Gósenlandið góða Marta Eiríksdóttir skrifar 30. nóvember 2016 09:40 Hérna bý ég í draumalandi allra jafnaðarmanna, þar sem jafnaðarstefnan hefur ríkt í mörg ár og gert vel við alla þegna sína, ríka sem fátæka, veika sem hrausta. Já allt heiðarlegt fólk blómstrar í svona norrænum kringumstæðum. Ég hef reynslu af því að búa í þremur norrænum samfélögum, Íslandi, Danmörku og Noregi. Það síðastnefnda slær þeim öllum við hvað varðar réttlæti og jöfnuð. Já við erum auðvitað að tala um Noreg, landið sem við Íslendingar fluttum frá fyrir mörgum öldum vegna þrengsla og herskárra aðstæðna. Nú er öldin svo sannarlega önnur hér og kannski mál að Íslendingar snúi heim aftur á fornar slóðir og uppfæri sig? Það gerðum við hjónin en það var ekki átakalaust því söknuður eftir ástvinum hefur kostað mörg tár. Þrátt fyrir það ætlum við samt að vera hérna aðeins lengur og læra af Norðmönnum því hér er svo ótrúlega margt að læra. Aðallega finnst okkur stórmerkilegt að upplifa ærlega hvernig það er að búa þar sem almennilegt réttlæti ríkir og þar sem yfirvöld hugsa vel um þegna sína. Núna þegar við erum búin að koma okkur vel fyrir hérna með heimili, tungumáli og vinnu, þá viljum við læra meir af Norðmönnum. Hér þar sem norrænt velferðarríki dafnar. Ef það virkar hjá frændþjóð vorri, hvers vegna ekki heima í landinu okkar góða? Kannski stofnum við hjónin bara nýjan stjórnmálaflokk þegar við komum heim aftur og skírum hann Norðmannaflokkinn eða jafnvel Noregsflokkinn? Æðsta markmið flokksins yrði auðvitað að innleiða ríkidæmi fyrir ALLA að norrænni fyrirmynd. Ég fékk þvílík viðbrögð vegna fyrri greinar minnar Guð blessi Ísland að ég varð að storma fram á ritvöllinn aftur. Sumar athugasemdirnar voru málefnalegar, aðrar alls ekki, heldur var eins og fólk misskildi svo herfilega orð mín eða bara las ekki alla greinina. Svo virtust sumir fá útrás við að gera lítið úr mér. Ég tek ekki þátt í því. Allir mega jú viðra skoðun sína og við þurfum ekki að vera sammála um allt. Jæja en ég læt mér ekki segjast, sérstaklega ekki af neikvæðu fólki. Auðvitað var farið illa með okkur Íslendinga árið 2008 en lífið heldur áfram. Ef við erum eilíft að kvarta og kveina þá stöðnum við á vondum stað. Allar skoðanir hafa rétt á sér. Já og einnig þær sem bullukollurnar vilja ropa út úr sér. Þannig virkar lýðræði. Lengi lifi málfrelsið! Ég stend við allt sem ég sagði. Mér finnst alls ekki gott að vita til þess að vinstri stjórn ríki alein heima. Vinstri menn mega fljóta með en ekki komast í ríkiskassann aleinir því þá koma enn fleiri höft. Það er skoðun mín. Ég er ekki að tala um gjaldeyrishöftin, heldur skatta og tekjutengingar sem letja almenning og þá sérstaklega ungt fólk sem vill vinna mikið til þess að koma yfir sig húsnæði án þess að allt sé étið upp í formi skatta og skerðinga. Já ég er að tala um höft í formi lífsgæða. Skattahækkanir og tekjutengingar eru eins og salt í sár þeirra sem vilja vinna og þéna pening. Það þarf svo sannarlega að afnema flækjustig skattanna heima sem vinstri stjórn Steingríms og félaga komu á. Í þessu tilliti má nefna hátekjuskattinn sem miðaðist við einhvern tvöhundruðþúsund kall sem er auðvitað bara brandari. Síðasta ríkisstjórn hefði nú getað leiðrétt alla þessa vitleysu. Svona skattakerfi eins og er á Íslandi í dag hvetur engan. Skattar eiga ekki að vera hindrun í samfélagi heldur hvatning til þess að vinna meira ef fólk vill. Ég vona svo sannarlega að ný ríkisstjórn, með góðu fólki úr öllum áttum, hægri, vinstri og miðju, fari nú loksins að vinna í þessum skattaþrepum og einfaldi þau. Afnemi tekjutengingar í eitt skipti fyrir öll og hafi aðeins eitt sanngjarnt skattaprósentustig. Einnig þarf að afnema skatt á sparifé því í langflestum tilfellum erum við að tala um eldri borgara. Ríkidæmi mitt í lýðræðisþjóðfélagi felst