Sextán sigrar í sextán leikjum hjá Guðjóni Val og félögum

Guðjón Valur Sigurðsson og félagar í Barcelona unnu tíu marka útisigur á Helvetia Anaitasuna, 32-22, í spænsku úrvalsdeildinni í handbolta.

Guðjón Valur Sigurðsson skoraði 3 mörk úr 4 skotum í leiknum en fyrsta markið hans kom Börsungum í 14-10 á 27. mínútu leiksins. Hin mörkin hans komu í seinni hálfleiknum.

Barcelona var 16-12 yfir í hálfleik en munurinn var bara eitt mark, 22-21, þegar rúmar fjórtán mínútur voru eftir.

Barcelona skipti þá um gír og vann lokakafla leiksins 10-1.

GUðjón Valur kom Barcelona í 22-20 og í 24-21 á lokakafla leiksins.

Raul Entrerrios var markahæstur hjá Barcelona með sjö mörk úr níu skotum og Kiril Lazarov skoraði sex mörk.

Barcelona er með níu stiga forskot á toppi deildarinnar en liðið hefur unnið alla sextán deildarleiki tímabilsins.