsmenn í þakpappalögn.Ábyrgð eigenda Ábyrgð þeirra sem taka að sér slík verkefni er mikil en að sama skapi er vert að benda á ábyrgð eigenda og umsjónarmanna húsnæðisins. Þeim ber að sjálfsögðu að gera það sem í þeirra valdi stendur til að verja eigur sínar og starfsemi. Afar mikilvægt er fyrir eigendur og umsjónarmenn fasteigna að hafa vara á þegar vinna þarf heita vinnu í húsnæði þeirra, hvort sem um er að ræða íbúðar- eða atvinnuhúsnæði. Raunar ætti logavinna aldrei að hefjast nema ábyrgðarmaður húsnæðis hafi gengið úr skugga um að nægilega sé gætt að eldvörnum og öryggi. Sé ekki rétt staðið að verkinu getur mikið tjón á eignum og rekstri hlotist af. Eldvarnabandalagið er samstarfsvettvangur fyrirtækja, félagasamtaka og stofnana um auknar eldvarnir. Eitt af áhersluverkefnum samstarfsins er að leita leiða til úrbóta á þessu sviði.Greinin birtist fyrst í Fréttablaðinu 24. maí Viltu birta grein á Vísi? Sendu okkur póst. Senda grein Tengdar fréttir Staða leikskóla Reykjavíkurborgar – Að horfast í augu við raunveruleikann Fæstum foreldrum leikskólabarna í Reykjavík dylst sú alvarlega staða sem komin er upp í leikskólum borgarinnar. 24. maí 2016 07:00 Mest lesið Jarðakaup í nýjum tilgangi Halla Hrund Logadóttir Skoðun Forsetaframboð í Fellini stíl Stefán Ólafsson Skoðun Borgar þú 65 prósent skatt af þínum tekjum? Guðfinnur Sigurvinsson Skoðun Brúarsmið á Bessastaði Jóhanna Vigdís Guðmundsdóttir Skoðun Norska veiðistöðin Friðrik Erlingsson Skoðun Ég kýs… Gísli Ásgeirsson Skoðun Af auðvaldsmönnum og undirlægjuhætti Ester Hilmarsdóttir Skoðun Nú getum við brotið blað Ragnheiður Davíðsdóttir Skoðun Öll með? – 4.020 kr. hækkun fyrir skatt eftir 16 mánuði! Unnur Helga Óttarsdóttir Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson Skoðun Skoðun Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar Skoðun „Almennings“ samgöngur? Bragi Gunnlaugsson skrifar Skoðun Góður forseti G. Pétur Matthíasson skrifar Skoðun Hvers vegna Halla Tómasdóttir? Guðjón Sigurðsson skrifar Skoðun Heimildin sem hvarf úr frumvarpi matvælaráðherra Vala Árnadóttir skrifar Skoðun Sníða sér stakk eftir vexti Guðni Magnús Ingvason skrifar Skoðun Norskir herrar eða íslenskir? Þóra Bergný Guðmundsdóttir skrifar Skoðun Af hverju ertu að bjóða þig fram? Sigurður Ragnarsson skrifar Sjá meira
Í vorblíðunni að undanförnu hafa menn víða unnið við að leggja pappa á þök með opinn eld að vopni. Í ljósi reynslunnar eru líkur á að í mörgum tilvikum hafi varúðarráðstafanir verið af skornum skammti og eldvörnum áfátt. Slökkvilið og tryggingafélög þakka fyrir hvern dag sem líður án þess að eldur komi upp og verulegt tjón hljótist af slíkri vinnu. Nokkrir af stærri eldsvoðum sögunnar hafa hlotist af vinnu með opinn eld. Mörg dæmi eru um eldsvoða þar sem tjón nemur hundruðum milljóna og jafnvel milljörðum að núvirði. Auk þess mikla tjóns sem verður á eignum og rekstri þegar eldur kemst í pappa á þaki byggingar eru slíkir eldsvoðar slökkviliðum mjög erfiðir viðureignar.Árangur á Norðurlöndum Á Norðurlöndum öðrum en Íslandi hefur náðst mikill árangur í því að draga úr eldsvoðum vegna logavinnu með fræðslu fyrir þá sem vinna slíka vinnu. Raunar er það svo að í Noregi, Svíþjóð, Finnlandi og Danmörku er engum heimilt að vinna slíka vinnu nema að fengnu sérstöku leyfi að undangengnu námi sem meðal annars lýtur að öryggismálum og eldvörnum. Þessi árangur hefur náðst með samstilltu átaki ýmissa hagsmunaaðila, tryggingafélaga, samtaka í atvinnulífinu og fleiri. Hér á landi má segja að lagning þakpappa lúti fáum reglum, engrar iðnmenntunar er þörf og engin sérstök leyfi þarf fyrir slíkri starfsemi. Iðan fræðslusetur hefur í samvinnu við Eldvarnabandalagið á undanförnum misserum auglýst reglulega námskeið um eldvarnir við logavinnu eða heita vinnu. Auk logavinnu vegna lagningar þakpappa má í þessu sambandi nefna logsuðu, rafsuðu og skurð með slípirokki. Undirtektir hafa vægast sagt verið afar dræmar og því hafa aðeins fáeinir einstaklingar fengið staðgóða fræðslu um hvernig standa beri að eldvörnum við logavinnu. Þess ber að geta að nemendur í ýmsum iðngreinum fá grunnfræðslu um öryggismál og eldvarnir. Það á þó ekki við ófagmenntaða verktaka og starfsmenn í þakpappalögn.Ábyrgð eigenda Ábyrgð þeirra sem taka að sér slík verkefni er mikil en að sama skapi er vert að benda á ábyrgð eigenda og umsjónarmanna húsnæðisins. Þeim ber að sjálfsögðu að gera það sem í þeirra valdi stendur til að verja eigur sínar og starfsemi. Afar mikilvægt er fyrir eigendur og umsjónarmenn fasteigna að hafa vara á þegar vinna þarf heita vinnu í húsnæði þeirra, hvort sem um er að ræða íbúðar- eða atvinnuhúsnæði. Raunar ætti logavinna aldrei að hefjast nema ábyrgðarmaður húsnæðis hafi gengið úr skugga um að nægilega sé gætt að eldvörnum og öryggi. Sé ekki rétt staðið að verkinu getur mikið tjón á eignum og rekstri hlotist af. Eldvarnabandalagið er samstarfsvettvangur fyrirtækja, félagasamtaka og stofnana um auknar eldvarnir. Eitt af áhersluverkefnum samstarfsins er að leita leiða til úrbóta á þessu sviði.Greinin birtist fyrst í Fréttablaðinu 24. maí
Staða leikskóla Reykjavíkurborgar – Að horfast í augu við raunveruleikann Fæstum foreldrum leikskólabarna í Reykjavík dylst sú alvarlega staða sem komin er upp í leikskólum borgarinnar. 24. maí 2016 07:00
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar
Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar