Jakob og félagar stóðu af sér áhlaup Nässjö og komust í 2-1

Jakob Örn Sigurðarson og félagar hans í Borås Basket lögðu KFUM Nässjö, 83-80, í þriðja leik liðanna í átta liða úrslitum sænsku úrvalsdeildarinnar í körfubolta í dag. Staðan er nú 2-1 fyrir Borås.

Heimamenn réðu lögum og lofum fyrstu þrjá leikhlutana. Þeir voru 47-36 yfir í hálfleik og voru með 17 stiga forskot eftir þrjá leikhluta, 65-48. Gestirnir frá Nässjö tóku á mikinn sprett í fjórða leikhlutanum sem þeir unnu með fjórtán stiga mun, 32-18, en það var ekki nóg.

Nässjö hélt mikilli spennu í leiknum undir lokin með að skora í hverri einustu sókn en Borås-menn voru með stáltaugar á vítalínunni og hittu úr hverju einasta víti á lokasekúndunum.

Gestirnir minnkuðu muninn í eitt stig, 81-80, þegar fjórar sekúndur voru eftir en Jakob Örn fékk síðasta skotið um leið og lokaflautið gall og gekk frá leiknum með góðri körfu, 83-80.

Jakob skoraði 17 stig í dag, tók eitt frágafst og gaf tvær stoðsendingar. Hann var í miklum ham í síðasta leik og skoraði þá 31 stig. Borås er 2-1 yfir í einvíginu og getur komist í undanúrslitin með sigri á útivelli í næsta leik.