Borgin Homs rústir einar

Eftir tæplega fimm ára átök eru skemmdirnar í Sýrlandi orðnar gífurlegar. Þar hefur borgin Homs komið hvað verst út. Rússneska fyrirtækið Russiaworks birti nýverið drónamyndband sem sýnir glögglega hve miklar skemmdirnar eru.

Talið er að minnst 250 þúsund manns hafi fallið í átökunum og hafa milljónir þurft að yfirgefa heimili sín.

Sjá einnig: Ótrúlegt drónamyndband af eyðileggingu í Sýrlandi



Bardagar í Homs hafa verið harðir. Frá 2011 til 2014 var hluti borgarinnar í höndum uppreisnarmanna og sat stjórnarherinn um borgina allan þann tíma. Umsátrið endaði með samkomulagi á milli uppreisnarmanna og hersins sem Sameinuðu þjóðirnar miðluðu. Enn berast þó reglulega fregnir af mannfalli borgara í borginni og nærliggjandi hverfum og þorpum.