Sjö atriði sem vert er að fylgjast með á kosninganótt Hulda Hólmkelsdóttir skrifar 7. nóvember 2016 23:53 Á morgun ræðst hver verður forseti Bandaríkjanna. Vísir/Getty Bandaríkjamenn ganga til kosninga á morgun og þá kemur loksins í ljós hvort Hillary Clinton eða Donald Trump verður forseti Bandaríkjanna. Frambjóðendurnir vinna nú hörðum höndum til að tryggja sér ríki líkt og Flórída, Pennsylvaníu og Norður-Karólínu, sem geta skipt sköpum fyrir niðurstöðu kosninganna. CNN hefur tekið saman lista yfir sjö atriði sem vert er að fylgjast með á kosninganótt þegar tölur berast og niðurstaðan verður ljós.Ríkin sem Trump þarf að vinna Vænlegasta leið Trump til að tryggja sér forsetastólinn er að halda í tvö lykilríki sem Mitt Romney vann fyrir fjórum árum, Norður-Karólínu og Arizona, sem og að snúa þremur ríkjum sem Obama vann þá, Flórída, Ohio og Iowa. Tap í einhverju af þessum ríkjum minnkar líkur Trump á að ná 270 kjörmönnum, sem er þá fjöldi sem þarf til að sigra. Ef Trump hins vegar nær Michigan eða Pennsylvaníu úr klóm Demókrata, sem hafa unnið í þessum lykilríkum sex kosningar í röð, skiptir Norður-Karólína ekki jafn miklu máli fyrir Repúblikana. Sigur í Pennsylvaníu eða Michigan gerir það að verkum að Trump hefur efni á tapi í Norður-Karólínu en eigi samt líkur á að ná 270 kjörmönnum.Sjá einnig: Um hvaða ríki liggur leið Trump í Hvíta húsið? Ef hann hins vegar nær því ekki, heldur í Norður-Karólínu og Arizona, nær Flórída Ohio og Iowa aftur, ásamt hluta Maine, nær hann einungis 260 kjörmönnum. Trump þyrfti þá einhvernvegin að ná 10 kjörmönnum í viðbót. Fjórir menn New Hampshire og þeir sex sem Nevada á myndu bjarga honum. Níu kjörmenn Colorado, 15 menn Michigan og þeir 20 sem Pennsylvania hefur eru einnig mögulegir.Ríkin sem Clinton þarf að vinna Clinton treystir á að svokallaður eldveggur um sex lykilríki muni halda og tryggja að kona verði í fyrsta sinn forseti Bandaríkjanna. Þar á meðal eru ríkin Michigan, Pennsylvanía og Wisconsin. Trump herjar eins og áður segir á þau ríki, en Clinton hefur náð að halda forskoti sínu þar í skoðanakönnunum. Hins vegar þurfa kjósendur í Michigan og Pennsylvaníu að kjósa á sjálfan kjördag, en Clinton hefur mikið reitt sig á utankjörfundaratkvæðagreiðslur í öðrum ríkjum. Ef Clinton nær að narra íbúa Michigan og Pennsylvaníu á kjörstað, ásamt því að næla sér í Norður-Karólínu, Flórída eða Ohio, er hún nánast búin að tryggja sér sigurinn. Sjá einnig:Eldveggur Clinton utan um lykilríki leið hennar að sigri Ef hún nær engu þessa þriggja ríkja, þarf hún að halda í Virginíu, Colorado, New Hampshire og Nevada, þar sem utankjörfundaratkvæðagreiðslur hafa veitt henni töluvert forskot.Munu kjósendur af suður-amerískum uppruna mæta á kjörstað? Stuðningsmenn Clinton einkennast af vel menntuðu fólki, konum og kjósendum af Suður-Amerískum uppruna sem hafa ekki kosið áður. Í ríkjum þar sem utankjörfundaratkvæðagreiðsla er í boði, líkt og Nevada og Flórída, bendir allt til þess að þessir nýju kjósendur mæti vel á kjörstað. Til að mynda höfðu 57 þúsund manns kosið í Nevada á föstudag, og mynduðust langar raðir í hverfum þar sem Bandaríkjamenn af Suður-Amerískum uppruna eru í meirihluta. Margir nýir kjósendur eru, samkvæmt skoðanakönnunum, að mæta á kjörstað til að mótmæla