Bjóst við útungun en fékk máltíð snáks - Myndband

Íbúi í St. Louis í Missouri uppgötvaði á dögunum að í tré í garði hans var að finna rauðbrystingshreiður. Sökum þessa ákvað hann að koma GoPro vél fyrir á grein við hreiðrið svo hann gæti séð þegar ungarnir klekjast út.

Náttúran er hins vegar óútreiknanleg og örlög unganna urðu talsvert önnur en hann hafði áætlað. Þegar hann kannaði upptökuna kom öllu sorglegri endir í ljós, það er ef maður er aðdáandi fugla en fremur illa við slöngur og snáka.

Myndbandi af þessu atviki var hlaðið á Youtube í gær og hefur hátt í milljón manns séð það á þeim tíma. Hægt er að sjá það hér fyrir neðan.