Maður opnar mjólkurfernu

Vísir hefur á stundum boðið uppá húsráð, sem hafa fallið vel í kramið meðal lesenda. En, ekkert er ljós án skugga. Til þess eru vítin til að vita um þau til að geta varast þau ... hér er ráð sem ekki er til eftirbreytni.

Meðfylgjandi myndbrot er nú á fleygiferð um netið, rúmlega fimm milljónir hafa nú þegar horft á það sem sætir það nokkurri furðu því hér er gefið ráð sem óvarlegt er að byggja á. En, það virðist hreinlega ánetjandi að fylgjast með þessu atriði.

Myndbandið, sem hefur verið á netinu um nokkurt skeið, er frá níunda áratug síðustu aldar og er frá Austurríki. Þar var embættismaður að sýna fram á hve góðar nýjustu mjólkurfernurnar væru.

En, sjón er sögu ríkari.