Trump. Þá stólar Clinton á að afstaða fólks af Suður-Amerískum uppruna hafi ekki verið mæld rétt í kosningabaráttunni. Þetta er ekki í fyrsta skipti sem þennan markhóp ber á góma. Eftir forsetakosningarnar árið 2012 benti Repúblikanaflokkurinn á að ekki hefði nægilega verið höfðað til fólks af Suður-Amerískum uppruna og að flokkurinn þyrfti að bæta úr því. Forsetaframbjóðandi Repúblikana hefur gjörsamlega afneitað þessum ráðleggingum. Orð Trump um mexíkóska innflytjendur, sem og orð hans í garð kvenna, hafa gert það að verkum að Clinton hefur mikið forskot meðal kvenkjósenda. Þá hefur framboð Clinton lagt ríka áherslu á niðrandi orð Trump í garð kvenna á miðjunni, sem hafa hjálpað Repúblikönum í fyrri kosningum.Una Sighvatsdóttir, fréttamaður 365, er stödd í Bandaríkjunum yfir kosningarnar. Innslag hennar úr kvöldfréttum Stöðvar 2 má sjá í spilaranum hér fyrir neðan, þar sem hún meðal annars ræðir við fólk á kosningaskrifstoru Repúblikana.Lumar Trump á „þöglum meirihluta?“ Helsti styrkleiki Trump er yfirþyrmandi stuðningur frá óánægðum hvítum kjósendum, einna helst lítið menntuðum hvítum körlum. Framboð hans hefur mikið byggt á því að þeir kjósendur, sem margir eru óflokksbundnir eða Demókratar, muni heillast af verndarstefnu Trump í viðskiptum, og skila sér í góðu fylgi á kjördag. Til að þetta skili sér þarf hins vegar stór hluti Demókrata að sitja heima á morgun. Líklegt er að Trump sigri í Iowa og hefur mælst ofar en Clinton í Ohio. Hann stólar á að millistéttar-Demókratar í Pennsylvaníu og Michigan færist yfir á hans band og að hann sigir annað þessa ríkja. Michigan hefur spilað stóra rullu á lokametrum kosningabaráttunnar. Þar hafa íbúar til að mynda lent illa í þeim viðskiptasamningum sem Trump segist vilja endurskoða. Herbúðir Clinton hafa þó reynt að snúa vörn í sókn og sent Clinton sjálfa þangað, ásamt Barack Obama Bandaríkjaforseta, til að tala við kjósendur.Munu svartir kjósendur skila sér á kjörstað? Eitt aðaláhyggjuefni Demókrata er hvort svartir kjósendur, sem í gegnum tíðina hafa hallast til vinstri, muni mæta á kjörstað í þeim fjölda líkt og þegar Obama var í framboði árin 2008 og 2012. Ef svo verður ekki, gæti hallað á Clinton í lykilríkjum, sérstaklega Flórída og Norður-Karólínu. Obama hefur reynt að leggja sitt á vogarskálarnar til að aðstoða við að ná til svartra kjósenda og hefur meðal annars sagt að kosningar snúist jafnt um hann sem og Clinton. „Ég veit að það er fjöldi fólks á rakarastofum og snyrtistofum, í hverfunum sem segja við sjálf sig „Við elskum Barack, við elskum Michelle, þetta var spennandi en núna erum við ekki jafn spennt.““ sagði Obama. „En vitið hvað? Ég þarf að allir skilji að allt sem við höfum gert stendur og fellur með því að það taki einhver við keflinu sem trúir á sömu hluti og ég.“Áhrif Trump á Repúblikanaflokkinn Frá því að Trump hreppti tilnefningu Repúblikana í maí síðastliðnum hafa þingmenn flokksins þurft að svara fyrir allt sem hann segir – allt frá árásum á margverðlaunaðan hermann sem dó á vígvelli og til píku ummælanna frægu. Sjá einnig: Frammámenn í Repúblikanaflokknum draga stuðning sinn til baka Um leið og kosningunum líkur munu þingmenn Repúblikana aftur ná völdum innan flokksins, sérstaklega ef þeir ná að halda velli í þingi og öldungadeildarþinginu. Þá þarf flokkurinn að ákveða hvað þau ætli að gera við viðhorf Trump til viðskiptafrelsis, ákall hans um að hlutverk Bandaríkjanna verði minna á alþjóðasviðinu, sem og gagnrýni hans á þingmenn flokksins. Þetta gerist hvort sem hann vinnur eða tapar.Hvernig mun taparinn taka úrslitunum Kosningabaráttan hefur verið löng og ströng og eru Bandaríkjamenn nánast klofnir í afstöðu sinni. Svo mikilvægasta spurningin gæti verið hvernig minnipokamaðurinn bregst við úrslitunum. Trump og Clinton eru bæði ótrúlega óvinsælir frambjóðendur. Hálf þjóðin telur Clinton vera glæpamann og hinn helmingurinn telur Trump vera rasista og kvenhatara. Þá hefur Trump sjálfur sagt að hann telji kosningunum vera hagrætt. Hann hefur lagt í efa hvort að utankjörfundaratkvæði sem berist með pósti verði yfirleitt talin og haldið því fram að kosningasvindl sé algengt. Viðbrögð taparans munu skipta sköpum í ímyndarsköpun sigurvegarans, hvort sem þau verða jákvæð eða neikvæð. Donald Trump Forsetakosningar í Bandaríkjunum Tengdar fréttir Trump bannað að nota Twitter á lokametrunum Nánustu samstarfsmenn Trump eru kampakátir með að hafa náð Twitter af Trump. 7. nóvember 2016 09:45 Stöð 2 heimsækir Repúblikana: „Bandaríkin verða stórkostleg aftur“ Í kosningamiðstöð Repúblikanaflokksins í Fairfax í Virginíu hafa hundruð sjálfboðaliða tekið þátt í því að fá fólk til að mæta á kjörstað. 7. nóvember 2016 19:00 Trump reynir að friða alþjóðasamfélagið á lokametrunum Kosningateymi Donald Trump vinnur nú hörðum höndum við að bæta orðspor hans hjá alþjóðasamfélaginu á lokametrum kosningabaráttunnar. Bandaríkjamenn ganga til kosninga á morgun. 7. nóvember 2016 22:59 Trump neitar að samþykkja niðurstöðu FBI "Það er ekki hægt að skoða 650 þúsund tölvupósta á átta dögum.“ 7. nóvember 2016 08:14 Eldveggur Clinton utan um lykilríki leið hennar að sigri Clinton treystir á að svokallaður eldveggur um sex lykilríki muni halda og tryggja að kona verði í fyrsta sinn forseti Bandaríkjanna. 7. nóvember 2016 15:30 Um hvaða ríki liggur leið Trump í Hvíta húsið? Flórida og Norður-Karólína eru lykilríki ætli Trump sér að fá lykla að Hvíta húsinu. 7. nóvember 2016 14:00 Hitti skömmustulega Bandaríkjamenn í DC tveimur dögum fyrir kosningar Una Sighvatsdóttir, fréttamaður Stöðvar 2, er stödd í Washington DC ásamt Sigurjóni Ólafssyni tökumanni en Bandaríkjamenn kjósa sér nýjan forseta á morgun. 7. nóvember 2016 09:52 Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Bandaríkjamenn ganga til kosninga á morgun og þá kemur loksins í ljós hvort Hillary Clinton eða Donald Trump verður forseti Bandaríkjanna. Frambjóðendurnir vinna nú hörðum höndum til að tryggja sér ríki líkt og Flórída, Pennsylvaníu og Norður-Karólínu, sem geta skipt sköpum fyrir niðurstöðu kosninganna. CNN hefur tekið saman lista yfir sjö atriði sem vert er að fylgjast með á kosninganótt þegar tölur berast og niðurstaðan verður ljós.Ríkin sem Trump þarf að vinna Vænlegasta leið Trump til að tryggja sér forsetastólinn er að halda í tvö lykilríki sem Mitt Romney vann fyrir fjórum árum, Norður-Karólínu og Arizona, sem og að snúa þremur ríkjum sem Obama vann þá, Flórída, Ohio og Iowa. Tap í einhverju af þessum ríkjum minnkar líkur Trump á að ná 270 kjörmönnum, sem er þá fjöldi sem þarf til að sigra. Ef Trump hins vegar nær Michigan eða Pennsylvaníu úr klóm Demókrata, sem hafa unnið í þessum lykilríkum sex kosningar í röð, skiptir Norður-Karólína ekki jafn miklu máli fyrir Repúblikana. Sigur í Pennsylvaníu eða Michigan gerir það að verkum að Trump hefur efni á tapi í Norður-Karólínu en eigi samt líkur á að ná 270 kjörmönnum.Sjá einnig: Um hvaða ríki liggur leið Trump í Hvíta húsið? Ef hann hins vegar nær því ekki, heldur í Norður-Karólínu og Arizona, nær Flórída Ohio og Iowa aftur, ásamt hluta Maine, nær hann einungis 260 kjörmönnum. Trump þyrfti þá einhvernvegin að ná 10 kjörmönnum í viðbót. Fjórir menn New Hampshire og þeir sex sem Nevada á myndu bjarga honum. Níu kjörmenn Colorado, 15 menn Michigan og þeir 20 sem Pennsylvania hefur eru einnig mögulegir.Ríkin sem Clinton þarf að vinna Clinton treystir á að svokallaður eldveggur um sex lykilríki muni halda og tryggja að kona verði í fyrsta sinn forseti Bandaríkjanna. Þar á meðal eru ríkin Michigan, Pennsylvanía og Wisconsin. Trump herjar eins og áður segir á þau ríki, en Clinton hefur náð að halda forskoti sínu þar í skoðanakönnunum. Hins vegar þurfa kjósendur í Michigan og Pennsylvaníu að kjósa á sjálfan kjördag, en Clinton hefur mikið reitt sig á utankjörfundaratkvæðagreiðslur í öðrum ríkjum. Ef Clinton nær að narra íbúa Michigan og Pennsylvaníu á kjörstað, ásamt því að næla sér í Norður-Karólínu, Flórída eða Ohio, er hún nánast búin að tryggja sér sigurinn. Sjá einnig:Eldveggur Clinton utan um lykilríki leið hennar að sigri Ef hún nær engu þessa þriggja ríkja, þarf hún að halda í Virginíu, Colorado, New Hampshire og Nevada, þar sem utankjörfundaratkvæðagreiðslur hafa veitt henni töluvert forskot.Munu kjósendur af suður-amerískum uppruna mæta á kjörstað? Stuðningsmenn Clinton einkennast af vel menntuðu fólki, konum og kjósendum af Suður-Amerískum uppruna sem hafa ekki kosið áður. Í ríkjum þar sem utankjörfundaratkvæðagreiðsla er í boði, líkt og Nevada og Flórída, bendir allt til þess að þessir nýju kjósendur mæti vel á kjörstað. Til að mynda höfðu 57 þúsund manns kosið í Nevada á föstudag, og mynduðust langar raðir í hverfum þar sem Bandaríkjamenn af Suður-Amerískum uppruna eru í meirihluta. Margir nýir kjósendur eru, samkvæmt skoðanakönnunum, að mæta á kjörstað til að mótmæla Trump. Þá stólar Clinton á að afstaða fólks af Suður-Amerískum uppruna hafi ekki verið mæld rétt í kosningabaráttunni. Þetta er ekki í fyrsta skipti sem þennan markhóp ber á góma. Eftir forsetakosningarnar árið 2012 benti Repúblikanaflokkurinn á að ekki hefði nægilega verið höfðað til fólks af Suður-Amerískum uppruna og að flokkurinn þyrfti að bæta úr því. Forsetaframbjóðandi Repúblikana hefur gjörsamlega afneitað þessum ráðleggingum. Orð Trump um mexíkóska innflytjendur, sem og orð hans í garð kvenna, hafa gert það að verkum að Clinton hefur mikið forskot meðal kvenkjósenda. Þá hefur framboð Clinton lagt ríka áherslu á niðrandi orð Trump í garð kvenna á miðjunni, sem hafa hjálpað Repúblikönum í fyrri kosningum.Una Sighvatsdóttir, fréttamaður 365, er stödd í Bandaríkjunum yfir kosningarnar. Innslag hennar úr kvöldfréttum Stöðvar 2 má sjá í spilaranum hér fyrir neðan, þar sem hún meðal annars ræðir við fólk á kosningaskrifstoru Repúblikana.Lumar Trump á „þöglum meirihluta?“ Helsti styrkleiki Trump er yfirþyrmandi stuðningur frá óánægðum hvítum kjósendum, einna helst lítið menntuðum hvítum körlum. Framboð hans hefur mikið byggt á því að þeir kjósendur, sem margir eru óflokksbundnir eða Demókratar, muni heillast af verndarstefnu Trump í viðskiptum, og skila sér í góðu fylgi á kjördag. Til að þetta skili sér þarf hins vegar stór hluti Demókrata að sitja heima á morgun. Líklegt er að Trump sigri í Iowa og hefur mælst ofar en Clinton í Ohio. Hann stólar á að millistéttar-Demókratar í Pennsylvaníu og Michigan færist yfir á hans band og að hann sigir annað þessa ríkja. Michigan hefur spilað stóra rullu á lokametrum kosningabaráttunnar. Þar hafa íbúar til að mynda lent illa í þeim viðskiptasamningum sem Trump segist vilja endurskoða. Herbúðir Clinton hafa þó reynt að snúa vörn í sókn og sent Clinton sjálfa þangað, ásamt Barack Obama Bandaríkjaforseta, til að tala við kjósendur.Munu svartir kjósendur skila sér á kjörstað? Eitt aðaláhyggjuefni Demókrata er hvort svartir kjósendur, sem í gegnum tíðina hafa hallast til vinstri, muni mæta á kjörstað í þeim fjölda líkt og þegar Obama var í framboði árin 2008 og 2012. Ef svo verður ekki, gæti hallað á Clinton í lykilríkjum, sérstaklega Flórída og Norður-Karólínu. Obama hefur reynt að leggja sitt á vogarskálarnar til að aðstoða við að ná til svartra kjósenda og hefur meðal annars sagt að kosningar snúist jafnt um hann sem og Clinton. „Ég veit að það er fjöldi fólks á rakarastofum og snyrtistofum, í hverfunum sem segja við sjálf sig „Við elskum Barack, við elskum Michelle, þetta var spennandi en núna erum við ekki jafn spennt.““ sagði Obama. „En vitið hvað? Ég þarf að allir skilji að allt sem við höfum gert stendur og fellur með því að það taki einhver við keflinu sem trúir á sömu hluti og ég.“Áhrif Trump á Repúblikanaflokkinn Frá því að Trump hreppti tilnefningu Repúblikana í maí síðastliðnum hafa þingmenn flokksins þurft að svara fyrir allt sem hann segir – allt frá árásum á margverðlaunaðan hermann sem dó á vígvelli og til píku ummælanna frægu. Sjá einnig: Frammámenn í Repúblikanaflokknum draga stuðning sinn til baka Um leið og kosningunum líkur munu þingmenn Repúblikana aftur ná völdum innan flokksins, sérstaklega ef þeir ná að halda velli í þingi og öldungadeildarþinginu. Þá þarf flokkurinn að ákveða hvað þau ætli að gera við viðhorf Trump til viðskiptafrelsis, ákall hans um að hlutverk Bandaríkjanna verði minna á alþjóðasviðinu, sem og gagnrýni hans á þingmenn flokksins. Þetta gerist hvort sem hann vinnur eða tapar.Hvernig mun taparinn taka úrslitunum Kosningabaráttan hefur verið löng og ströng og eru Bandaríkjamenn nánast klofnir í afstöðu sinni. Svo mikilvægasta spurningin gæti verið hvernig minnipokamaðurinn bregst við úrslitunum. Trump og Clinton eru bæði ótrúlega óvinsælir frambjóðendur. Hálf þjóðin telur Clinton vera glæpamann og hinn helmingurinn telur Trump vera rasista og kvenhatara. Þá hefur Trump sjálfur sagt að hann telji kosningunum vera hagrætt. Hann hefur lagt í efa hvort að utankjörfundaratkvæði sem berist með pósti verði yfirleitt talin og haldið því fram að kosningasvindl sé algengt. Viðbrögð taparans munu skipta sköpum í ímyndarsköpun sigurvegarans, hvort sem þau verða jákvæð eða neikvæð.
Donald Trump Forsetakosningar í Bandaríkjunum Tengdar fréttir Trump bannað að nota Twitter á lokametrunum Nánustu samstarfsmenn Trump eru kampakátir með að hafa náð Twitter af Trump. 7. nóvember 2016 09:45 Stöð 2 heimsækir Repúblikana: „Bandaríkin verða stórkostleg aftur“ Í kosningamiðstöð Repúblikanaflokksins í Fairfax í Virginíu hafa hundruð sjálfboðaliða tekið þátt í því að fá fólk til að mæta á kjörstað. 7. nóvember 2016 19:00 Trump reynir að friða alþjóðasamfélagið á lokametrunum Kosningateymi Donald Trump vinnur nú hörðum höndum við að bæta orðspor hans hjá alþjóðasamfélaginu á lokametrum kosningabaráttunnar. Bandaríkjamenn ganga til kosninga á morgun. 7. nóvember 2016 22:59 Trump neitar að samþykkja niðurstöðu FBI "Það er ekki hægt að skoða 650 þúsund tölvupósta á átta dögum.“ 7. nóvember 2016 08:14 Eldveggur Clinton utan um lykilríki leið hennar að sigri Clinton treystir á að svokallaður eldveggur um sex lykilríki muni halda og tryggja að kona verði í fyrsta sinn forseti Bandaríkjanna. 7. nóvember 2016 15:30 Um hvaða ríki liggur leið Trump í Hvíta húsið? Flórida og Norður-Karólína eru lykilríki ætli Trump sér að fá lykla að Hvíta húsinu. 7. nóvember 2016 14:00 Hitti skömmustulega Bandaríkjamenn í DC tveimur dögum fyrir kosningar Una Sighvatsdóttir, fréttamaður Stöðvar 2, er stödd í Washington DC ásamt Sigurjóni Ólafssyni tökumanni en Bandaríkjamenn kjósa sér nýjan forseta á morgun. 7. nóvember 2016 09:52 Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Trump bannað að nota Twitter á lokametrunum Nánustu samstarfsmenn Trump eru kampakátir með að hafa náð Twitter af Trump. 7. nóvember 2016 09:45
Stöð 2 heimsækir Repúblikana: „Bandaríkin verða stórkostleg aftur“ Í kosningamiðstöð Repúblikanaflokksins í Fairfax í Virginíu hafa hundruð sjálfboðaliða tekið þátt í því að fá fólk til að mæta á kjörstað. 7. nóvember 2016 19:00
Trump reynir að friða alþjóðasamfélagið á lokametrunum Kosningateymi Donald Trump vinnur nú hörðum höndum við að bæta orðspor hans hjá alþjóðasamfélaginu á lokametrum kosningabaráttunnar. Bandaríkjamenn ganga til kosninga á morgun. 7. nóvember 2016 22:59
Trump neitar að samþykkja niðurstöðu FBI "Það er ekki hægt að skoða 650 þúsund tölvupósta á átta dögum.“ 7. nóvember 2016 08:14
Eldveggur Clinton utan um lykilríki leið hennar að sigri Clinton treystir á að svokallaður eldveggur um sex lykilríki muni halda og tryggja að kona verði í fyrsta sinn forseti Bandaríkjanna. 7. nóvember 2016 15:30
Um hvaða ríki liggur leið Trump í Hvíta húsið? Flórida og Norður-Karólína eru lykilríki ætli Trump sér að fá lykla að Hvíta húsinu. 7. nóvember 2016 14:00
Hitti skömmustulega Bandaríkjamenn í DC tveimur dögum fyrir kosningar Una Sighvatsdóttir, fréttamaður Stöðvar 2, er stödd í Washington DC ásamt Sigurjóni Ólafssyni tökumanni en Bandaríkjamenn kjósa sér nýjan forseta á morgun. 7. nóvember 2016 09:52
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda