Gunnar Bragi: „Þetta embætti hefur þroskað mig“

Gunnar Bragi Sveinsson, nýr sjávarútvegs- og landbúnaðarráðherra, þakkar á Facebook-síðu sinni fyrir þann tíma sem honum gafst til þess að standa í forsvari fyrir land og þjóð á erlendri grundu. Hann segist ánægður með stefnumál ríkisstjórnarinnar og þau verk sem sett voru í framkvæmd. Sum þeirra hafi oft verið umdeild en hann segist viss um að niðurstaða þeirra sé til farsældar fyrir þjóðina.

„Ég dreg ekki á dul að þetta embætti hefur þroskað mig og breytt sýn minni á sum mál en í öðrum hef ég styrkst í minni skoðun,” segir Gunnar Bragi, sem lét af störfum sem utanríkisráðherra í dag. Lilja Alfreðsdóttir tók við embættinu á sama tíma og Gunnar Bragi tók við atvinnuvegaráðuneyti.

Í pistil sínum segir Gunnar Bragi þá stefnu ríkisstjórnarinnar að ganga ekki lengra í samningaviðræðum við Evrópusambandið umdeilda en að stefnan hafi verið skýr. „Ekki var um að ræða að halda vegferðinni áfram og viðræðum því slitið. Eftir veru mína í utanríkisráðuneytinu hef ég styrkst í þeirri skoðun að hag Íslands sé best borgið utan sambandsins.”

Þá ræðir hann jafnframt þvingunaraðgerðir vestrænna ríkja vegna Úkraínudeilunnar og viðskiptabanns Rússa. „Stefna ríkisstjórnarinnar er skýr, að standa með stærri hagsmunum Íslands, virðingu fyrir alþjóðalögum.“

Lesa má pistil Gunnars Braga í heild hér fyrir neðan.

Um það að vera utanríkisráðherra:Ég vil þakka kærlega fyrir þann tíma sem mér gafst til þess að standa í forsvari...

Posted by Gunnar Bragi Sveinsson on 7. apríl 2016