Samkomulag í höfn í kjaradeilu sjómanna og útgerðarmanna

Starfsmenn ríkissáttasemjara eru byrjaðir að baka vöfflur og verið er að velja penna til að skrifa undir nýja kjarasamninga útgerðarinnar við sjómenn.

Bryndís Hlöðversdóttir ríkissáttasemjari sagði í samtali við fréttastofu Stöðvar 2 samkomulag liggja fyrir en enn eigi eftir að undirrita það. 

Samningamenn frá Sjómannasambandi Íslands og Samtaka fyrirtækja í sjávarútvegi eru nú í sitthvoru lagi að fara yfir samninginn.

Sjómanna- og verkalýðsfélag Grindavíkur sagði sig frá þessu samningaviðræðum.

Sjómannasambandið hafði samningsumboð fyrir félagið sem ákvað hins vegar að semja sjálft fyrir hönd sinna félagsmanna. 

Uppfært klukkan 01:00

Samningar voru undirritaðir um klukkan eitt í nótt. Verkfallnu verður frestað á þriðjudagskvöld klukkan 20.