Stikla Þjóðleikhússins reyndist of blóðug fyrir Facebook

Stjórnendur Facebook gerðu Ara Matthíassyni Þjóðleikhússtjóra að fjarlægja kynningarstiklu af Facebooksíðu Þjóðleikhússins. Ef hann yrði ekki við því, þá yrði Facebooksíðu leikhússins lokað.

Vinsæl stikla

„Your ad was disapproved because the image being used in the ad shows excessive violence or gore,“ segir í bréfi Facebook til Ara.

Um er að ræða stiklu úr sýningunni Hleyptu þeim rétta inn í Þjóðleikhúsinu en hún vakti óskipta athygli á samfélagsmiðlum í vikunni. Um 20 þúsund manns voru búnir að horfa á hana þegar bréfið frá Facebook barst. Í stiklunni sjást blóðugar hendur en sýningin Hleyptu þeim rétta inn fjallar um ástarsamband 12 ára drengs, sem lagður er í hrottalegt einelti, og vampírunnar Elí sem flytur í blokkina til hans. Ari Matthíasson Þjóðleikhússtjóri varð við beiðni um Facebook um að fjarlægja stikluna.

Hér fyrir neðan getur að líta stikluna sem Zuckerberg og hans menn vilja ekki sjá á sínum miðli.

Vill ekki eiga reiði Zuckerbergs yfir höfði sér

„Að sjálfsögðu vill maður ekki komast upp á kant við Mark Zuckerberg og eiga á hættu að vera útilokaður frá Facebook. Þess vegna brást ég hratt og örugglega við og reyndi ekki að áfrýja þessum úrskurði,“ segir Ari, sem reyndi að malda í móinn.

„Ég vísaði til þess að stiklan var eingöngu birt íslenskum notendum sem að höfðu tugþúsundum saman skoðað stikluna. Og ég gerði ráð fyrir því að allir Íslendingar viti um tilvist Þjóðleikhússins og skilji að hér er á ferðinni leiksýning. En Facebook-menn eru vandir að virðingu sinni og hafa kannski ekki sama þolgæði og ég geri ráð fyrir að Íslendingar hafi fyrir blóðugum höndum og þess vegna tókum við út stikluna sem þótti of gróf fyrir Facebook en með sýningunni vill Þjóðleikhúsið nálgast ungu kynslóðina.“

Þú hefur sem sagt reynt að malda í móinn?

„Já, að sjáfsögðu.“

Svar Zuckerbergs

Svarið frá Facebook við mótbárum Ara var svohljóðandi, og lagði Ari við svo búið vopn sín niður:

Hi Ari,Hi, Thanks for writing in.

Your ad was disapproved because the image being used in the ad shows excessive violence or gore. We do not allow videos that are intended to shock or scare the users. We've found that ads like this cause a significant amount of negative feedback from people on Facebook.

You may use a different image that positively connects with people and recreate your post. The current post remains published, but isn't running as an ad. If it’s an ad created from the create flow, you can edit it in your ads manager: www.facebook.com/ads/manage

Was this helpful? Let us know: https://www.facebook.com/survey/?oid=388382157932113 Don’t hesitate to write back if you need more help.

Have a great day. Thanks,

Marty Facebook Ads Team