aðallega í því að mega tala frítt, vera góð við þá sem standa mér næst, hugsa hlýtt til þeirra sem minna mega sín en rassgatast í þeim sem mér finnst beita aðra óréttlæti eins og td. ríkisstjórn sem borgar ekki góð laun öllum heilbrigðisstéttum eða kennurum. Þessar stéttir eru að hlúa að grunnstoðum samfélagsins. Það vita Norðmenn eins og áður sagði en einnig Danir. Veit ekki með Svía og Finna en allavegana þessar norrænu þjóðir sem við Íslendingar miðum lífskjör okkar við. Það vantar mikið upp á að Íslendingar geti talist sanngjarnt norrænt samfélag en ég veit að með einbeittum vilja og ásetningi þá geta yfirvöld forgangsraðað betur heima og híft laun allra hærra upp. Hvernig væri það? Eða eins og Mojfríður vinkona mín myndi segja; „Malbikum bara færri götur!“ Viltu birta grein á Vísi? Sendu okkur póst. Senda grein Tengdar fréttir Guð blessi Ísland 25. nóvember 2016 09:54 Mest lesið Hvað er eiginlega að gerast? Inga Minelgaite Skoðun Ókostir forsetaframbjóðandans Katrínar Jakobsdóttur Alfreð Sturla Böðvarsson Skoðun Nú vandast valið Ebba Margrét Magnúsdóttir Skoðun Svik forsetaframbjóðanda við börnin á Gaza Salvör Gullbrá Þórarinsdóttir Skoðun Nöturlegt ævikvöld Elín Hirst Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun Manstu ekki eftir mér Sævar Helgi Lárusson Skoðun Er keisarinn ekki í neinum fötum? Hákon Gunnarsson ,Bergljót Kristinsdóttir Skoðun Á að banna TikTok? Óttar Birgisson Skoðun Gerum góðan dal enn betri Eiríkur Hjálmarsson Skoðun Skoðun Skoðun Þekking á naloxone nefúða getur bjargað lífi Hildur Vattnes Kristjánsdóttir skrifar Skoðun Svik forsetaframbjóðanda við börnin á Gaza Salvör Gullbrá Þórarinsdóttir skrifar Skoðun Getum við breytt fortíðinni? Ásgeir Jónsson skrifar Skoðun Á að banna TikTok? Óttar Birgisson skrifar Skoðun Gerum góðan dal enn betri Eiríkur Hjálmarsson skrifar Skoðun Ný norræn stjórnarskrá Hrannar Björn Arnarsson,Ragnheiður Þórarinsdóttir skrifar Skoðun Getum við verið hamingjusöm í vinnunni? Héðinn Sveinbjörnsson skrifar Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar Skoðun Stærsta loftslagsráðstefna í heimi Nótt Thorberg skrifar Skoðun Er keisarinn ekki í neinum fötum? Hákon Gunnarsson ,Bergljót Kristinsdóttir skrifar Skoðun Hugleiðing um sáttamiðlun Ámundi Loftsson skrifar Skoðun Nöturlegt ævikvöld Elín Hirst skrifar Skoðun Hvað er eiginlega að gerast? Inga Minelgaite skrifar Skoðun Manstu ekki eftir mér Sævar Helgi Lárusson skrifar Skoðun Nú vandast valið Ebba Margrét Magnúsdóttir skrifar Skoðun The man who would be king Ian McDonald skrifar Skoðun Umhverfisávinningur þess að þrifta Hólmfríður Jennýjar Árnadóttir skrifar Skoðun Ókostir forsetaframbjóðandans Katrínar Jakobsdóttur Alfreð Sturla Böðvarsson skrifar Skoðun Eru orkumálin að fara úr böndunum? Jónas Guðmundsson skrifar Skoðun Skipulagsmál og uppbygging í Árborg Bragi Bjarnason skrifar Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Sjá meira
Hérna bý ég í draumalandi allra jafnaðarmanna, þar sem jafnaðarstefnan hefur ríkt í mörg ár og gert vel við alla þegna sína, ríka sem fátæka, veika sem hrausta. Já allt heiðarlegt fólk blómstrar í svona norrænum kringumstæðum. Ég hef reynslu af því að búa í þremur norrænum samfélögum, Íslandi, Danmörku og Noregi. Það síðastnefnda slær þeim öllum við hvað varðar réttlæti og jöfnuð. Já við erum auðvitað að tala um Noreg, landið sem við Íslendingar fluttum frá fyrir mörgum öldum vegna þrengsla og herskárra aðstæðna. Nú er öldin svo sannarlega önnur hér og kannski mál að Íslendingar snúi heim aftur á fornar slóðir og uppfæri sig? Það gerðum við hjónin en það var ekki átakalaust því söknuður eftir ástvinum hefur kostað mörg tár. Þrátt fyrir það ætlum við samt að vera hérna aðeins lengur og læra af Norðmönnum því hér er svo ótrúlega margt að læra. Aðallega finnst