Mark Zuckerberg bauð Chewbacca konunni í heimsókn

Myndbandið af Candace Payne ærast af gleði þegar hún setti upp Chewbacca grímu er orðið langvinsælasta myndband í sögu Facebook sem sýnt var í beinni útsendingu. Á mánudagsmorgun mætti í morgunþáttinn Good Morning America og eins og búast mátti við þá verður hún í öllum stærstu spjallþáttum heims á næstu dögum.

Í fyrradag skellti hún sér einnig í bíltúr með Bretanum James Corden og leikstjóranum J.J. Abrams en sá síðarnefndi leikstýrði nýjustu Star Wars myndinni. Í framhaldinu af því bauð Mark Zuckerberg, stofnandi Facebook, henni í heimsókn í höfuðstöðvar fyrirtækisins og lék hún þar á alls oddi.

„Við buðum Candace Payne, konunni sem hefur fengið 141 milljón áhorfa með Chewbacca-grímu myndbandinu, í heimsókn í höfuðstöðvararnar og við komum henni heldur betur á óvart,“ segir Zuckerberg í færslu á Facebook.

Hið óvænta var að Chewbacca var sjálfur mættur á svæðið og léku þau tvö sér saman í Kísildalnum eins og sjá má að myndunum hér að neðan.