Banaslys við Jökulsá á Brú

Laust fyrir klukkan fjögur í dag varð banaslys nálægt brúnni yfir Jökulsá á Brú við Heiðarenda. Ökumaður jepplings missti stjórn á bíl sínum með þeim afleiðingum að hann fór út af veginum í bratta og valt nokkrar veltur. Lögreglan á Austurlandi staðfestir þetta. 

Ökumaðurinn var kona fædd árið 1955 en hún var ein í bílnum og lést. Lögregla, læknir og sjúkraliði komu frá Egilsstöðum.

Aðstæður voru mjög erfiðar á slysstað vegna veðurs. Ekki er unnt að greina frá nafni konunnar sem lést að svo stöddu.