okkur stórmerkilegt að upplifa ærlega hvernig það er að búa þar sem almennilegt réttlæti ríkir og þar sem yfirvöld hugsa vel um þegna sína. Núna þegar við erum búin að koma okkur vel fyrir hérna með heimili, tungumáli og vinnu, þá viljum við læra meir af Norðmönnum. Hér þar sem norrænt velferðarríki dafnar. Ef það virkar hjá frændþjóð vorri, hvers vegna ekki heima í landinu okkar góða? Kannski stofnum við hjónin bara nýjan stjórnmálaflokk þegar við komum heim aftur og skírum hann Norðmannaflokkinn eða jafnvel Noregsflokkinn? Æðsta markmið flokksins yrði auðvitað að innleiða ríkidæmi fyrir ALLA að norrænni fyrirmynd. Ég fékk þvílík viðbrögð vegna fyrri greinar minnar Guð blessi Ísland að ég varð að storma fram á ritvöllinn aftur. Sumar athugasemdirnar voru málefnalegar, aðrar alls ekki, heldur var eins og fólk misskildi svo herfilega orð mín eða bara las ekki alla greinina. Svo virtust sumir fá útrás við að gera lítið úr mér. Ég tek ekki þátt í því. Allir mega jú viðra skoðun sína og við þurfum ekki að vera sammála um allt. Jæja en ég læt mér ekki segjast, sérstaklega ekki af neikvæðu fólki. Auðvitað var farið illa með okkur Íslendinga árið 2008 en lífið heldur áfram. Ef við erum eilíft að kvarta og kveina þá stöðnum við á vondum stað. Allar skoðanir hafa rétt á sér. Já og einnig þær sem bullukollurnar vilja ropa út úr sér. Þannig virkar lýðræði. Lengi lifi málfrelsið! Ég stend við allt sem ég sagði. Mér finnst alls ekki gott að vita til þess að vinstri stjórn ríki alein heima. Vinstri menn mega fljóta með en ekki komast í ríkiskassann aleinir því þá koma enn fleiri höft. Það er skoðun mín. Ég er ekki að tala um gjaldeyrishöftin, heldur skatta og tekjutengingar sem letja almenning og þá sérstaklega ungt fólk sem vill vinna mikið til þess að koma yfir sig húsnæði án þess að allt sé étið upp í formi skatta og skerðinga. Já ég er að tala um höft í formi lífsgæða. Skattahækkanir og tekjutengingar eru eins og salt í sár þeirra sem vilja vinna og þéna pening. Það þarf svo sannarlega að afnema flækjustig skattanna heima sem vinstri stjórn Steingríms og félaga komu á. Í þessu tilliti má nefna hátekjuskattinn sem miðaðist við einhvern tvöhundruðþúsund kall sem er auðvitað bara brandari. Síðasta ríkisstjórn hefði nú getað leiðrétt alla þessa vitleysu. Svona skattakerfi eins og er á Íslandi í dag hvetur engan. Skattar eiga ekki að vera hindrun í samfélagi heldur hvatning til þess að vinna meira ef fólk vill. Ég vona svo sannarlega að ný ríkisstjórn, með góðu fólki úr öllum áttum, hægri, vinstri og miðju, fari nú loksins að vinna í þessum skattaþrepum og einfaldi þau. Afnemi tekjutengingar í eitt skipti fyrir öll og hafi aðeins eitt sanngjarnt skattaprósentustig. Einnig þarf að afnema skatt á sparifé því í langflestum tilfellum erum við að tala um eldri borgara. Ríkidæmi mitt í lýðræðisþjóðfélagi felst aðallega í því að mega tala frítt, vera góð við þá sem standa mér næst, hugsa hlýtt til þeirra sem minna mega sín en rassgatast í þeim sem mér finnst beita aðra óréttlæti eins og td. ríkisstjórn sem borgar ekki góð laun öllum heilbrigðisstéttum eða kennurum. Þessar stéttir eru að hlúa að grunnstoðum samfélagsins. Það vita Norðmenn eins og áður sagði en einnig Danir. Veit ekki með Svía og Finna en allavegana þessar norrænu þjóðir sem við Íslendingar miðum lífskjör okkar við. Það vantar mikið upp á að Íslendingar geti talist sanngjarnt norrænt samfélag en ég veit að með einbeittum vilja og ásetningi þá geta yfirvöld forgangsraðað betur heima og híft laun allra hærra upp. Hvernig væri það? Eða eins og Mojfríður vinkona mín myndi segja; „Malbikum bara færri götur!“
Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun
Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar
Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun