Vatnsleki í Borgartúni

Mikið af köldu vatni flæddi niður þrjár hæðir í skrifstofuhúsi við Borgartún, þegar vatnsleiðsla sprakk á þriðju hæðinni laust fyrir klukkan eitt í nótt.

Öryggisvörður varð þessa var og kallaði á slökkvilið, sem sendi tíu manns frá tveimur stöðvum á vettvang, enda var vatn farið að flæða um að minnstakosti 800 fermetra gólfflöt.

Þeir stöðvuðu lekann og voru svo tvær klukkustundir að dæla mestu af vatninu út og síðan tóku verktakar á vegum tryggingafélaga við. Ekki liggur enn fyrir hversu tjónið varð mikið, en tryggingasérfræðingar eru nú að meta það.